Isaías 32:3 - Kaxinawá Bíblia (BR)

³ Habũ berurã, pehaira hatu uinũ ika beru hã ikabu inũ nĩka pewanũ ika paweshpai keyutã hatu nĩkakatsis ishãkanikiki.

Isaías 32:3 Referencias Cruzadas

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Isaías 54:13

Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Marcos 7:37

e itã Habaa! Yuu! ikĩ yuikĩ: —Jesusũ hamapai betsa betsapa pepa atiruki, patanibu nĩkamakĩ inũ huyuniburi hãtxamaikikirã— inibukiaki.

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.