Isaías 52:2 - Kaxinawá Bíblia (BR)

² Jerusalémnẽ, beni kushipariwe! Mĩ tari anua mai kuru tatã shanẽ ibũ tsauti anu tsauriwe. Sião txipash mia tsuma wanibuũ, mane dispi txiwetameyawẽ mia teneshnibu tepekeriwe!” atã

Isaías 52:2 Referencias Cruzadas

Isaías 49:21

matũ huĩti merã hãtxai: ‘Tsuã hatira bake ea washunimẽ? Haskatã bakeyakĩ ẽ bake bitirumaki. Ewẽ hiweniburã, hatu txai iyukĩ ma ea hatu henemabainibuki. Ha bakeburã, tsuã hatu yumewaimamẽ? Ea besti wakĩ henebainibuki. Na bakeburã, harakiria beshiãbumẽ?’ ” ikaya

Isaías 60:1

“Jerusalém anuabuũ, benimai benirikãwẽ. Senhor Deusũ ana matu merabewai tashnitã hawẽ kushipa bĩ keska matu anu atximakĩ ma matu anu txasha waikiki.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Isaías 9:4

Tsuãra hatu tsuma washũ hatu bika tenemaibu inũ, bika betsa betsapa habũ meaibu inũ, shanẽ ibubũ hatu itxakawamisburã, haburã, mĩ hatu nemakĩ putamashanaii, ha Midiã nawabu mĩ hatu yamawani keska wakinã.

Lucas 21:24

Ha inũ, detenamekĩ nupe txaipawẽ betsabu detekĩ hatiri tenãtã betsabu atxishũ tsuma washũ mai pakea betsa betsapa anu hatu iyuaibũ Deusũ nawa kuxipabu hatu nemakĩ yamawariama habũ Jerusalém anuabu itxakawashãkanikiki— iwanã,

Lucas 4:18

“Nuitapaibu kakape ẽ hatu yusĩnũ Deusũ ea katuniwẽ taea hawẽ Yushĩ Pepa ẽ hayaki. Hanushũ huĩti nixmabu hatu benimawakĩ yura betsã hatu tsuma wa henemakĩ bekũ keskabu bepesha keska wakĩ hatu yusĩ pewakĩ hatu itxakawaibu nemakĩ Deus benimawatikiri dasibibu ẽ hatu unãmakubaĩshanũ Deusũ ea yununiki”, hatu watã keneni hãtxa yuikĩ keyushũ

Apocalipse 18:4

hanua hui betsa nai anua tashnikĩ yuikĩ: “Enabuũ, ha mae ewapa anua tashniribaĩkãwẽ, hau habũ txakabu akaibube mã husiama inũ hau Deusũ atimapawẽ hatu kupikĩ matu dikabis hau matu kupiyamashanunã”, iwanã,