Isaías 43:10 - Kaxinawá Bíblia (BR)

¹⁰ Senhor Deusũ hawẽ hãtxa kaneama mestẽwãkĩ: “Habia mã matubuki, ẽ txaninikaburã, mã ẽ tsumabu inũ eã ẽ matu katunirã. Ea unãtã ea ikũwaĩ eki txiti ikĩ ẽ Senhor Deus dasibi binua mã ea unanũbũ ẽ matu katuniki. Ẽ iriamakẽ tsua deus betsa hayama iniki. Ha inũ, uatiã ea katxu betsa hayatirumahairaki.

Isaías 43:10 Referencias Cruzadas

Êxodo 8:6

Senhor Deusũ hãtxa Moisĩ Arão ma yuikẽ hatũ hene dasibi bemaki hawẽ mestẽti Arãonẽ tsumashũ sanãbaunaya hene dasibi anua heu mirimahaira kaĩbirani bekĩ Egito nawabu hiwebaunabu anu matai keyuaibũ

Isaías 41:20

Ẽ Israelĩ Senhor Deus Meribitũ dasibi dami wakĩ ẽ kushipawẽ ẽ akeakeni hau mai hirabi anu manibaũshũ uĩkĩ nĩkakĩ tapĩkĩ hau unãshanũbũ ẽ haska wakeakekubaĩshanaii”, iniki.

Isaías 41:4

Dasibi haska watirubu daya amakinã, tsuã hawẽ shinanẽ hatu taewamanimẽ? Hanu yurabu dami wakĩ taewatã haska hau hiwekubaĩshanũbũ hatu yunukubaĩkinã, tsuã hatu akubaĩmismẽ? Earã, ẽ habia Senhor Deus ea besti Deus kayabitũ ẽ hatu yunukubaĩmiski. Ea dukũ ẽ ini inũ hawẽ henei ẽ iriakũkaĩshanaii.

Isaías 41:8

“Jacó enabu Israelbuũ, ea nĩkakãwẽ. Ha betxipaikĩ ẽ katuni ẽ tsuma ẽ haibu Abraão mã hawẽ bababuki.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 43:12

Senhor Deusũ hawẽ hãtxa kaneama mestẽwãkĩ: “Ea bebũkiri matuki txani hãtxanishũ piskumakĩ ẽ matu pashawaniki. Yushibu betsã matu mekekĩ matu ashuãma ini matũ ibubu inũ matubunã, uinishũ mã unãhairaii.

Isaías 45:5

Earã, ẽ habia Senhor Deuski, betsa hayamarã. Ea keska betsa Deus kayabi hayamahairaki. Mai pakea tibibe mĩ hatube detenameshanũ ẽ mia kushipa wakĩ pewaniki, mĩ ea unãmabiakenã,

Isaías 45:6

bari huaikiria inũ bari hikiaikirishũ hau dasibibũ tsua ea keska hayama hau unãshanũbunã. Earã, ẽ habia Senhor Deuski, betsa hayamarã.

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

Isaías 55:4

Ẽ haibu Davi ekiri txanikaũti eã ẽ nawabu unãti wamaniki, shanẽ ibukĩ hau habu ekiri tapĩmashanunã.

João 15:27

Ha inũ, maturi ẽ tashnikiranai anua tapĩ mã ebe ikũkirãxinarã, mã ekiri hãtxai txaninikaburiki— iwanã,

Hechos 1:8

Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

1 Coríntios 15:15

Ha inũ, Deusũ Cristõ yura bestẽwani nũ hawẽ kuxipayabũ matu yusĩkĩ mawabu hatũ yura ana besteãbuma ibiashanaya hamẽ matuki txani nukũ hãtxawẽ matu paraĩ nũ txanitxaka bestikũkaĩkeanaii, Deus haska yubakabianikẽ nukũmebi hawẽ hãtxa betsa wakĩ Deus danãmairã.

Deuteronômio 4:35

Matũ mekenika yushĩ pepa txanima kayabi Senhor Deuski. Tsuã Deus binua ha keska betsa hayama matu unãmaniki, haska matu shinãmakinã.

Deuteronômio 4:39

Haskawẽ taeshũ matũ shinãwẽ tsuma pewatã hakimayamakãwẽ, mistu pewakinã. Matũ mekenika Senhor Deusrã, nai inũ mai hirabi hawenaski. Mekenika ha keska Yushĩ Pepa betsã binuã tsua hayamahairaki.

Filipenses 2:7

Hawẽ kuxipa beshtekekĩ heneyubirã nuku keskakĩ nukũ yura bitã na mai anua dasibibu merabewai habũ tsuma ikũkainikiaki.

Colosenses 1:7

Mã haska ikaiburã, nukũ haibuhaira Epafrasĩ nuku keska Cristõ tsuma nukube dayakĩ matu anushũ txĩtuãma matu nuku yusĩshũkubaĩmis

Apocalipse 1:2

Haskawẽ taeshũ Deusũ hãtxa inũ, Jesus Cristõ ea unãmaxina ẽ nĩkaxina inũ, dasibi ẽ uĩxina hawa txanitxakama ẽ matu yui kayabiaii. Ẽ hãtxa txanima uĩkĩ nĩkairakãwẽ.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 3:14

Ana Jesusũ ẽ João ea yuikĩ: “Hatũ Deusũ hãtxa dayashunika Laodicéia anu itxamisbu mekea na hãtxa ẽ mia yuiai keneshũriwe. ‘Dasibi Deusũ hakiri yuiai ẽ Habiaskaki, imistũ mai hirabi inũ nai hirabi damiwakĩ ewẽ Deusũ ani txanima hãtxa besti txani ẽ kaneismatũ ẽ matu yuiai nĩkakãwẽ.