Isaías 28:13 - Kaxinawá Bíblia (BR)

¹³ Haskawẽ taeshũ Senhor Deusũ hatu hãtxa wakĩ bakeishta tanaĩbu hatu ana yusĩshanikiki, habũ dama tapĩkĩ uiaĩbu keskarã. Haskawẽ taea haburã, ni peama petxiuri manãska tĩ ika keskabu ishãkanikiki. Betsabu deteaibũ, betsabu birũ merã hikitã hani pashatiruma keskabu ishãkanikiki.

Isaías 28:13 Referencias Cruzadas

Salmos 69:22

Beyuskĩ hatũ piti pepa hatũ tapuki itxawakinã, haibunãbiakĩ hanubi birũ keska watã hawẽ taea hau bika tenenũbũwẽ.

Isaías 28:10

dama hãtxa pesakĩ yuiai keskaburã: ‘ba, be, bi, bo, bu’ ”, nũ ikaii, hãtxa unanumas yuirã.

Mateus 13:14

—Haskai buaibuwẽ taeshũ bebũkiri hawẽ hãtxa yuishunika Isaías hatukiri Deusũ yuimakĩ: ‘Habũ hãtxa itxapa nĩkabiakubaĩmisbu hawa unãma ishãkanikiki. Itxapa uĩbiakubaĩmisbu hawa uĩsma keska ishãkanikiki. Hau uĩyamanũbũ hatũ beru bekua keskabuki. Hau nĩkayamanũbũ hatũ pabĩki pabepukua keskabuki. Na yurabu bushka kuxibũ hawa tapĩkatsis ikabumaki. Hau ẽ hatu merabewakĩ shushawapanã ea danaĩ ea anu bekatsis ikabumaki’, aka nĩkatã nuku keneshuniki. Habias hatukiri keneni keskai na yurabũ uĩyama inũ nĩka pewabumariki— iwanã

Mateus 21:44

Ha inũ, betsarã, tsuara ha mixkiki sinatakĩ ea maemanũ ika mixki mamaki kawana teke teke ika keska itiruki. Hakia ha mixki haratukira kawani haki tĩ ikĩ txuxakĩ mixpu washanikiki— hatu waya

Romanos 11:9

Haska inũ, ana Deus txibãbuma ishanaikiri Davĩ yuikĩ: “Hamapai piti betsa betsapa haya hawẽ besti beyusi unaĩsmapai harakiri pashai kaĩtirubumaki, nawatikis ikabu hau Deusũ hatu kupinũwẽ.

2 Coríntios 2:16

Haska xinaĩbutunarã, nukũ yusĩanã, ikũwãbumã nuku nĩkamarã, atimapa yura mawa pisi mayai keska shetekĩ aka wakanikiki, nuku danãkinã. Hakia dasibibũ nukũ yusĩa nĩkakĩ Cristo ikũwãkĩ nukũ yusĩa ininipa keska abukĩ benukatsi ikama haska niti ikama Deusbe hiwekuĩshanaibu bikubaĩkanikiki. Hakia Cristokiri shabakabi yusĩa mesekenã, tsuabũra nũ xinã txakai, ha hiweakirirã?

2 Pedro 3:16

Paulõ kene betsa tibi anu yusĩa bikabiakẽ na haska ẽ matuki txaniai keska betsabũ nĩka pewama inũ huĩti babũ ikũhairawabumã Paulõ hãtxa maewakĩ inũ Deusũ hãtxa kenenibu maewakeakei ibubis hatũmebi txakabutã benushãkanikiki.