Hechos 9:11 - Kaxinawá Bíblia (BR)

¹¹ Shanẽ Ibu Jesusũ yuikĩ: —Benikaini kakĩ ha bai hawẽ kena Kayatapia anu kashũ Judasĩ hiwe anu hikitã hanua huni betsa Tarso anua kaĩni huxiã hawẽ kena Saulo yuka itãwẽ, Deusbe hãtxaikikirã.

Kashinawa : Diosun Jesúswen taexun yuba bena yiniki

¹¹ Xanen Ibu Jesúsun yuikin: —Benikaini kakin ja bai jawen kena Kayatapia anu kaxun Judasin jiwe anu jikitan janua juni betsa Tarso anua kaini jushian jawen kena Saulo yuka itanwen, Diosbe janchaikikidan.

Hechos 9:11 Referencias Cruzadas

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

João 4:10

Jesusũ yuikĩ: —Hawara Deusũ mia inãkatsi ikai inũ tsuãra mia ũpash yukai unãkĩ mĩ ea yuka ũpash netsuisma ẽ mia inãkeãshuki— aka

Hechos 11:13

hanushũ nawã nuku yuikĩ: “Ẽ hiwe anu ẽ hiwekẽ Deusũ nai tsuma betsa hushũ ea yuikĩ: ‘Ha mae Jope anu tsuara yunuwe, hau Simão Pedro mia ishũtanunã.

Hechos 11:25

Hatu haska watã tsube merabetima: “Hau Saulõ ea merabewayunũ”, ika Barnabé Tarso anu benai kaxiã

Hechos 2:21

Hanushũ tsuabũra: Ẽ Shanẽ Ibu Yavé Deus kuxipaki, ikĩ ea yuiaibu habu besti pashakĩ hatũ hiwea ikibi ika bishãkanikiki’, aka Joelĩ yusĩtã nuku keneshuniki— iwanã, Pedrõ ana hatu yuikĩ:

Hechos 21:39

Paulõ kemakĩ: —Ẽ hamaki. Earã, ẽ judeubĩ. Mai pakea betsa Cilícia anu mae kuxipa Tarso anua ẽ kaĩniki. Ea haska wama ha yurabu ẽ hãtxa wayuai ea heneyuwe— aka

Hechos 22:3

—Earã, ẽ judeuriki. Mai pakea betsa Cilícia anu mae ewapa Tarso anua ẽ kaĩbiani na Jerusalém anu ea iwenishũ na habianushũ ea yumewanibuki. Haska Deusũ hãtxa Moisés nukũ shenipabu yusĩni Gamalielĩ ea yusĩ pehairawakubainai tapĩnishũ ẽ Deus dayashũkatsis ikũkainaii, na habiatiã mã Deus dayashunai keskariairã.

Hechos 8:22

Eã haska ẽ mia unãiĩ. Haska yushĩ txakabũ muka mĩ bini mĩ heneriamakẽ mia merãshũ ha mĩ txakabũ mia neshayuaki. Hakia xinã betsa watã mĩ txakabu mĩ putaya hau Deusũ mia buashunũ mĩ yuka mĩ txakabu mia buashũtirumẽkaĩ— aka

Hechos 8:26

Ha haska wawãxinabutiã Deusũ nai tsuma betsã Filipe yunukĩ yuikĩ: —Benitã Jerusalém anua kai sulkiri ha bai tanabaini Gazakiri kawẽ katãwẽ— aka Filipe benitã kai hanu tsua hiweabuma anu bai tanabainaya bai namaki Etíopianawa aĩbu shanẽ ibuhairatũ tsuma huni hawẽ pei mekeshunikatũ Jerusalém anushũ Deus kẽwãtani hawẽ mae anu ana txĩtũkaini cavalo dabetã tarãbainaiki nawa ina tsaushũ Deusũ hãtxa Isaíasĩ keneni yuikubiranai betxitã uĩayã

Hechos 9:30

hakiri haska xinaĩbũ ikũwaĩbu betsabũ hune nĩkashũ Saulo merabewanũ, iwanã, iãnẽwã kesha Cesaréia anu iyuxĩshũ harishũ hawẽ mae Tarso anu niwe shashu ewapawẽ nitxĩkĩ yununibukiaki.

Deuteronômio 4:29

Harishũ atimas yushĩ dami danãkĩ matũ mekenika Senhor Deus hakimatã danãbianishũ ana benakĩ matũ yushĩ hirabiwẽ inũ matũ huĩti hirabiwẽ shinaĩ mã ana haki nukutiruki.