Isaías 40:18 - Kaxinawá Bíblia (BR)

¹⁸ Matubũ Deus mã unãti wakĩ shinanã, haratu keskamẽ? Haratu dami besu keskamẽ?

Isaías 40:18 Referencias Cruzadas

Jó 40:9

Miarã, mĩ kushipa hayamẽ, ea ẽ Deus kushipa haya keskarã? Mĩ huirã, ena keskamẽ, kana tĩ ikaĩkainai dẽke ikainai keskarã?

Êxodo 15:11

Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Êxodo 20:4

“Ha inũ, betsarã, hawara hawẽ kẽwãti dami wakĩ yushĩ itsa wayamakubaĩshãkãwẽ, nai anu hiweabu inũ, mai anu hiweabu inũ, hawara hene merã hiweaburã.

Êxodo 8:10

Faraónẽ kemakĩ: —Habia meshukiri ea ashũwẽ— hatu wa Moisĩ yuikĩ: —Peki. Ẽ mia ashuĩ kaii. Nukũ mekenika Senhor Deus tsua keska hayama mĩ uĩshanaii.

Êxodo 9:14

Mĩ ana hatu bashiaya na habiatiãri dasibi hawẽ kupiti mia anu inũ, mĩ merabewanika shanẽ ibubu anu inũ, minabu dasibi anu ẽ yunuaiwẽ taeshũ mai hirabi anu yushĩ kushipahaira tsua ea keska betsa hayama mĩ unãshanaii.

Isaías 40:25

Deus meribitũ hunibu yukakĩ: Matubunã, ẽ tsua keska mã ea shinaĩ? Tsua ea keska itirumẽ?

Isaías 44:6

Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.

Isaías 46:5

Ẽ hiwenirã, ẽ tsua keska mã ea shinãtirumẽ? Haratu ea keska ẽ kushipaya kaĩtiru mã shinaĩ? Hawa ea keska betsa tsua hayamahairaki.

Isaías 46:9

Matũ shenipabu ikubiraniburã, haskakiriri shinãkãwẽ. Ea besti ẽ Deus kayabiki, betsa hayamarã. Ẽ habia Deuski, tsua betsa ẽ kushipa keska hayamarã.

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Hechos 17:29

Nũ haskai Deusunabukĩ nũ haska xinãtirubumabiakẽ hunibũ xinã txakakĩ Deus haska keska dabanẽ hatũ xinãwẽ habũ deus wakĩ ouro inũ prata inũ mixki dami wamisbuki.

Deuteronômio 4:15

Moisĩ ana hatu yuikĩ: “Mati Horebe anua txi here namakis Senhor Deus nishũ matũ ibubuya matu hãtxa wai hawẽ hui besti mã nĩkaniki, hawa dami yushĩ keska uiãmarã. Haskawẽ taeshũ haki meseti wakĩ matunã, hawa dami betsa wataskayamashãkãwẽ. Uĩrahairakubaĩshãkãwẽ. Dami wakĩ huni itsa inũ, aĩbu itsa wakĩ inũ, yuinaka itsa inũ, peiyabu itsa inũ, nutawẽ mapumisbu itsa inũ, baka itsa wakĩ haska taska dami wai txakabuyamashãkãwẽ.

Colosenses 1:15

Deus tsuã uĩtirumabiakẽ Cristo ha itsa shabakabi uĩkubainibuki. Hawa dasibi dami wariama hawẽ bake kayabi bestitxai hayaniki.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

1 Samuel 2:2

Senhor Deusuũ, tsua meribi mia keska hayamaki. Nukũ mekenika Deusuũ, mĩ nuku mekemis keska tsua hayamaki. Tsuã mia binua ana betsa hayamahairaki.