Isaías 1:4 - Kaxinawá Bíblia (BR)

⁴ Mã hunibu txakabuhairarã, mã peirakãwã! Mã yurabu atimapa txakabu bestiwẽ kemui mã hiwearã, matũ ibubũ txakabuwakubainibuwẽ taea mã hawẽ bakebũ habias txakabu txibaĩbu inũ, mã hawẽ bababũ haska ariaiburã, haska wakĩ mã ma Senhor Deus heneaki. Israelĩ Deus mekenã meribi mã hayabia putatã mã ma shunũbainaki.

Isaías 1:4 Referencias Cruzadas

Gênesis 13:13

Hanua Sodoma nawabu hiweaburã, hunibu txakabu atimapahairakĩ Senhor Deus danaĩ txakakubainibukiaki.

Neemias 1:7

Mĩ nuku uĩbiaya nukurã, Israelĩ enabu nukũ shenipabu inũ nukubu txakabuhairai nũ hiwekubiranimabuki. Haska wakĩ mĩ tsuma Moisés mĩ kenemani mĩ yunuti hãtxa inũ, mĩ nemati hãtxa inũ, mĩ yusĩti hãtxa mĩ nuku yuini hawa nĩkakĩ hawa txibã pewama nũ hiwekũkainaii.

Êxodo 32:7

hanua haskaibũ Senhor Deusũ Moisés yuikĩ: —Uĩwẽ. Minabu Egito anua mĩ hatu iweimarã, hatũmebi txakabui benukanikiki. Hatu uĩ hawaira butukaĩtãwẽ.

Isaías 1:23

Haska inũ, matũ shanẽ ibuburã, sinatapa yumetsubũ haibuaibuki. Ana pei mais hatu pewashũkatsi ikama hatu parãkĩ hatũ peiwẽ besti hatu itxakawakubaĩkanikiki. daketapai ea inãkuĩwẽ ika ea ikĩ bena bestikubaĩkanikiki. Bake ibuumabu hatu pe merabewati shinãbiai habũ hatu uĩs bestikanikiki. Ha inũ, aĩbu beneyabiani beneumabukiri habũ hatu merabewai pe hãtxashũkatsi ikama hatuki petxiabuki.

Isaías 1:28

Hakia itxakanikai sinatamisbu inũ txakabubu habu ea anu beabuma hatu kupikĩ ẽ yamawashanaii. Habũ ea henebaini mawashãkanikiki.

Isaías 30:1

Deusũ hawẽ hãtxa mestẽwãkĩ yuikĩ: “Ẽ yusiã nĩkaisbumã bakebuũ, mã peirashãkãwã! Ebe hãtxai yubakamabia mã ibubis yubakaii. Haska eã daya shinãkĩ ẽ matu yunuamabia ibubis matumebi daya tibi akatsis ikĩ mã katumisbuki. Haska shinãkĩ mã itxawamisrã, txakabu itxapa mãtxiã keska wakĩ mã ewawaii.

Isaías 30:15

Ha Israelĩ enabũ Deus meribitũ hatu yuikĩ: “Eanu txĩtũtã unanuma mã bashikuairã, mã piskushanaii. Ha unanuma mã hawẽ hiwei hawa dateama mã haki txiti ikairã, hanu mã hawẽ kushipaii”, ẽ matu wabia hakia matubu mã haskakatsi ikamaki.

Isaías 30:9

Ha yura hiweabu yusĩ nĩkaisma sinatapabu inũ Deusũ yusiã txibã pewaisma unaĩsmapabuki, habũ Deusũ yusiã hawa nĩkakatsi isbumarã.

Isaías 31:2

Hakia ha Deusrã, unanepahairaki. Hamapai tibi atiruki. Txakabu watiru unaĩkiki. Hawara yuitã maewakĩ ana shinã betsa waismaki. Huni txakabubu hatuki sinatakĩ hatu kupishanikiki. Habũ txakabuwaibu tsuãra hatu merabewamisbu hatuki sinatariamiski.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Isaías 41:16

Mã hatu beka beka aka niwẽ hatu bushanikiki. Niwe shubi shubi ibirãkĩ sa abaĩshanikiki. Ẽ matu haska waya matubu mã benimashãkanaii. Israelĩ mekenika ẽ Senhor Deus meribiwẽ mã kẽshãkanaii.

Isaías 41:20

Ẽ Israelĩ Senhor Deus Meribitũ dasibi dami wakĩ ẽ kushipawẽ ẽ akeakeni hau mai hirabi anu manibaũshũ uĩkĩ nĩkakĩ tapĩkĩ hau unãshanũbũ ẽ haska wakeakekubaĩshanaii”, iniki.

Isaías 58:2

Ẽ hiwea bai unaĩ benima bestinũ ishũ shaba tibi mã ea benakubainaii, mae pepawẽ hiwea ikasi pepai inũ ẽ yunuti hãtxa txakabuwama kaneama ikasriairã. Ẽ yunuti kushipa pepa ea yukatã ea beparãkĩ ea uĩmai benimabirani ea anu bemisbuki.

Isaías 65:3

Ha Israel enabunã, shabakabi eabi eki sinatakĩ ea danaĩ heneisbumaki. Hatũ bai nemakishũ yushĩ betsabu besti kẽwanũ ishũ hatũ inabu menushũmisbuki. Mai bawa txi tapu watã hakishũ hatũ inĩti kuashũmisbuki.

Jeremias 2:13

Israelĩ enabu ẽ hatu ibuwabiani itxapahairaki txakabui keshtunibuki. Ẽ hatũ hiwemati txatxa ũpash keskabiakẽ ea henebainibuki. Haskakĩ hatumebi mishki pukĩtã ũpash aruti keska wabia ibubis pesetã hani ana ũpash matati hayama keskai yushibubu kushipa hayama dami watã txibãkubainibuki.

Jeremias 2:17

Na eska nawabũ matu wakinã, ea ẽ matũ mekenika Senhor Deusũ ẽ baiwẽ ẽ matu iyubia ea txibãma mã ea heneabuwẽ taeshũ matu itxakawamisbuki, ẽ ana hawa matu hatu nemashunamarã.

Jeremias 2:19

Mã haskamiswẽ taea matũ txakabuwẽ ibubis mã kupiti bikubainaii. Duawakĩ mã ea nĩkaismawẽ taea ibubis mã benushanaii. Ẽ ea Senhor Jeová ẽ matũ mekenikabia mã ekiri hãtxai peama ea henekubaĩmisburã, mesehaira inũ txakabuhaira mã tenekubaĩshanaii. Haska uĩkĩ mekĩ shinãkubaĩshãkãwẽ. Ẽ Senhor Deus kushipa dasibi binuawẽ taea ẽ hãtxa ẽ mestẽwaiĩ”, iwanã,

Jeremias 2:31

Ha dikabi mã ikis hiweaburã, pestã Senhor Deusũ hãtxa nĩkakãwẽ. Israelĩ enabuũ, earã, mã ea uianã, ẽ hanu tsua hiweabumanu keskamẽ, hawa hayamarã? Mai anu bari pesheama ẽ matu anua hunea keskamẽ? Ẽ haska matu ishuĩsmaki. Enabuũ, haskai hãtxa txakabukĩ yuikĩ: ‘Nukũ yununika nũ hayamawẽ taea mia anu nũ ana txĩtũkatsi ikamaki’, mã ikũkainai?

Jeremias 2:33

Hawara txakabuwẽ kemui betxipaikĩ benabaũkĩ beya txakabu tibi mã unãhairakubainaii. Hanushũ txakabu tapiaĩbu anua mã hatũ yusinãki.

Jeremias 7:19

Hakia eki sinatabiai eki sinatama haskairã, ibubis hatumebi daketapai itxakanikakubaĩmisbuki. Ea ẽ Senhor Deusũ ẽ hãtxa ẽ mestẽwaiĩ.

Jeremias 7:26

Hakia matubũ ea nĩkakatsi ikama ẽ haska matu yunuai txibãkĩ ea ashuãma huĩti kushihairatã txakabuwakĩ matũ shenipabu mã binuhairaii”, iwanã,

Mateus 11:28

Tsuabũra shãkama ia inũ dayatxakayamai keskai mã punu nukaburã, ẽ matu huĩrukũmakĩ merabewanũ eanu bekãwẽ.

Mateus 23:33

Hamẽ maturã, mã paranã dunu pianã keskabuwẽ taeshũ Deusũ matu kupihairakĩ txi merã matu urẽa mã hawawẽ taea pashatirubumaki.

Mateus 3:7

hanua Joãonẽ hau ea naximanũ ika saduceubu inũ fariseubu bebirã bebiranaibu hatu yuikĩ: “Maturã mã paranãbuki, dunũ hatu pimis keskaburã. Mã haska keska matuki Deus sinatakĩ matu kupihairashanaiwẽ taea matũ xinã betsa wakãwẽ. Haskatã matũ txakabu mã ma beshtekea shabakabi mã ea uĩmaya ẽ matu naximashanaii.

Romanos 8:7

Ha inũ, tsuabũra Deus xinãma hawara hatũmebi hatũ xinãnẽs akatsis ikaibu haska txibãmisbu Deusũ hatu xinãma inũ Deuskiri xinãbumariki, haki petxiaburã. Habunã, Deusũ yusĩa txibãma inũ hawẽ yunua ashũtirubumariki.

1 Coríntios 10:22

Ha inũ, yushĩ dami betsa kẽwãkĩ Deus daka mã sinatamanũ, iwanã, aki ikai? Matũ kuxipawenã, mã Deus binuamẽ? Haska yushĩ dami betsa kẽwãkĩ mã husiakeakeairã, ana haska tibi akĩ Deus sinatamayamakãwẽ.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

Apocalipse 18:5

“Habũ txakaburã, hamapai itxawakĩ maspuwakubaĩkĩ nai anu mati aka keska waibu huneama ma shabakabi Deusũ hatũ txakabu betsa betsapa uĩkiki.