Hechos 6:3 - Kaxinawá Bíblia (BR)

³ Haskakenã, ẽ betsabu inũ ẽ puibuũ, hau huni betsabũ piti matu pashkashũkĩ inãkĩ pewakubainũbũ sete huni xinãyã inũ unãnepabu Deusũ Yushĩ Pepatũ kuxipayabu hau habũ matu pashka pewashunũbũ benakĩ katushũ ha daya hatu yunukãwẽ.

Kashinawa : Diosun Jesúswen taexun yuba bena yiniki

³ Jaskakenan, en betsabu inun en puibuun, jau juni betsabun piti matu paxkaxunkin inankin pewakubainunbun 7 juni shinanyan inun unanepabu Diosun Yushin Pepatun kushipayabu jau jabun matu paxka pewaxununbun benakin katuxun ja daya jatu yunukanwen.

Hechos 6:3 Referencias Cruzadas

Isaías 28:6

Habũ unãti wanikabu tsaushũ hatu unãti waibu Deusũ hatu merabewakinã, hawẽ yunuti kushipa pepa hatu inãshanikiki. Hatuki sinatai beaibu hau nemanũbũ detenamenikabũ habũ mae mekeabu hatu kushipa washanikiki.

Mateus 23:8

Hakia maturã, habu ikai keska iyamashãkãwẽ. Yurabu kenamakinã, hakia matũ yusĩnanã bestitxaiki. Ha ikũwaĩ mã hawẽ betsabu inũ hawẽ puibu bestiki. Haskawẽ taeshũ: “Yusĩnaã”, akĩ hau matu kenayamashanũbũwẽ.

João 21:23

Haska bestibianikẽ ikũwaĩbu ekiri yuinamei: “Hawẽ tsuma João Jesusũ abuhairanirã, mawamas ishanikiki”, ikĩ ekiri kakakeakenibuki. Hakia: “Mawama ishanikiki”, akĩ Jesusũ ekiri yuiama hakia: “Shanẽ ibui ẽ ana huriamakẽ João hiwea mawamas ishanai keska ẽ xinaĩ hawẽ dabanã iyamawe”, akĩ Jesusũ Pedro yuibianikenã.

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

Hechos 1:21

—Haska Davĩ kenenikiri xinãnãkãwẽ. Nukubetã Jesus txibãmisbũ na hunibu nũ hatube pashkaisma Shanẽ Ibu Jesus nũ txibaĩtiã nukube ikubirãxinabu nũ hayaki.

Hechos 10:22

habũ Pedro yuikĩ: —Nukũ shanẽ ibu capitão hawẽ kena Cornéliõ nuku yunuxina mia anu nũ hushuki. Huni duapa pepatũ Deus kẽwãriamiski. Haskawẽ taeshũ judeubu dasibibũ abukĩ hakiri pe xinãmisbuki. Hanushũ hau mĩ hãtxa nĩkashanũ Deusũ nai tsuma betsã yunua nĩkaxĩshũ hawẽ hiwe anu mĩ kanũ mia kenaikiki— akabu

Hechos 15:23

hatu bumakatsi hatu keneshũkĩ: “Nũ Jesusũ kuxipayabu inũ mekenikabu nũ matubetã ikũwaĩbunã, nũ matu kene bumai uĩkĩ nĩkashãkãwẽ. Judeubuma mã Antioquia mae ewapanu hiweabu inũ, Síria inũ, Cilícia mai pakea anu hiweabũ nukubetã Jesus mã ikũwaĩbu nũ matu xinaiĩ.

Hechos 16:2

hanua ikũwaĩbu Listra inũ Icônio anushũ Timóteõ Jesus ikũwaĩ pe hiwekũkaĩmiskiri txaniaibũ

Hechos 2:4

haskakĩ dasibi hatu atximakĩ keyuaya haska hãtxatirubumabiakẽ nawa betsa betsapabũ hãtxa tibiwẽ Deusũ Yushĩ Pepatũ yuimakĩ hatu hãtxamakĩ taewaya

Hechos 22:12

Hanu ẽ hikixĩkẽ huni betsa hawẽ kena Ananiasĩ Moisés hãtxa pe txibãmis judeu betsabũ hanu hiweshũ kẽwãmisbu

Hechos 28:14

hanua Jesus ikũwaĩbuki nũ nukua nuku pimayuaibũ semana bestitxai hatuki nũ bayua hanushũ Romakiri maĩ soldadobũ nuku iyukĩ taewaibũ

Hechos 6:2

haskaibu hatu yuiabu nĩkatã ha 12 Jesusũ kuxipayabũ dasibi ikũwaĩbu hatu itxawashũ hatu yuikĩ: —Nukũ nũ matu piti pashkashũkĩ mekeshuna bestirã, nukunarã, pemaki. Ha dikabi matu haska besti wakĩ Deusũ hãtxa yusĩkĩ nũ henea pemariki.

Hechos 6:5

haska hatu yuiabu nĩkatã dasibitũ habias xinãwãtã hanushũ hatu katukĩ huni xinãyã inũ unãnepabu Deusũ Yushĩ Pepatũ kuxipayabu katukĩ hati anibukiaki. Estêvão inũ, Filipe inũ, Prócoro inũ, Nicanor inũ, Timão inũ, Pármenas inũ, nawa betsa Antioquia mae ewapanu hiweshũ judeubũ beya tapĩni Nicolau hati hatu katubaĩ

Hechos 6:6

Jesusũ kuxipayabu anu hatu iyuabu hanushũ hatu unãti wakĩ mamepishũ Deus hatu yukashũkĩ hatũ merabewanikabu hatu wanibukiaki.

Hechos 9:30

hakiri haska xinaĩbũ ikũwaĩbu betsabũ hune nĩkashũ Saulo merabewanũ, iwanã, iãnẽwã kesha Cesaréia anu iyuxĩshũ harishũ hawẽ mae Tarso anu niwe shashu ewapawẽ nitxĩkĩ yununibukiaki.

1 Coríntios 12:8

Yushĩ Pepawẽ yura bestibu tibi hawẽ kuxipa yunukĩ Deusũ xinãwẽ shabakabi hau hãtxanũbũ unãnepa kayabibu hatu wamiski. Habias Yushĩwẽ bestibu tibi shabakabi pe yusĩti xarawakĩ itxapa unãhairaibu yusĩnãbu hatu wariamiski.

1 Coríntios 16:3

hanua ẽ kai hikiaya pei mã itxawaxina Jerusalém anu mã bumakatsis ikĩ huni betsabu katutã ẽ kene hatu bumashanaiyabi ha merabewati pei mã itxawaxina hatu inaĩ butirubuki.

Efésios 5:18

Haska inũ, mã nushuti pae xarabu beya wanirã, hawẽ kemui xinã txãkaĩ pe mekeama mã txakabumisrã, ha henetã natiã Deusũ Yushĩ Pepa bestiwẽ kemukĩ nushukĩ akawakĩ mata wakĩ matũ huĩti benimai xinã txãkãkubaĩkãwẽ.

1 Timóteo 5:10

Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

3 João 1:12

Dasibibũ: “Haska kaka tashnimakãwẽ”, ika ẽ ikairã, Demétrio bestikiria hãtxa tashnia ẽ nĩkaii, hawẽ kaka txanimarã. Haska hakiri kaka kaĩayã nukũri hakiri hãtxakĩ habiaskari nũ xinaiĩ. Nuku nũ parananaĩ hãtxaisma mĩ unaiĩ.