Hechos 6:10 - Kaxinawá Bíblia (BR)

¹⁰ Deusũ Yushĩ Pepatũ Estêvão unãnepa wakubainaiwẽ taeshũ tsuã Estêvão maemakĩ hãtxawẽ binũtirubumakẽ

Kashinawa : Diosun Jesúswen taexun yuba bena yiniki

¹⁰ Diosun Yushin Pepatun Esteban unanepa wakubainaiwen taexun tsuan Esteban maemakin janchawen binuntidubumaken

Hechos 6:10 Referencias Cruzadas

Êxodo 4:12

Hari hãtxama katãwẽ. Mia putama ẽ mibe kakĩ mĩ kesha inũ mĩ hana pewakĩ mĩ hãtxai ẽ mia pe hãtxamakubaĩshanaii, hari mĩ yuiaikirirã— abia

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Ezequiel 3:27

Hakia hawara ẽ mia yuimakatsi ikaitiã ẽ mia ana hãtxa pesamakubaĩshanaii. Hanushũ hatu yuikĩ: ‘Eska Senhor Deusũ matu yuikiki’, iwanã, mĩ hatu ea yuishũkubaĩshanaii. Minabu hawa nĩkaisbumawẽ taeshũ tsuabũra nĩkakatsi ikĩ nĩkakubaĩshãkanikiki. Hakia tsuabũra nĩkakatsi ikabuma hau nĩkayamakubaĩshanũbũwẽ”, akĩ ea haska waniki.

Miquéias 3:8

Hamẽ ea Miquéiasrã, Senhor Deusũ hãtxa danãkĩ Israelĩ enabũ txakabuwakubaĩmisbu hatu berabĩwãkĩ hatu yuãkĩ ẽ hatu ha akubaĩshanũ ea kushipa inãkĩ datetima ea wakĩ Senhor Deusũ Yushinĩ hawẽ yunuti kushipa pepawẽ ea amakubainikiki. Ea haska wakĩ heneama ipakeikiki.

Lucas 1:17

Haska inũ, mĩ bake Joãonẽnã, Deusũ kuxipaya hawẽ Yushĩyã bebũ nishũ haska Eliasĩ Deusũ hãtxa yuishunikatũ ani keska wakĩ hatũ ibubu habũ bakebu ana danãnanaĩ sinatanameama inũ ha patapakĩ nĩkaisbuma hau habũri Deus txibanũbũ mĩ bake Joãonẽ yurabu hatũ Shanẽ Ibu huai manamakĩ hatu xinã betsa wamashanikiki— aka

João 7:46

mekenika betsã yuikĩ: —Haska ha huni hãtxai peaya huni betsari hãtxakĩ nematirumaki, txakabu hatu yuiamawẽ taeshunã— hatu wa

Hechos 5:39

Hakia Deusũ hatu yunua ikaiburã, mã hawa hatu nematirumaki. Txanima habũ Deusũ hãtxa kayabi yusĩaĩbu hatu nemakĩ mã binutirumaki. Deus nemanũ ika mã haskatirumaki. Haskakẽ xinãkĩ uĩrakãwẽ— hatu wa hawẽ yusĩa txibãkĩ pe nĩkatã:

Hechos 6:11

hawawẽ haska watima haki yubakatã habu betsã huni betsabu pakakĩ yuikĩ: —Nukũ shanẽ ibubu parãkĩ eska hatu yuitãkãwẽ: “Ha Jesuskiri yusĩmis Estêvãonẽ hãtxa txakabu yuikĩ Moisés inũ Deus dayuikĩ yuaĩkiki”, atãkãwẽ— hatu wa

Hechos 6:9

hanua itxati hiwe hawẽ kena “Escravo Tsumawanibu Ana Tsumauma” hanu betsabu itxamisbu inũ, huni betsari mae Cirene anuabu inũ, mae ewapa Alexandria anuabu inũ, Cilícia mai pakea anuabu inũ, mai pakea Ásia anuabu habu Estêvãobe ha iki yuinameaya

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

1 Coríntios 2:4

Hanua yusĩnã betsã hãtxa hawẽrua yuiaya ha nĩkatã hatũ hãtxa abukĩ itxapabũ hawaira txibãtirubuki. Hakia ea matu anu kashũ yusĩ hãtxairã, unãnepa hãtxamis keskawẽ ẽ matu yusĩama iniki. Hamẽ haskama Deusũ Yushĩ Pepa inũ Deusũ kuxipa bestiwẽ ea amakĩ matu merabewamaya haska yurabu unãnepakĩ yusĩmisbu keskamawẽ ẽ matu ikũwãmani mã unaiĩ.