Isaías 45:19 - Kaxinawá Bíblia (BR)

¹⁹ Ea hãtxairã, hune ẽ isma inũ hanira mai anu hunea meshu anua ẽ ismariki. Jacó enabu eã hatu yuikĩ: ‘Hanira tsua niama anu ea benakãwẽ’, ẽ hatu aismaki. Ea ẽ Senhor Deus txanima ẽ hãtxamisrã, kaneama ikũ kayabi ẽ yuiaii”, iwanã,

Isaías 45:19 Referencias Cruzadas

Salmos 24:6

Txanima kayabi habũ Senhor Deus benaiburã, hau haskakubainũbũwẽ, habũ Jacó Deuski nukukatsis ikĩ benaiburã.

Salmos 69:13

Hakia Senhor Deusuũ, ẽ mia ea akaii. Ẽ Deusuũ, na habiatiã ea merabewawe! Mĩ nuihairawẽ ea kemawe! Mĩ ea putama ea merabewakubaĩmiswẽ taeshũ ea piskumariwe!

Salmos 69:32

Haska wakĩ Deus ẽ uĩmaiwẽ taeshũ ha bika teneaibu benimashãkanikiki. Tsuãra Deus benakubainaibu hatũ huĩti merã ana shinã txãkãshãkanikiki.

Provérbios 1:21

mae hanu hikikaĩti shui inũ hanu itxamisbu anushũri hatũ yusiã hatu yuikubaĩkĩ:

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 8:6

Hãtxa pepa putatima hatũ ẽ matu merabewatirã, ẽ eaki. Nĩkakãwẽ.

Isaías 1:15

Matũ mekẽ meshãtã ebe hãtxakĩ mã ea yukabiaya ẽ matukiri uĩkatsi ikamahairaki. Mã ea yuka txakayamabiaya mã mekẽ himi haswẽ taeshũ ẽ matu hawa nĩkamaki.

Isaías 43:12

Senhor Deusũ hawẽ hãtxa kaneama mestẽwãkĩ: “Ea bebũkiri matuki txani hãtxanishũ piskumakĩ ẽ matu pashawaniki. Yushibu betsã matu mekekĩ matu ashuãma ini matũ ibubu inũ matubunã, uinishũ mã unãhairaii.

Isaías 44:8

Ẽ haskakẽ benimai dateyamakãwẽ! Nenumahairatiã yui ea ẽ txaninirã, matubunã, mã unaiĩ. Mã haska ekiri txanitirubuki. Deus kayabi betsa hayamẽ, mã unanã? Hayamahairaki. Hanu pashati betsa ẽ uĩsma ẽ hawa unãmaki.”

Isaías 45:23

Emebi hãtxai yubakakĩ hawẽ maemakĩ binumati ẽ yuimisrã, ha ẽ yubakani hãtxarã, ẽ meneshanaii. Eskashãkanikiki: Dasibibũ ea kẽwaĩ ea bebũ dãti itã, ‘Mia besti mĩ Deuski’, ikĩ ea datã akĩ

Isaías 45:25

Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,

Isaías 63:1

Isaíasĩ Deus yukakĩ: —Ha hawẽ tari tashipaki pukuima keska tari hawẽruahaira sawea bai tanabirani kushitxakayamakirani Edomnẽ mae ewapa Bozra anua huairã, tsua hui ikimẽkaĩ?— ẽ aka Deusũ ea kemakĩ: —Habia ea Israelĩ Deus ẽ hui kaii, matuki sinatamisbu matu maemashũtã ẽ kushipawẽ ẽ matu piskumashina matuki txani huirã— aka

Isaías 8:19

Hakia huni betsabũ matu yuikĩ: “Mawabũ yushĩbe hãtxamisbu yukakãwẽ. Ha huni mukayabu hatũ yushĩbe hãtxai shei ikawẽ tsuã nĩkatirumawẽ hãtxamisbuki. Yurabu hatũ yushibube hãtxakinã, mawabũ unanepa hãtxa yukatimamẽ, hiweabunã,

Jeremias 2:31

Ha dikabi mã ikis hiweaburã, pestã Senhor Deusũ hãtxa nĩkakãwẽ. Israelĩ enabuũ, earã, mã ea uianã, ẽ hanu tsua hiweabumanu keskamẽ, hawa hayamarã? Mai anu bari pesheama ẽ matu anua hunea keskamẽ? Ẽ haska matu ishuĩsmaki. Enabuũ, haskai hãtxa txakabukĩ yuikĩ: ‘Nukũ yununika nũ hayamawẽ taea mia anu nũ ana txĩtũkatsi ikamaki’, mã ikũkainai?

Amós 5:4

Senhor Deusũ Israelĩ enabu ana yuikĩ: “Betelrã, txakabuwakĩ yamawakĩ di ashiãbu manishanikiki. Gilgal anu hiweabu tsuã hatu merabewama txaihaira hatu iyushãkanikiki. Haskawẽ taea Betel anu matũ yushibu kẽwaĩ buama inũ Gilgal anu ana hari buamari inũ, Berseba anu ana hari mapuyamashãkãwẽ. Hakia ea benakĩ ẽ hãtxa nĩkai eki dasitã haskai ebe hiwekubaĩshãkanikiki”, akĩ ea yuishinaki.

João 18:20

Jesusũ kemakĩ: —Nĩkaibũ ẽ hãtxakũkaĩmiski. Hanu itxati hiwe tibi inũ Templo hemaĩtĩ anushũ nukunabu itxamisbu anushũ shabakabi dasibibũ berubi ẽ hatu yusĩmiski, hune hatu yusĩamarã.

João 7:26

Ũ unu naxui ika yusĩ hãtxairã, hawa tsuã nemama uĩnãmãri! Nukũ shanẽ ibubunã, “Messias Cristoki”, iwanã, xinãkanimẽkaĩ?

João 7:28

Templo hemaĩtĩ anushũ yusĩkĩ haska habu hãtxaikiri xinaĩ hãtxaibu nĩkatã hãtxa kuxipawẽ Jesusũ hatu xinãmakĩ: —Matunã, ea unãkĩ hanua ẽ yumeriani mã unãriaii. Emebi ẽ xinãnẽ ibubis ẽ huamaki. Hakia parananaĩsmatũ ea yununirã, matunã, mã ha unãmaki.

Santiago 4:3

Ha inũ, hawarakiri Deus mã yukamiski. Hanushũ mã yukakĩ mã ea abia hawa mã bismaki, mã hamakiri yukatxakaiwẽ taeshunã, haskarã, haska Deusũ xinaĩ keska akatsi ikama haska matũmebi hawẽ beparamei ibubis benimai mã hamẽ txakawakatsi ikĩ hakiri xinaĩnã.