Isaías 40:26 - Kaxinawá Bíblia (BR)

²⁶ Bewenikitã naiuri matũ beruwẽ uĩkãwẽ. Ha dasibirã, tsuã dami wanimẽ? Haska bishi tibi txasha kaiãkeakeai hatũ kenawẽ ẽ hatu kenamiski. Haskawẽ taea Deusũ hawẽ kushipa tibiwẽ hatu mekea hatũ txasha hawa benutirubumaki.

Isaías 40:26 Referencias Cruzadas

Gênesis 1:14

Haska dayakũkaĩkĩ Deusũ ana yuikĩ: “Shaba inũ meshu tari meribi pashkakĩ nai anu hau txashati inũwẽ, shaba inũ, yame inũ, bari inũ, betsa betsapatiã tanakĩ unãmatirã.

Gênesis 1:16

Deusũ txashati ewapahaira dabe, bari inũ, ushe inũ, bishi itxapa damiwashũ ewapatũ hau shaba duawanunã, hatiumatũ hau yame duawanunã,

Salmos 19:1

Senhor Deus kushipatũ damiwani nai manaũriabu shabakabi hawẽ kushipakiri habu nukuki txanikanikiki. Naiuria habu dami pepa wanibũ nuku tapĩmamisbuki.

Isaías 42:5

Ha Senhor Deusũ nai hirabi dami wakĩ kaĩmani inũ, mai dami wakĩ tashnimani anu haki hamapai benemisbu inũ, yurabu haki hiweabu hiwea hatu inãkĩ hatu huĩsinamamistũ hawẽ tsuma yuikĩ:

Isaías 44:24

Matũ mebikinanika Senhor Deusuũ, mã kaĩriama matũ yura yumewanitũ matu yuikĩ: “Earã, ẽ Senhor Deusũ dasibi dami wakĩ nai hirabi kesukauana wakĩ inũ mai dikabi tashnimatã ẽ mestẽwaniki, tsuã ea hawa merabewamarã.

Isaías 45:12

Eã ẽ aniki, mai inũ yurabu dami wakinã. Ẽ mekẽwẽ nai hirabi hatishũ kesũtã hanushũ ẽ yunua dasibi habu txashatirubu tashni keyunibuki.

Isaías 45:7

Bari txashati inũ, meshu inũ, benimai hiweti inũ, hamapaiwẽ bika teneti sharabu pawakĩ ẽ dami waniki. Na haska tibi dami wakinã, ea Senhor Deusũ anishũ ẽ akubaĩmiski”, iwanã,

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Deuteronômio 4:19

Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.