Isaías 41:27 - Kaxinawá Bíblia (BR)

²⁷ Hakia ea Senhor Deusũnã, bebũkiri Sião anuabu hatuki txanikĩ ẽ hatu unãmaniki. Jerusalém anu ẽ hãtxa yuishunika ẽ yununiki, ha Israelĩ enabu hawaira txĩtũshanaibu hau hatu yuinunã.

Isaías 41:27 Referencias Cruzadas

Isaías 40:9

Sião yuikĩ: Siãonã, mati keyatapa hawẽ henea mamaki mapeketã hui kushipawẽ sai ikĩ kaka pepa txaniti hatu banabimariwe. Jerusalémnẽ, hawa dateama mĩ hui tashnimakĩ kaka pepa Judá maewã tibi anu hiweabuki hatuki eska txaniriwe: “Na habia matu dapiki, matũ Deusrã!” hatu wakinã.

Isaías 41:4

Dasibi haska watirubu daya amakinã, tsuã hawẽ shinanẽ hatu taewamanimẽ? Hanu yurabu dami wakĩ taewatã haska hau hiwekubaĩshanũbũ hatu yunukubaĩkinã, tsuã hatu akubaĩmismẽ? Earã, ẽ habia Senhor Deus ea besti Deus kayabitũ ẽ hatu yunukubaĩmiski. Ea dukũ ẽ ini inũ hawẽ henei ẽ iriakũkaĩshanaii.

Isaías 43:10

Senhor Deusũ hawẽ hãtxa kaneama mestẽwãkĩ: “Habia mã matubuki, ẽ txaninikaburã, mã ẽ tsumabu inũ eã ẽ matu katunirã. Ea unãtã ea ikũwaĩ eki txiti ikĩ ẽ Senhor Deus dasibi binua mã ea unanũbũ ẽ matu katuniki. Ẽ iriamakẽ tsua deus betsa hayama iniki. Ha inũ, uatiã ea katxu betsa hayatirumahairaki.

Isaías 44:28

Hanushũ Pérsia shanẽ ibuhaira Ciro yuikĩ: ‘Miarã, mĩ ẽ hatu mekeshunikaki. Dasibi haska ẽ betxipaiai miã mĩ ea ashũshanaii’, akĩ ẽ yunushanaii. Ha inũ, Jerusalém yuikĩ: ‘Miarã, mĩ ana mae benikishanaii’, akĩ ẽ yuishanaii. Ha inũ, Templo yuikĩ: ‘Mĩ mestẽwãti mishki habũ buyabirãshãkanikiki’, akĩ ẽ yuiriashanaii.”

Isaías 44:6

Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.

Isaías 46:9

Matũ shenipabu ikubiraniburã, haskakiriri shinãkãwẽ. Ea besti ẽ Deus kayabiki, betsa hayamarã. Ẽ habia Deuski, tsua betsa ẽ kushipa keska hayamarã.

Isaías 52:7

Tsuara mati matipa anu hukĩ txakabumakirãkĩ kakape yuinũ ika hui benimakiranai uiaĩbũ Deus anua pepa unanuma hiweti txani inũ haska txakabu anua tashnitirubu txanitã Sião yuikĩ: “Mĩ Deusrã, shanẽ ibuhairaki!” ashanikiki.

Romanos 10:15

Ha inũ, Deusũ hãtxa yusĩnãbu habu anu Deusũ hatu yunuama kakape Cristokiri hatu yusĩtirubumaki. Haskakẽ Deus yuishũkĩ hawẽ hãtxa yuishunikatũ haskakiri kenekĩ: “Deusũ kakape yusĩmisbu hikixĩshũ Deusũ kakape hatu yusĩaĩ nĩkai ha huxiãwẽ taea benimai xinã txãkãshãkanikiki”, iniki.

Apocalipse 2:8

Ana Jesusũ ea yuikĩ: “Ha hatũ Deusũ hãtxa yuinika Esmirna anu itxamisbu mekea anu na hãtxa ẽ mia yuiai keneshũriwe: ‘Earã, ea dukũ ẽ hiweni inũ ẽ hawẽ henea debesekeaki. Mawabiatã ẽ ana bestẽni ẽ hiweatũ ẽ matu yuiai nĩkakãwẽ.