Hechos 8:31 - Kaxinawá Bíblia (BR)

³¹ Etíopianawã nĩkatã kemakĩ: —Haskatã tsuã ea hakiri yusĩ pewai ẽ nĩkatirumaki. Miã mĩ unaĩmẽkaĩ? Ebe inatã kakĩ ea tapĩmabaĩwẽ— aka —Peki— itã inatã habe tsaukainaya

Kashinawa : Diosun Jesúswen taexun yuba bena yiniki

³¹ Etiopianawan ninkatan kemakin: —Jaskatan tsuan ea jakidi yusin pewai en ninkatidumaki. ¿Mian min unainmenkain? Ebe inatan kakin ea tapinmabainwen— aka —Peki— itan inatan jabe tsaukainaya

Hechos 8:31 Referencias Cruzadas

2 Reis 5:26

hakia hãtxa kushipawẽ Eliseũ yuikĩ: —Mia inũ ika hawẽ cavalõ tarãbaĩti anua Naamã butuai ẽ yushĩ mibe nishũ dasibi ẽ uĩshuki. Pei heshe inũ haya besiti tari hawẽrua mĩ bishurã, pemaki. Yunu bai inũ, uva nishi beshea bai inũ, txashuwã inũ, ina awa inũ, huni dayarubu inũ, aĩbu dayarubu ha peiwẽ mĩ bikatsis ikai txakabuhairaki.

2 Reis 5:9

nĩkatã Eliseu anu Naamã yunua hawẽ tsumabu cavalo katsaumeabube hawẽ cavalõ tarãbaĩtiki mapua bui Naamã kai Eliseũ hiwe bebũ niti ika nikẽ

Salmos 73:22

Eã ẽ hawa unãmahairawẽ taea ẽ harakiri shinã pewatiruma ikimaki. Mĩ miã ea uianã, ẽ yuinaka keska ikimaki.

Isaías 35:8

Habianuri kapuketi bai betsa hawẽ kena kenakinã, “Bai Meribi Deusunaki”, ashãkanikiki. Tsuabũra hatũ txakabu pewai txukisbuma ha baiwẽ butirubumaki. Nĩkaisbumari hanu mapui hawẽ kapuketirubumariki.

Hechos 8:30

haska nĩkatã hawaira kaĩ haki nukuaya Deusũ hãtxa yuishunika Isaíasĩ keneni yuiai nĩkakĩ Filipẽ yukakĩ: —Ha kene mĩ yuikubiranairã, mĩ nĩkai?— aka

Hechos 8:32

habias kene yuishu Etíopianawã ana Filipe yuishũkĩ yuikĩ: ‘Txashuwã detenikatũ detenũ, iwanã, iyumis keska wakĩ tsuã nemama iniki. Ha inũ, txashuwã bake dani dameshteabu txashuwã hawã ikama pesmis keskai hawa yuiama iniki.

Romanos 10:14

Haskakẽkaĩ hau Deusũ hatu mekekubainũ habũ Cristo ikũwãriabumanã, haskatã Cristo ea atirubumaki. Ha inũ, tsuabũra Cristokiri yusĩabu hawa nĩkariabumã hawẽ kakape ikũwãtirubumariki. Ha inũ, hatu yusĩriabumanushũ Cristokiri hawa tapĩtirubumariki.

1 Coríntios 3:18

Betsa betsapabu mã unãnepakatsis ikaii. Hakia haska unãnepabũ ibubis xinãkĩ kanemis Deusũ abuismaki. Mã ibubis keĩ unãnepaiburã, matũ xinã danãtã ana kẽkĩ haska xinãma txĩtũtã haska Deusũ abuai keskai unãnepa kayabikubaĩkãwẽ.

1 Coríntios 8:2

Tsuãra haska tibi aki: “Ẽ unã keyuaii”, mã ibiairã, haskai unãnepati kayabi mã unã keyuriamaki.

Santiago 1:10

Mã ikũwaĩ mabuyabuũ, matũ mabu bestiwẽ hawẽ keĩ mã xinãyamanũbũ Deusũ matu ma yusĩmawẽ taea maturi benimarikãwẽ, matũ mabu mã hayabiarã, harã, ni mashu hawẽ huayabis debumis keska mã unaĩnã.

Santiago 1:21

Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.