Isaías 49:4 - Kaxinawá Bíblia (BR)

⁴ ea hawẽ tsumapã shinãkĩ: “Hamẽ ẽ daya ẽ benui hawa biamabia dayahairakĩ ẽ kushipa ẽ hamẽ puta bestimaki”, ẽ ibiaya txanima dasibi ẽ akairã, Deusũ tsuma keyuaki. Deusũ besti hawẽ kushipawẽ ea manakua ẽ uĩshanaii.

Isaías 49:4 Referencias Cruzadas

1 Reis 19:10

Eliasĩ kemakĩ yuikĩ: “Senhor Deusuũ, ẽ mia yaushihairaii, miwẽ nuihairairã. Mĩ nukũ mekenika Deus kushipahaira dasibi binuawẽ taearã. Haska ẽ shenipabube mĩ hatube yubakabiani Israelĩ enabũ mia henetã mia hanushũ kẽwãti txi tapu di akĩ keyutã hatũ matxatu txaipa kenuhairawẽ mĩ hãtxa yuishunikabu hatu tenãkĩ ma keyuyamabuki. Ea besti ẽ hiwea eari tenanũ ikĩ ea benakanikiki”, aka

Isaías 35:4

Datebu hatu yuikinã: “Ana dateama benimarikãwẽ! Na habia matu dapiki, matũ Deusũ matu piskumakatsirã. Matu meketã matuki sinataibũ haska betxipaimisbu keska habũ txakabumiswẽ hatu kupikĩ tenemashanikiki.”

Isaías 40:10

Uiã. Shanẽ Ibu hawẽ kushipaya hawẽ pe yunutiwẽ hatu pe mekei ma huikiki. Hawenabu merabewakĩ hatu piskumatã hatũ manakuti pepa hatu inãshanikiki.

Isaías 40:27

Jacó enabu Israelbuũ, haskai mã ha ikai? Haskakĩ mã eska yuiai?: “Ẽ hiwe txakabiakẽ Senhor Deus ewẽ nuikĩ ea merabewamaki. Deusũ ea shinãmaki”, ikĩ

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Isaías 65:2

Ha enabu sinatapabũ ea nĩkabumabiakẽ hawẽtsaĩs ea anu hatu txĩtũwanũ ishũ ẽ hatu meshãshũbia hawa ea nĩkama haska hatũ bai txakabu besti tanakĩ hatũ shinanẽ besti haska betxipaiai aki hawẽ kẽmisbuki.

Isaías 65:23

Ana hamẽmẽs besti dayama ishãkanikiki. Hatũ bakebu mesteburiama inũ yushaburiama ana mawama ishãkanikiki. Hatũ ibubu inũ, hatũ bakebu inũ, hatũ bababu inũ, dasibi hatunabu pakubainaibu habiaskasri hiwepakeshãkanikiki, eã ẽ hatu duawakubainaiwẽ taearã.

Ezequiel 3:19

Hakia tsuara hawẽ txakabukiri yuikĩ mĩ nemaya hawẽ txakabukiri shinã betsa wama hawẽ txakabu heneamawẽ taea mawashanikiki, ẽ kupiarã. Hakia mianã, mĩ hatu nemakĩ shinã betsa wamashinawẽ taea mĩ hiwea mĩ mekeshanaii.

Mateus 17:17

Jesusũ mapuabu hatu yuikĩ: —Ikũwaĩsbuma inũ txakabubuũ, hatiki matu merabewai ana ẽ matube hiweyushanai? Neri iwekãwẽ, ha bakerã— aka

Mateus 23:37

yurabu uĩbaũkĩ Jesusũ hatu yuikĩ: —Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya hatu danãkĩ hatu tenãkĩ matũ shenipabũ anibu keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Lucas 24:26

Nukũ merabenã Messias shanẽ iburiama hau haskai yumaĩ kanũ Epa Deusũ yununiki— iwanã,

João 1:11

Haska inũ, Deusũ Xinaĩ Hãtxati hawenabu anu hukẽ habia hawenabũri hawẽ hãtxa nĩkama habũ beya wama danaĩbũ

Romanos 10:21

Israelbukiri yuimakĩ: “Huĩti kuxitã hatũ besuwẽ dakeama ea nĩkaisbumawẽ nuikĩ ẽ hatu merabewapaibia ea nĩkabumaki”, aka keneniki.

2 Coríntios 12:15

Matu anu hikitã matũ ibu keskakĩ matuwẽ nuihairakĩ matu merabewakatsis ikĩ ẽ hawara bikĩ dasibi ẽ pei putakĩ ẽ keyushanaii. Ha inũ, matu abuhairakĩ ẽ heneama ibiakũkainaya matunã, mã ea abu mirĩkĩ henekubaĩshanai?

2 Coríntios 2:15

Ha inũ, hawẽ Epa benimawakĩ Cristõ hawẽ hiwea sheni ininipa keska inãkubaini haska keska yusĩkĩ Epa Deus benimawakĩ yurabu anu nũ bumiski, Cristokiri yurabu dasibi, betsabũ Cristo ikũwaĩbu inũ betsabũ nĩkabiakĩ ikũwãbuma benushanaibu anurã.

Gálatas 4:11

Mã haskawẽ taea hamẽ dayakĩ ẽ matu merabewama ikimamẽkaĩ? ika ẽ dateaii.

Filipenses 2:16

matubunã, Deusũ kakape hiweakiri hãtxa hatu unãmakubaĩkãwẽ. Mã haskaya ea ẽ matu anu hamẽ dayai kama iniwẽ taea ea matuwẽ keĩ ẽ tse iki ẽ benimashanaii, hanu Cristo ana huaitianã.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.