Isaías 43:25 - Kaxinawá Bíblia (BR)

²⁵ Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Isaías 43:25 Referencias Cruzadas

Salmos 51:3

Mĩ yusiã kanei ẽ patapamis txanima ibubis ẽ ma unaiĩ. Haskatã ẽ shinã uke merã ẽ txakabu ibubis ẽ tere atirumaki.

Salmos 51:4

Hawara txakabu mĩ nemani ha meai mĩ kupiti wani eã ha mei mikiri besti ẽ txakabumiski. Haskawẽ taea kupikĩ mĩ unãti wamisrã, mĩ kaneismahairaki. Mĩ kupiti tsuã binutirumahairaki.

Salmos 51:9

Ẽ txakabu atimapa tibi mia bebũ tashnia mĩ uiainã, ea tere ashũtã ana haska shinãkĩ uĩyamawe.

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 43:11

Ea besti ẽ Senhor Deuski. Eamaki hawa tsua betsa piskutirubumaki”, itã

Isaías 44:22

Eanã, haska txakabukĩ mã ea nĩkaisbuma matũ txakabu ẽ ma matu pua ashunaki, nai kuĩ dunua pua ibaini yamabaĩmis keska wakinã. Ẽ ana ma matu mebikinaĩ ea shinaĩ txĩtũribirãkãwẽ, ea anu beirã”, ikaya

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Isaías 64:8

Nũ haskabiakenã, Senhor Deusuũ, mĩ nukũ epaki. Nukurã, nũ mapu keskaki. Hamẽ miarã, mĩ mapu dami wanika keskaki. Nuku dasibirã, habia miã mĩ nuku dami waniki.

Isaías 64:9

Senhor Deusuũ, ana nukuki sinata txakayamama inũ hawẽtsaĩs ana nukũ txakabu tibi shinãyamakubaĩwẽ. Uĩwẽ. Nukuburã, nũ minabuki!

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Ezequiel 18:22

Ha hunĩ haska txakabu akubaini eã ẽ ana shinãma ha huni pepakĩ ea uĩmaiwẽ taea ana hawa dateama hiwekũkaĩshanikiki.

Ezequiel 36:22

Haskawẽ taeshũ Israelĩ enabu ea hatu yuishũtãwẽ: Eska Senhor Jeová matu yuikiki, akinã. Israelĩ enabuũ, haska akĩ ẽ kushipa ẽ tashnimashanairã, matu merabewanũ, iwanã, ẽ akamaki. Hakia hanira nawabu anu bushũ ekiri mã hatu txakabu hãtxamakubainai ẽ kena meribi unãkĩ hau habũri ea unãshanũbũ ẽ ashanaii.

Ezequiel 36:32

Israelĩ enabuũ, ea Senhor Jeová ẽ hãtxa txanima ẽ mestẽwaĩ ea nĩkakãwẽ. Na matu eska wakinã, eã ẽ shinanẽ, ẽ matu akamaki. Haska mã betxipaiai keska ibubis mã txakabumiswẽ bika tenei itimaskai dakekubaĩkãwẽ, ibubis ma kẽmiswẽ taearã.

Marcos 2:7

“Ha huni txakabuki. Nuku paraĩ Deus keskakatsi ikikiki. Deusũ besti hawẽ txakabu buatiruki”, ikaibũ

Lucas 5:21

Moisés hãtxa hatu yusĩmisbu inũ fariseubũ nĩkatã Jesuski sinatai hune yuinamei: “Ha huni txakabuki. Dasibi nuku paraĩ Deus keskakatsi ikikiki. Deusũ besti hawẽ txakabu buatiruki”, ikaibũ

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Romanos 5:20

Hanua haskai yurabu txakabu bestiwẽ hiwei mesei atimapahairakubainaibũ Deusũ hawẽ yunuti inũ hawẽ nemati nukũ shenipabu Moisés yusĩmakinã, ana hatũ txakabu ewawati waniki. Hanua txakabui pikubiaibũ Deus hatuwẽ nuikĩ hatũ txakabu binumakĩ hawẽ pepahaira hatu unãti wamakĩ hatu duawaniki.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Efésios 1:8

Deusũ nuku haska wakinã, dasibi binuatũ nuku unãnepa wakĩ haska nuku pe nĩkanika wakĩ hawa yauxiama Deusũ nuku ashuniki.

Hebreus 10:17

“Hatũ txakabu hatu buashũtã ẽ ana haska hatukiri xinãma ikũkaĩshanaii”, Yavé Deusũ ea waxinaki, aka Jeremiasĩ nĩkatã nuku keneshuniki.

Hebreus 8:12

Hatũ txakabu hatu buashũtã ẽ ana haska hatukiri xinãma ikũkaĩshanaii”, aka hawenabu yusĩtã Jeremiasĩ nukuri keneshuniki.