Isaías 44:26 - Kaxinawá Bíblia (BR)

²⁶ Hamẽ habũ ea txanima txibaĩburã, hatu haska wama hatu hãtxa kayabi yuimakĩ ẽ hatu menemakubaĩmiski. Ẽ hatu yunua habu ẽ hãtxawẽ yubakaiburã, hawara akaibu pe kaĩkũkaĩmiski. Hamẽ eanã, Jerusalém yunukĩ ẽ pewairã, ana txĩtũbirã hanu ana hiweshãkanikiki. Judá maewã tibirã, ana benibaũshãkanikiki. Mae txakabuwanibu eã ẽ hatu benimakĩ keyushanaii.

Isaías 44:26 Referencias Cruzadas

Neemias 1:3

ea kemakĩ yuikĩ: “Nawabũ hatu atxiaitiã pashaniburã, pakubaini nukũ mai pakea anu bikahaira tenei dakeyabi hiweabuki. Hamẽ Jerusalém anurã, txakaburiki. Mishki kenebaunibu berã keyunibu mania inũ hanu hikiti shui beputi tibi txiwẽ kuakĩ keyurianibuki”, ea wabu

Neemias 2:3

ẽ shanẽ ibuhaira yuikĩ: —Shanẽ ibuũ, hiweyukũkaĩwẽ! Txanima na ẽ punu nuka mĩ ea uiainã, ha maewã anushũ ẽ shenipabu maiwapaunibu hatũ mishki hiwe inũ kenebaunibu ma hatuki di iki keyuni inũ hawẽ shui beputi tibi kuabiranibuwẽ taea ẽ ana hatu uĩsma haska shinaĩ ẽ punu nukahairaki— ẽ wa

Salmos 69:35

Deusũ ha maewã Sião ana meketã Judá mai pakea anu hatũ maewã tibi ana hatu benawamakĩ benimashanikiki. Deusũ tsumapã bakebũ ha maewã ibu watã ha merã hiwekĩ hatuna wanũbarikanikiki. Habũ Deusũ kena betxipaimisbu ha merã hiwepakeshãkanikiki.

Isaías 40:9

Sião yuikĩ: Siãonã, mati keyatapa hawẽ henea mamaki mapeketã hui kushipawẽ sai ikĩ kaka pepa txaniti hatu banabimariwe. Jerusalémnẽ, hawa dateama mĩ hui tashnimakĩ kaka pepa Judá maewã tibi anu hiweabuki hatuki eska txaniriwe: “Na habia matu dapiki, matũ Deusrã!” hatu wakinã.

Isaías 42:19

Israel ẽ hãtxa bunika wakĩ ẽ katubiani yura betsabu tsua haskamabiakẽ Israelbu ẽ hãtxa bunikabubia mã beshush keskabu inũ mã pata keskabu mã ẽ tsumabuki.

Isaías 42:9

Uatiã ẽ matuki txaninirã, dasibi bebũkiri ẽ yuini ẽ ma akĩ keyuaki, menekinã. Na habiatianã, ana haskashanai bebũkiri kaka bena ẽ matu tapĩmaii, matu bebũ tashniriama bebũkiri mã unãkubaĩshanũbunã.

Isaías 49:8

Senhor Deusũ ana hatu yuikĩ: “Ẽ yubakaniwẽ taea ẽ duapa matu uĩmakatsi ikĩ ẽ matu kemaniki. Ha shabatiã matu piskumakatsis ikĩ ẽ matu merabewaniki. Matuwẽ yubakatã mestẽwãkatsis ikĩ matu pe arukĩ ẽ matu merabewaniki. Matũ mai pakea txakabuwanibu matu ana ibu wamatã ẽ matu hatu pewamashũriakatsis ikaii.

Isaías 52:9

Senhor Deus hawenabuwẽ nuikĩ hatu maemashũ matu daewakĩ mã Jerusalém matu purenibu maniarã, ma matuki sinataibu hatu nitxĩtã matu tashnimaiwẽ taeshũ kẽwaĩ hatube sai sai ikĩ hatu kemakãwẽ.

Isaías 54:3

txipu yusiuri inũ yusmauri minabu pai manibaũkĩ nawa shukua itxapa hatu atxitã natiã ha mae hanu tsua hiweabuma anu habũ maewatã hiweshanaibuwẽ taearã.

Isaías 55:11

Habiaska keskariai ẽ hãtxawẽ ẽ hatu hãtxa wa hawa wariama ea anu hamẽ ana txĩtũtirumaki. Hakia haska ẽ uĩkĩ betxipaiai keska ẽ hatu yunua habũ akĩ menemisbuki.

Isaías 58:12

Matunabũ mae tekekĩ di anibu nawasãtã ana benishãkanikiki. Ha mishki matũ shenipabũ anibu nenumahairarã, ha mishki tsamabaunibu ana matu pewashũshãkanikiki. Ha matũ mae ana pewakĩ ma haska waibũ matunabu hatu kenakĩ: ‘Mae sheni pewakĩ kenebaunibu beninikabu inũ hiwe tekekĩ di anibu ana benibaunikabuki’, hatu washãkanikiki”, itã,

Isaías 60:10

Matunabuma nawa betsabũ matũ mae kene ana benibaũshãkanikiki. Ha habu shanẽ ibuhairamisbũ matu dayashũkĩ matu duawashãkanikiki. Ea Senhor Deus matuki sinatakĩ ẽ matu kupibiani natiã ẽ duapawẽ ana ẽ matuwẽ nuishanaii.

Isaías 61:4

Hiwe tibi di ini sheni ana benishãkanikiki, matũ shenipabũ hiwe txakabuwanibu pewakinã, ha maewã tibi ana nawasãtã pewatã mã hiwebaũshãkanaii.

Jeremias 1:10

“Mĩ kesha anu ẽ hãtxa mistukĩ ẽ mia inaiĩ. Natiã mia tsuã binutirumawakĩ ẽ mia kushipawaii. Shanẽ ibu kushipabu inũ dasibi nawabu hiwebaunabu mĩ hatu betsea keska washanai inũ betsabu mĩ hatu berãshanaii. Betsabu hatu nuitapawakĩ mĩ hatu yamawashanaii. Betsabu mĩ hatu denekĩ akawashanaii. Ha dikabi betsabu merabewakĩ mĩ hatu ana benishanaii, mibã ana banakĩ hatu akawakinã”, iwanã,

Amós 9:14

Enabu Israelbu txaihaira anu iyunibu hawenabu ẽ hatu txĩtũwãshanaii, haria ana hatu iwekinã. Beshũ hatũ maewã txakabuwanibu ana hawẽ shãtukũ ana benikĩ pewakĩ keyutã hanu hiwewabaũkĩ uva bai banaima bimiai vinho washũ akubaĩkĩ yunu bai banaimabu hatũ yunu bimi tibi pikubaĩshãkanikiki.

Mateus 26:56

Eskawẽ taea mã ikaii. Deusũ hãtxa bebũkiri ekiri kenenibu haska yuiniwẽ taeshũ mã ea atxiaii— hatu waya hanua dasibi nũ hawẽ tsumabu datekĩ Jesus besti henebaini pashai nũ hunei keyubainaibũ

Mateus 5:18

Txanima nai anua inũ mai keyuriamakẽ Deusũ hãtxa yuishunikabubetã haska Moisés hatu yusĩni hãtxa ikũnã, eã ẽ matu yuiairã, hawa tsuã nemakĩ inũ hawa betsa wama hãtxa tibi menepakeshanikiki.

Lucas 24:44

yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,