Isaías 45:17 - Kaxinawá Bíblia (BR)

¹⁷ Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 45:17 Referencias Cruzadas

Isaías 33:6

Bari tibi hawenabu hawa putama hatu mestẽwãkubaĩmiski. Hawẽ unanepati inũ hawẽ txakabu inũ pepa unãtirã, harã, keyuisma pepahaira hiweatũ nuku piskumatiruki. Deusũ matu hawẽ datemairã, hawẽrua pepa meseki.

Isaías 45:25

Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

Isaías 50:7

Senhor Jeová ea merabewamiswẽ taea tsuabũra ea itxakawakĩ ea isĩ tenemaya datei txĩtuãma tenea ẽ mishki kushipa keskaki. Ẽ shanẽ ibu kushipatũ ea mekeaya habiatiãri eki kashebiaibũ hawa datei ẽ hawa dakeama ishanaii.

Isaías 54:4

Miki hawa kashekĩ mia usãma ishanaibuwẽ taea hawa dateyamashãwẽ. Miki sinatama ishanaibuwẽ taea dakeyamashãwẽ. Mĩ txipash yumetxakai txakabuni hawẽ dakemisrã, hakimawe. Mia itxakawakĩ mĩ benẽ henebaĩkĩ mia dakewanirã, ana has shinãyamawe.

Isaías 54:8

Hawaira matuki sinatakauã matuki dakei matu anua ẽ irubiaima hakia ẽ nui ikibi ini ha ẽ nuimis ẽ ana matu uĩmashanaii”, ikikiki, matũ mebikinanika Senhor Deus hãtxai txanirã.

Isaías 60:19

Ha haskaitiã ea ẽ matũ Senhor Deus ẽ txasha ikibi ishanaiwẽ taea ana hawa bari txashai inũ ushe meshu merã txasha hayamabiakẽ mã manuama ishanaii.

Jonas 2:9

Hakia eanã, ẽ huiwẽ benimakĩ mia kẽwãkĩ Jerusalém anushũ inabu sheni kuakĩ ẽ mia menushũkubaĩshanaii. Hawara ẽ mia yubaima ana hakimama mia ashũkĩ ẽ mia meneshũshanaii. Senhor Deusuũ, hiwemakĩ miã besti hunibu mĩ piskumatiruki”, ikaya

João 10:28

Eki txiti ikabu benuama ẽ hatu hiwekuĩmakubaĩshanaii. Parãshũ tsuã hatu ea mebiãma ishanikiki.

João 5:24

Txanima ẽ matu yuikubainaii. Tsuãra ea nĩka pewai hawẽ hiwea txakabukiri kai beshteketã hatũ ea yununiri ikũwaĩ hiwekuĩkanikiki, ikisrã. Bikawẽ unãti wama mawa kayabi tenemama hiwekuĩaĩbu txakabuwẽ nũ kupiama ishanaii.

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

Romanos 10:11

Haska inũ, Deusũ hãtxa yuishunika Isaísĩ kenekĩ: “Tsuabũra Messiasĩ hãtxa ikũwãkĩ txibaĩbu ẽ hatu hawa dake wama ishanaii”, aniwẽ taeshũ

Romanos 11:26

Habu haskabaunaibũ Israelbu mirimabũ ikũwãriaibu Deusũ hawenabu hatu watã hatu mekeriashanikiki. Haska wai kaikiri hawẽ hãtxa yuishunikatũ kenekĩ: “Matũ mekenã Messias Israelĩ baba Jerusalém anua kaĩtã Jacõ bababu hatũ xinã txakabu betsa wamakĩ

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 9:33

Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

1 Pedro 2:6

Haskai kaikiri hawẽ yuishunika Isaías Deusũ yuikĩ: “Uĩa. Katushũ hawẽ hiwe mestẽwãti mixki pepa keska shanẽ ibu kuxipa Jerusalém anu ẽ tashnimashanaii. Hawẽ hãtxa habũ ha ikũwaĩbu eã ẽ hatu dakewama ishanaii”, aka nĩkatã keneniki.

1 João 4:15

Hamẽ tsuabũra yuikĩ: “Txanima Jesus Deusũ bake kayabiki”, ikaiburã, Deuski dasia hiweabu inũ Deus hatuki dasiriaki.