Isaías 49:23 - Kaxinawá Bíblia (BR)

²³ Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

Isaías 49:23 Referencias Cruzadas

Gênesis 43:26

José hikiaya inãkuĩti mabu bushuãbu ha namã beti ikabu

Salmos 34:22

Hakia Senhor Deusũnã, hawẽ dayarubu haki txiti imisburã, hatũ hiwea hatu itxakawama hatu mekekubaĩshanikiki.

Salmos 69:6

Senhor Deus kushipa binuatuũ, tsuabũra mia ikũwãmisburã, ẽ kanei txakabuimawẽ taea ekiri shinaĩ hau ewẽ dakeyamanũbũwẽ! Israelĩ mekenika Deusuũ, habũ mia txibãkatsis ikĩ mia benaiburã, hau ẽ txakabuima shinaĩ hau habu beshtekeyamanũbũwẽ!

Isaías 41:20

Ẽ Israelĩ Senhor Deus Meribitũ dasibi dami wakĩ ẽ kushipawẽ ẽ akeakeni hau mai hirabi anu manibaũshũ uĩkĩ nĩkakĩ tapĩkĩ hau unãshanũbũ ẽ haska wakeakekubaĩshanaii”, iniki.

Isaías 43:10

Senhor Deusũ hawẽ hãtxa kaneama mestẽwãkĩ: “Habia mã matubuki, ẽ txaninikaburã, mã ẽ tsumabu inũ eã ẽ matu katunirã. Ea unãtã ea ikũwaĩ eki txiti ikĩ ẽ Senhor Deus dasibi binua mã ea unanũbũ ẽ matu katuniki. Ẽ iriamakẽ tsua deus betsa hayama iniki. Ha inũ, uatiã ea katxu betsa hayatirumahairaki.

Isaías 45:14

Senhor Deusũ Israelbu yuikĩ: “Egito anua dayakapabu inũ, Etiópia anua mabu inananãmisbu inũ, Sabá anua ha yura keyatapabu habũ matu kẽwaĩ matũ tsumai escravo ishãkanikiki. Mane dispi txiwetameyawẽ neshea matu txipi mapua matu bebũ dãti itã kẽwãkĩ matu yuikĩ: ‘Txanima kayabi matuna besti Deus kayabi matu anuki. Ha bestihairaki, Deus betsa hayamarã’, ikaibũ”,

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 49:7

Deusũ enabu shukua betsabũ habu hatu itxakahairawamisbu inũ, shukua betsabũ danãkĩ hatu betxipaisbuma inũ, huni pubẽ shanẽ ibubũ hatu atxitã hatũ tsuma escravo hatu wamisbu Senhor Deus mekenã mebikinanika Israelbũ Deus meribitũ hawenabu hatu yuikĩ: “Ea Israelbũ Senhor Deus meribitũ ẽ matu katuni hãtxai ẽ yubakamis ẽ matuwẽ meneshanaii. Ẽ matu haska washanaiwẽ taeshũ shanẽ ibubu inũ hatũ huni bakebu shanẽ ibubũri matu uĩ e itã matu bebũshũ kẽwaĩ dãti ishãkanikiki”, itã,

Isaías 50:7

Senhor Jeová ea merabewamiswẽ taea tsuabũra ea itxakawakĩ ea isĩ tenemaya datei txĩtuãma tenea ẽ mishki kushipa keskaki. Ẽ shanẽ ibu kushipatũ ea mekeaya habiatiãri eki kashebiaibũ hawa datei ẽ hawa dakeama ishanaii.

Isaías 52:15

Haska uatiã nawa shukuabu tibi inũ hatũ shanẽ ibubũ hawa uĩsbuma na habiatiã uĩkĩ nĩkai hakiri tapĩkĩ hawa hãtxa yuitiruma e iki hawẽ dateshãkanikiki”, ikaya,

Isaías 52:6

Hatiãra enabu merabewai ẽ ana huaya habũ ea unãshãkanikiki, haska ea Senhor Deus ẽ hãtxani hatu anua ẽ tashnimayarã”, ikaya

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Isaías 60:16

Nawa shukua tibibũ hatũ piti pepahaira beshũ matu inãshãkanikiki. Nawa shanẽ ibubũ hatũ mabu hawẽrua karuhaira matu beshũshãkanikiki. Matu haska waibu uĩkĩ ea Senhor Deus ẽ matũ piskumanika mã unãshanaii, Jacó merabenanika kushipahaira earã, ẽ matũ mebikinanikarã.

Isaías 60:3

ha uĩtã nawa shukuabu tibi matũ mekenã uĩ beshãkanikiki. Shanẽ ibuhairabũ matũ kushipa penai keska uinũ ika matu anu beshãkanikiki.

Isaías 64:4

Nũ miki txiti ikaibu mĩ nuku merabewamis keska tsua mia keska yushĩ betsa binua hayama nũ nĩkaisma inũ nũ uĩsmaki. Mia besti mĩ Deus kayabi kushipatũ dasibibu binuaki.

Joel 2:27

Ea ẽ matũ Mekenika Senhor Deus ẽ matuberã, mã Israelbũ hanu mã ana ea unã taewabaĩshanaii. Ea besti ẽ matũ Deus kayabi betsa hayama mã unãshanaii. Haskawẽ taea mã enaburã, ana taska matũ dake pae mã teneama ikũkaĩshanaii”, itã,

Miquéias 7:17

Dunu inũ nisheke mai bemaki sharabaĩmisbu keska datei saki saki iki hatũ mae mishki kenebaunibu kushipa anua hau tashnibirãshanũbũwẽ. Datehairakĩ merabewati mia yukai mia bebũ bushãkanikiki.

Números 11:12

Hanu hatũ shenipabu mĩ hatu yubani anu hatu iyukinã, bakeishtã txutxu akai keska ikushũ ẽ hatu iyushanũ mĩ ea yunuimamẽ? Ẽ hatũ epamẽkaĩ. Ẽ hatũ ewaraka. Ẽ haskamaki.

Mateus 25:16

ha unãnepa 5.000 inãbaĩxina hawa txikixama dayai inãnanãkĩ ana 5.000 hawẽ shanẽ ibu bishũkubaĩkĩ itxawashunaya

Romanos 10:11

Haska inũ, Deusũ hãtxa yuishunika Isaísĩ kenekĩ: “Tsuabũra Messiasĩ hãtxa ikũwãkĩ txibaĩbu ẽ hatu hawa dake wama ishanaii”, aniwẽ taeshũ

Romanos 5:5

Haska nũ manakatiru Deus nukuwẽ nuimis nuku unãmakĩ hawẽ Yushĩ Pepa nuku inã hawẽ taeshũ Deus ikũwãkĩ txibãkubaĩkĩ haska nuku yubani manai hamẽ nũ manakamaki. Haska xarabuwẽ taeshũ hamapai bika nũ teneairã, hawẽ taeshũ Deus nũ kẽwãkubainaii.

Romanos 9:33

Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

1 Pedro 2:6

Haskai kaikiri hawẽ yuishunika Isaías Deusũ yuikĩ: “Uĩa. Katushũ hawẽ hiwe mestẽwãti mixki pepa keska shanẽ ibu kuxipa Jerusalém anu ẽ tashnimashanaii. Hawẽ hãtxa habũ ha ikũwaĩbu eã ẽ hatu dakewama ishanaii”, aka nĩkatã keneniki.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.