Isaías 49:21 - Kaxinawá Bíblia (BR)

²¹ matũ huĩti merã hãtxai: ‘Tsuã hatira bake ea washunimẽ? Haskatã bakeyakĩ ẽ bake bitirumaki. Ewẽ hiweniburã, hatu txai iyukĩ ma ea hatu henemabainibuki. Ha bakeburã, tsuã hatu yumewaimamẽ? Ea besti wakĩ henebainibuki. Na bakeburã, harakiria beshiãbumẽ?’ ” ikaya

Isaías 49:21 Referencias Cruzadas

Isaías 1:8

Sião maewã anurã, hawa betsa bashikuamahairaki. Habu henebainimaburã, uva bai anu peã shubu besti hayaki. Barã betsa pepino beshea bai namakis anuri peã shubu besti hayaki. Ha maewã keshebauna hiweaburã, matuki sinataibu besti hayaki.

Isaías 52:2

Jerusalémnẽ, beni kushipariwe! Mĩ tari anua mai kuru tatã shanẽ ibũ tsauti anu tsauriwe. Sião txipash mia tsuma wanibuũ, mane dispi txiwetameyawẽ mia teneshnibu tepekeriwe!” atã

Isaías 60:15

Ana tsuã matu henebainama inũ danãkĩ matu besti shunũbainama ishanikiki. Hakia eã matu hawẽrua wakĩ ẽ matu ikibi imashanaii, hanua benimai henepaketima matu wakinã.

Isaías 60:8

Tsuabumẽ, ha nai kuĩ keska nuyabaunaibu inũ deiwã hatũ shui anu hikiai keskaiburã?

Isaías 64:10

Mĩ maewã meribi tibi ana pema ma hanu tsua ana hiweabumaki. Jerusalém maerã, ma txakabuwakĩ di anibu maniaki.

Lucas 21:24

Ha inũ, detenamekĩ nupe txaipawẽ betsabu detekĩ hatiri tenãtã betsabu atxishũ tsuma washũ mai pakea betsa betsapa anu hatu iyuaibũ Deusũ nawa kuxipabu hatu nemakĩ yamawariama habũ Jerusalém anuabu itxakawashãkanikiki— iwanã,

Romanos 11:24

Hamẽ mã judeubumã bari itxapa Deus mã danãbiakubainaya atimas Deus matuwẽ nuiaya hawẽ kakape Jesus Cristokiri nũ matu yusĩayã xinã betsa watã mã ikũwaĩbũri ana habiaskari wakĩ Israelĩ baba kayabibũ xinã betsa wariatã itxapabũ ana txĩtũkirã txanima Jesus ikũwãriashãkanikiki, bebũkiri Deusũ hatu katunibunã.

Gálatas 3:29

Mã Cristonaburã, habia mã Abraãonẽ bababu dikabiwẽ taea haska Deusũ Abraão yubaniwẽ maturi hawenabui mã hiwea kayabi hayariashanaii.