Isaías 30:2 - Kaxinawá Bíblia (BR)

² Bebũkiri ebe hãtxakĩ ea yukama hawa shinãma hawaira Egito anuabu merabe benai hari iruti keska shanẽ ibuhaira Faraó anu mã benamiski, Egito anu hari irui utati keska anu hanu irunũ ikarã.

Isaías 30:2 Referencias Cruzadas

1 Reis 22:7

hakia Josafã Acabe ana yukakĩ: —Senhor Deusũ hãtxa yuishunika betsa nenu ana hayamamẽ, hari nũ yukariatirukirã?— aka

2 Reis 18:21

Egito nawabũ mia merabewashanai mĩ shinaĩ ẽ unaiĩ. Hakia haburã, hatũ shanẽ ibube hawa kushipa hayabumaki, mã dasibi haki txiti ipanãbunã. Dasibibũ hawẽ hãtxa nĩkakĩ ikũwaĩbu, Egito nawa shanẽ ibu Faraó babukĩ tsua merabewatirumaki.

Isaías 8:19

Hakia huni betsabũ matu yuikĩ: “Mawabũ yushĩbe hãtxamisbu yukakãwẽ. Ha huni mukayabu hatũ yushĩbe hãtxai shei ikawẽ tsuã nĩkatirumawẽ hãtxamisbuki. Yurabu hatũ yushibube hãtxakinã, mawabũ unanepa hãtxa yukatimamẽ, hiweabunã,

Jeremias 2:18

Haskai Hene Nilo anu ũpash anũ ikai keskai Egito anu mã kamismẽ, hau matu merabei benũbũ hatu benairã? Haskai Hene Eufrates ũpash anũ ikai keskai Assíria anu mã hamẽ kamismẽ, hau matu merabewai benũbũ hatu benairã?

Jeremias 37:5

hanua habiatiãri Egito anua Faraónẽ detenamenikabu itxapa tashnibirãkĩ Jerusalém merabewanũ ika beaibu Caldéia nawabu detenamenika itxapabũ Jerusalém kebauni nati ishũ hatu tsaka tsaka akaibũ Egito nawabu beaibu bana nĩkatã hatube detenamakatsi ikama hatu henebainaibũ

Números 27:21

Mĩ ana hiweamakẽ hawara ea yukakatsi iki ebe hatu hãtxashunika Eleazar anu Josué kashũ hawarakiri Eleazarki txania hanushũ ẽ kenawẽ taeshũ Eleazar hawẽ unãti wati Urim hiweawẽ ea yukatã Josué unãma hanushũ ha unãti txibãkĩ Israelĩ enabu hamapai tibi hatu ashũkubaĩshanikiki— aka