Isaías 30:9 - Kaxinawá Bíblia (BR)

⁹ Ha yura hiweabu yusĩ nĩkaisma sinatapabu inũ Deusũ yusiã txibã pewaisma unaĩsmapabuki, habũ Deusũ yusiã hawa nĩkakatsi isbumarã.

Isaías 30:9 Referencias Cruzadas

Isaías 1:10

Maewã Sodoma shanẽ ibu inibu keskabuũ, Senhor Deusũ hãtxa nĩkakãwẽ. Maewã Gomorra anua keskabuũ, nĩka pehaira wakãwẽ, nukũ Deusũ matu yusiainã.

Isaías 1:2

Nai inũ maiĩ, matũ Senhor Deusũ matu yuiai nĩkakãwẽ. “Matũ bakebu ẽ hatu yumewabia habu huni ewatã hakia habũ ea danaĩ eki sinatakanikiki.

Isaías 1:4

Mã hunibu txakabuhairarã, mã peirakãwã! Mã yurabu atimapa txakabu bestiwẽ kemui mã hiwearã, matũ ibubũ txakabuwakubainibuwẽ taea mã hawẽ bakebũ habias txakabu txibaĩbu inũ, mã hawẽ bababũ haska ariaiburã, haska wakĩ mã ma Senhor Deus heneaki. Israelĩ Deus mekenã meribi mã hayabia putatã mã ma shunũbainaki.

Isaías 28:15

Matũ yuikĩ: “Hau isĩ txakabu hua nukuki nukuyamashanũ ika ha mawa mekenikabe nũ ma yubakaimaki. Mawa bumisbu anu nũ ma habe yubakaimaki. Nũ hawẽ irui meketiru mã benairã, txani besti nũ benaii. Hunenũ ika txaniwẽ besti nũ parananãkũkainaii”, ikaibũ

Isaías 30:1

Deusũ hawẽ hãtxa mestẽwãkĩ yuikĩ: “Ẽ yusiã nĩkaisbumã bakebuũ, mã peirashãkãwã! Ebe hãtxai yubakamabia mã ibubis yubakaii. Haska eã daya shinãkĩ ẽ matu yunuamabia ibubis matumebi daya tibi akatsis ikĩ mã katumisbuki. Haska shinãkĩ mã itxawamisrã, txakabu itxapa mãtxiã keska wakĩ mã ewawaii.

Isaías 63:8

Deusũ yuikinã: ‘Ha enabu ẽ bakebunã, hawa ea danãkĩ ea txakabuwama ishãkanikiki’, itã hatũ habu piskumaikiki,

Isaías 65:2

Ha enabu sinatapabũ ea nĩkabumabiakẽ hawẽtsaĩs ea anu hatu txĩtũwanũ ishũ ẽ hatu meshãshũbia hawa ea nĩkama haska hatũ bai txakabu besti tanakĩ hatũ shinanẽ besti haska betxipaiai aki hawẽ kẽmisbuki.

Jeremias 7:13

Mã txakabu betsa betsapa wai matu shinã betsawamakĩ ẽ matu yuibiakubaina mã ea nĩkakatsi ikama iniki, ea hawa kemamarã. Ea ẽ Senhor Deusũ ẽ txanima hãtxawẽ ẽ matu mestẽwaiĩ.

Jeremias 7:28

eska hatu wakinã: ‘Matũ mekenika Senhor Deusũ matu yunubia ha yurabu mã hiweabu matu pewapanã mã ea hawa nĩkakĩ txibaĩsbumaki. Matũ hãtxa txanima matũ kesha anu ana hayamahairakiaki’, akĩ ea hatu yuishũshãwẽ”, akĩ Senhor Deusũ ea yuimaki.

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.

Apocalipse 22:15

Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.