Isaías 50:2 - Kaxinawá Bíblia (BR)

² Ana matu merabewanũ ika hushũ ẽ hawa huni betsa betxiama iniki. Ẽ matu kenabia tsuã taska mã ea kemama inibuki. Ẽ matu haska wabia haskakĩ mã ea benakĩ shinaĩsmamẽ? Eanã, matu merabewakĩ ẽ matu piskumatiruma mã ekiri shinaĩ imismẽ? Habũ matu tsuma wabu anua ẽ matu tashnimatiruma dabanẽ mã shinaĩ imismẽ? Earã, ẽ kushipaki. Ianẽwã yunukĩ: ‘Hawaira hene netsui metuwe’, ẽ wa itiru inũ heneri betsa wakĩ metu wakĩ ẽ tsusĩ wãyã baka ũpash manui mawai pisimayatiruki, hene hayamakenã. Ha hene netsua anuri mairi hanu tsua hiweabuma ẽ watiruki.

Isaías 50:2 Referencias Cruzadas

Êxodo 14:21

habiatiãri hene bemaki hawẽ mestẽti hi Moisĩ sanãkẽ bari huaikiria niwe kushipahaira shũku imashĩkĩ Senhor Deusũ ianẽwã pashkakĩ ha namakis mai tsuĩ wãkĩ dami wakĩ keyukẽ

Êxodo 14:29

hakia bebũkiri mai tsusĩ anu bui yusiuri inũ yusmauri hene pashka dabea namakis Israelĩ enabu pukebainaibũ

Êxodo 7:18

Ẽ haska waya baka dasibi mawai keyukanikiki. Hene pisi mayaya mesekĩ hanua ha ũpash akabuma danãshãkanikiki— akĩ

Êxodo 7:21

baka mawai keyui hene napismayaya txakabukẽ Egito nawabũ danãkĩ atirubuma hanu hiwebaunabu anu hene dasibi dami himi keyunikiaki.

Provérbios 1:24

Mã ea nĩkai benũbũ ẽ matu kenabia hushũ mã ea hawa nĩkakatsis ikamaki.

Isaías 41:28

Eã ẽ uianã, hawa dami yushĩ betsa tashniamaki. Haratura yushĩ damipã merabewakĩ hunibu yusĩtirumaki. Matũ yushĩ dami ẽ hatu yukabia ea hawa kematirubumaki.

Isaías 42:15

Mati keyatapabu inũ mati hatiubuma yamawakĩ dasibi ni hukũmisbu ẽ tsusĩwãkĩ keyushanaii. Dasibi hene netsukĩ mai tsusĩwãkĩ ẽ hawa hayama washanaii. Iã tibiri ẽ netsu keyuriashanaii.

Isaías 43:16

Hanushũ Senhor Deusũ ianẽwã merã bai tapĩtã hene mesebiakẽ hanu bai watã

Isaías 44:27

Ianẽwã netsukĩ ẽ tashka watiru inũ hau hene tibi ũpash hayayamanũ ẽ yunutiruki.

Isaías 54:6

Matu mã Israel aĩbu txipash henebainibu mã bika teneai keskaki. Hakia matũ Deusũnã, ana matukiri shinã betsai petã matu kenakĩ yuikĩ:

Isaías 63:13

hatũ Ianẽwã nuahairabiakẽ hawa hatu dashkibaĩ tĩ imama pukemakĩ cavalo mai metu anu kushikaĩmis keska hatu wanirã, hanimẽ?

Isaías 64:6

Dasibi nukuburã, nũ txakabuki, huni hamapai txakabu iruma keskabu Deuski nũ kematirubumarã. Dasibi nũ merabenãmis tibi nukũ aka peparã, tari txakabu nũ detsis keskabuki. Dasibi nukubunã, kanei nũ ma di iki keyuabuki, ni pei shanai niri imis keskairã. Sinatakĩ nũ yurabu txakabuwamisrã, ha txakabunã, niwẽ nuku buawamiski, sharabaĩkinã.

Jeremias 7:13

Mã txakabu betsa betsapa wai matu shinã betsawamakĩ ẽ matu yuibiakubaina mã ea nĩkakatsi ikama iniki, ea hawa kemamarã. Ea ẽ Senhor Deusũ ẽ txanima hãtxawẽ ẽ matu mestẽwaiĩ.

Jeremias 7:27

“Jeremiasĩ, mia hawa nĩkabumabiakẽ na ẽ hãtxa hatu yuikubaĩshãwẽ. Mia hawa kemabumabiakẽ hui kushipawẽ hatu yuishãwẽ,

Daniel 3:15

Mimawati mawaibu nĩkakĩ hawaira mane ouro dami ẽ hatu amashina bebũ dãti iki beutã mã kẽwãtirumẽ, ikisrã? Hakia mã kẽwãmakẽ na habiatiã txi here hi ikai anu matu urẽkanikiki. Haska matu waibũ haratura yushinẽ matu mekekĩ piskumatirumẽ?— hatu wa

Daniel 3:29

Natiã haska hatu merabewashu keska yushĩ betsã haska watirumawẽ taeshũ eã eskakiri ẽ yunuaii. Yurabu inũ shukuabu betsa betsapa inũ hãtxa betsa betsapa hawẽ hãtxamisbu anushũ Sadraque inũ, Mesaque inũ, Abede-Nego hatũ mekenika Deuskiri hãtxa txakabu tsuãra danaĩ shanẽ ibubũ hawẽ yura bais ashũ meshterabetã hau hatũ hiweri tekekĩ hanus mãtxĩkubaĩshanũbũwẽ— hatu watã

Daniel 6:20

haki kemashũ kasha teneshũ Daniel kenakĩ yuikĩ: —Daniel, Deus hiweatũ dayaruũ, mĩ mekenika Deus txĩtuãma nĩkakĩ mĩ kẽwãkubainaitũ leão pubẽbu anu mia urẽbiabũ nemakĩ mia mekeshinamẽ?— aka

Daniel 6:27

Txakabu anua kaĩmakĩ tsuabura mekekĩ piskumatiruki. Nai anua inũ mai anua dami atimaska akĩ hatu uĩmamiski. Leão pubenẽ mẽtsis nemakĩ Daniel mekekĩ piskumashinaki”, atã dasibibu anu hatu buma akeakenikiaki.

Habacuque 3:8

Senhor Deusuũ, hene tibi inũ ianẽwã dasibiki mĩ hatuki sinatahairai? Mĩ cavalo tarãbaĩtiki nia mĩ ma hatu maemai huai?

Números 11:23

Senhor Deusũ Moisés ana kemakĩ yuikĩ: —Mĩ ea shinanã, ẽ kushiparã, pesheishta dabanẽ mĩ ea shinaĩ ikai? Natiã haska ẽ mia yuiai ẽ mia ashũtirumẽkaĩ, ẽ mia ashũtirumamẽkaĩ, mĩ uĩshanaii— aka

Marcos 4:39

hanua Jesus bestẽkãwã benitã niwẽwã kuxipa inũ iãnẽwã nemakĩ: —Peswe. Nesewe— aka niwẽwã maĩ neseaya iãnẽwãri buspu tsaubiranai maĩ neseaya

João 1:11

Haska inũ, Deusũ Xinaĩ Hãtxati hawenabu anu hukẽ habia hawenabũri hawẽ hãtxa nĩkama habũ beya wama danaĩbũ

João 3:19

Yurabu hamapai txakabuwẽ kemui abukĩ henekatsi ikama Deusũ hãtxa shaba keska danãmisbuki. Hanushũ hatũ xinã txakabuwẽ taeshũ Deusũ hatu kupinũ, iwanã, hawẽ hãtxa shaba keska yunukĩ tashnimaniki. Haskawẽ taeshũ tsuã hawa nĩkama hawẽ bake danãkĩ txakabuwẽ besti kemumisbu Deusũ hatu kupihairashanikiki, niti akamarã.

Josué 3:16

hene dami hamebi pashkai niti iki detenamenikabũ mae kushipa Sartã dapi mae betsa Adã anu manãkiri txitei iã keskaya hanua hene maikiri netsubaini Ianẽwã Mar Salgadokiri bui netsui sha ibainaya Hene Jordão namakis Deus hatube yubakani hãtxa aruni bau ia niti ika mapuyuabũ bai mata netsui keyua mae Jericó besusi hene tashkanũ Israelĩ enabu hawaira kapukei pukebainaibũ