Hechos 8:10 - Kaxinawá Bíblia (BR)

^10-11 bari itxapa hawẽ mukawẽ hatu parãkubainaiwẽ taeshũ hakiri yura dasibi shanẽ ibubu inũ hatube hiweabu dasibibũ txibãkĩ kẽwaĩ hakiri yuinamekĩ: —Simãonã, Deusũ kuxipa itxapa hayaki— ikĩ hawẽ hãtxa nĩkakĩ ashũpakemisbũ

Kashinawa : Diosun Jesúswen taexun yuba bena yiniki

^10-11 badi ichapa jawen mukawen jatu padankubainaiwen taexun jakidi yuda dasibi xanen ibubu inun jatube jiweabu dasibibun chibankin kenwain jakidi yuinamekin: —Simónan, Diosun kushipa ichapa jayaki— ikin jawen jancha ninkakin axunpakemisbun

Hechos 8:10 Referencias Cruzadas

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Jonas 3:5

ha maewã anu hiweabũ nĩkatã haska Deuskiri Jonasĩ hatu yuiai ikũwãkĩ: “Samakenãkãwẽ”, iki yubakatã shanẽ ibubu inũ, shanẽ ibu beshmasbu inũ, nuitapahairaibũ hawẽ nui bika teneai unãmati tari besha sawe keyuabũ

Hechos 14:11

yurã kaiãnẽ Paulõ haska wai uĩkĩ kẽwaĩ hatũ Licaônia hãtxa kuxipawẽ yuinamei: —Nai anua na yushĩ dabe hunikirã nuku anu damitã butuxinabuki. Pehairaki— ikĩ

Hechos 28:6

hanushũ dasibibũ xinãkĩ: “Meshashatã hawaira mawaimẽkaĩ”, ishũ manahairabiaibũ hawama kayakẽ haskaya xinã betsa watã habũ yuikĩ: —Ha hunirã, yushĩ kuxipamẽkaĩ, dunũ pibia isĩ teneama kayabĩ!— akaibũ

1 Coríntios 1:24

Haskakẽ na kakape Messias Cristokiri betsabũ danãbiaibũ nũ judeubu inũ nũ judeubuma Deusũ nuku katuniwẽ taeshũ Deusũ hawẽ kuxipa Cristo yunukĩ habia keskari wakĩ dasibi unãhairamani ha besti xinãkĩ nũ ikũwaiĩ.

2 Coríntios 11:19

Ha inũ, matu unãnepabia tatimabu hãtxai benimakĩ nemama mã hatu nĩkamiski.

Efésios 4:14

Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.

2 Pedro 2:2

Hatũ hiwea kemu pae hamapai txakabuwẽ ikaibu yura itxapabũ hatu txibaĩ Jesus Cristõ bai txanimabiakẽ hawẽ taea ikũwaĩbu yuaĩ hãtxa txakabukanikiki.

Apocalipse 13:3

hawẽ bushka betsa tenãnũ, iwanã, tsuãra txatxikĩ debuwani keska ma buni baka haya mai anu yura dasibibũ ha mese uĩ e iki dateyabi: “Habaa!” ikĩ uĩkĩ txibaĩbũ