Isaías 1:15 - Kaxinawá Bíblia (BR)

¹⁵ Matũ mekẽ meshãtã ebe hãtxakĩ mã ea yukabiaya ẽ matukiri uĩkatsi ikamahairaki. Mã ea yuka txakayamabiaya mã mekẽ himi haswẽ taeshũ ẽ matu hawa nĩkamaki.

Isaías 1:15 Referencias Cruzadas

Êxodo 9:29

Moisĩ yuikĩ: —Senhor Deus shanẽ ibui mai hirabi hawenasrã, mĩ unanũ mĩ mae ewapa anua kaĩkaini kashũ Senhor Deus naiuria ẽ mekẽ sanãshũ ẽ mia yukashunaya kana tĩ ikaĩkaini nesei barush ui maĩ ana niri ikamaki.

Provérbios 1:28

Ha shaba haskaitiã tsuãra ea kenabiaya ẽ hawa hatu kemama ishanaii. Habũ ea benabiai hawa eki nukuama ishãkanikiki”, iwanã, hatu ana yuikĩ:

Provérbios 6:17

Ibubis kẽmisbu inũ, txanitxaka bestimisbu inũ, hawa txakabuwamabiakẽ hatũ mekẽwẽ hatu tenãmisbu inũ,

Isaías 45:15

Isaíasĩ ana hatu yuikĩ: Haskabiaibũ miarã, tsuã mia uĩtiruma mĩ Israel mekekĩ piskumanika Deuski.

Isaías 58:4

Ha shabatiã samakeirã, mã eskamiski, ha iki kũyã ikirã, detenameirã, pubẽkĩ matũ mekẽnẽ hatu kushakinã. Ha shabatiã samakei mã haskamiswẽ taeshũ ebe hãtxakĩ mã ea yukaibu ẽ matu hawa nĩkaismaki.

Isaías 58:7

Tsuabura buniaibu matũ piti pashkashũ hatu pimakãwẽ. Nuitapai hiweuma mapuabu matũ hiwetã hatu ishũ hatu ushãkãwẽ. Tsuara tariuma matũ tari betsa hatu sawemakãwẽ. Minabu kayabi hatu merabewakĩ heneyamakubaĩkãwẽ.

Isaías 64:7

Tsuã mia shinaĩ mibe hãtxai ana tsua hayabumaki. Hau mĩ hatu merabewanũ hawẽ bika tenekĩ mĩ kushipa benakĩ mia yukabumaki. Nukũ txakabuwẽ taea nuku henei nukuki petxitã ana nuku merabewai hãtxama mĩ huneaki.

Isaías 8:17

Senhor Deusũ hawẽ hãtxa Jacó enabukiri hunebiaya eanã, ikũwaĩ ẽ haki txiti ikaii.

Miquéias 3:4

Txipu shaba betsatiã merabe ea Senhor Deus mã yukabiaya ẽ matu kemama ishanaii. Mã txakabuwakubaĩmiswẽ taea hanu mã ea yukaitiã ẽ matu nĩkakatsi ikama matu anua ẽ huneshanaii.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Mateus 6:7

Ha inũ, matu Deusbe hãtxairã, hau Deusũ ea nĩkanũ, ika habias hãtxa hawẽtxaĩs yuiyamakubaĩshãkãwẽ, haska Deus ikũwãbumã amisbu keska wamarã, hamẽ hãtxawaĩnã.

João 9:31

Huni txakabũ Deus ea akairã, Deusũ nĩkaismaki. Hakia Deuski datekĩ hawẽ hãtxa ikũwãkĩ yukai Deusũ nĩkamiski, nũ unãnã.

1 Timóteo 2:8

Haska inũ, betsarã, hanishũra ikũwaĩbũ Deus kẽwãnũ ika itxa hunibu hau mexãtã Deusbe hãtxakubainũbũwẽ. Haskai Deusbe hãtxai haska bestiama haska Deusũ abuai benimawai besti hiwei hawa tsuki sinatama tsua ha akama hau pe besti meribi hiwekĩ hatu uĩmakubainũbũwẽ.