Isaías 30:16 - Kaxinawá Bíblia (BR)

¹⁶ Haska shinãma hãtxakĩ yuikĩ: “Nenua ẽ haskakatsi ikamaki. Cavaloki katsaumetã ẽ pashai kaii”, mã ikaya Peki. Txanima haskai mã pashatirubuki. Ana matũ yuikĩ: “Cavalõ tarãbaĩtiki tsautã nũ kushimabaĩshanaii”, mã ikaya Peki. Txanima mã kushikaini pashayarã, haburi kushibaĩkĩ matu txibãshãkanikiki.

Isaías 30:16 Referencias Cruzadas

2 Reis 25:5

hakia Caldéiau nawabu detenamenikabũ shanẽ ibuhaira Zedequias hunei kai betxitã txibaĩ kushiriabaĩ Zedequiasĩ detenamenikabu dasibibũ hatũ shanẽ ibu hene keyubaini pashaibũ Jericó napãpa anu haki nukutã

Jó 39:11

Mĩ daya hau ibubis mia ashũkubainũ ina awa bene pubẽ kushipawẽ taeshũ mia pe dayashunũ ha besti mĩ henetirumẽ?

Salmos 33:17

Cavalowẽ kushibiabaĩmisburã, hawẽ hiwei tsua pashatirubumahairaki. Cavalo kushipahairabia haki txiti ibiamisbu hawẽ hiwei tsua pashatirumaki.

Isaías 31:1

Tsuabũra mã Egito anu merabe yukai mã buaiburã, mã peirashãkãwã! Cavalo itxapa mã hayatiru inũ, haki tarãbaĩti itxapa mã hayatiru inũ, cavaloki katsaumebaĩmisbu mirima mã hayawẽ taea ana tsuki dateama haki txiti itã shinãkĩ mã ikũwãtirubia harã, hamẽki, Israelĩ Deus meribi anu txĩtũkĩ mã shinã betsa wai uĩmakĩ benakatsi ikamarã.

Isaías 31:3

Egito nawaburã, hunibu bestiki, deusmarã. Hatũ cavalorã, nami inũ shau besti hayaki, yushĩmarã. Deusũ hawẽ kushipa yunukĩ hatu kupiaitiã ikirã, eskashãkanikiki. Egito nawabũ hawẽ kushipawẽ mekenikabu inũ Israelĩ enabu hatuki iruaibu ha dabe mawai dasibi hanus di ishãkanikiki, benui keyuirã.

Jeremias 39:4

Ha Caldéia nawabu haskai hiki taeaibu uĩtã Zedequias inũ hawẽ detenamenikabu dasibi pashai meshu merã kene dabe namakis beputi shui betsa beputiya bepẽtã shanẽ ibũ bai anu hanu hua pepa hawẽrua banamisbu baiwẽ Caldéia nawabu hatu hune dũkebaini Hene Jordão napãpakiri bai kãwẽ kushibaini pashaibũ

Amós 9:1

Jerusalém anu hawẽ kẽwãti Templo hemaĩtĩ anu txi tapu dapi Senhor Deus nia ẽ uiãyã ea yuikĩ: “Ha txibu masua tibiki mane bronze maiti hawẽrua haya hau teskekirã niri ikĩ yurabu hau hatu txusha txusha akubainũ ha bronze dera dera akĩ pure pure akubaĩkĩ heneyamashãwẽ. Tsuara habu ha tekekirã hatu tenãmarã, haburã, nupe txaipawẽ ẽ hatu tenãmashanaii. Pashabiai haskatã bestitxai hamesti piskukaini iruama ishanikiki.

Miquéias 1:13

Laquis anu hiweabuũ, maturã, Israelĩ enabu Samaria anu hiwenibu keskakĩ Senhor Deusũ hãtxa danãkĩ yushibu dami hau kẽwanũbũ Sião anu hiweabu mã hatu txakabuwakĩ taewaniwẽ taeshũ pashanũ, iwanã, cavalo hawaira kaĩti hawẽ tarãbaĩti itxapaki neshakĩ keyushãkãwẽ.

Habacuque 1:8

Hatũ cavalo kushipahaira hawawẽ dateama kushikaĩkĩ inu keneya betsa binubaĩtirubuki, beamakinã. Ha dikabi, kamã inu betsa lobo kushipahaira meshu merã mapumisbu binuabuki. Cavalo katsaumeabu mirimahaira txaihaira anua bekĩ tetepã hawẽ piti hawaira nuyakaĩ yuinaka atximis keska atxinũ ika hawaira ishtxukaĩ hatu tenã keyumisbuki, hatuwẽ hawa nuiamarã.