Hechos 27:42 - Kaxinawá Bíblia (BR)

⁴² huni bitxiyamabu nunai hau pashai hunebaĩyamanũbũ yubakatã soldadobũ hatu detekatsis ikaibũ

Kashinawa : Diosun Jesúswen taexun yuba bena yiniki

⁴² juni bichiyamabu nunai jau paxai junebainyamanunbun yubakatan soldadobun jatu detekatsis ikaibun

Hechos 27:42 Referencias Cruzadas

Provérbios 12:10

Huni pepabũ hatũ inabuwẽ nuikĩ hatukiri shinãkĩ pe mekekubaĩmisbuki. Hakia huni txakabuburã, hamapai tibiwẽ hawa nuiama hakiri shinaĩsbumaki.

Hechos 12:19

hanushũ hawẽ soldadobu betsa Herodesĩ yunua benabaũkĩ Pedro betxiabumakẽ ha soldadobũ Pedro mekexinaibũ Herodesĩ hatu yuka hawa yuitirubumakẽ hatũ hãtxa abuamahaira ha habũ meke txakaxina soldadobu kupikĩ hau tenãnũbũ soldado betsaburi yunutã hanua Judéia henebaini kai Cesaréia anu Herodes hiwei kanikiaki.

Hechos 27:24

ea yuikĩ: “Pauloõ, dateyamawe. Romano shanẽ ibuhaira César mĩ uĩ kanũ Deusũ mia merabewakĩ ha dasibi shashũ mibe buaibu miwẽ taeshũ hatu tenãma ẽ hatu pasha washanaii”, akĩ ea yuishuki.

Hechos 27:41

hakia hene hanus kuxibiranai anu uke merã maxi tsakai hanu uĩyama teshke ika ana harakiri katima hene kuxipai buspu tsaubirãkĩ shashu txishu tsaka tsaka akĩ hashka hashka akĩ taewaya

2 Coríntios 11:26

Haska inũ, Jesusũ kakapekiri yusĩ nũ kakũkaunai haska tibi mese ẽ binukubaĩmis matu ana yuinũ nĩkakãwẽ. Ẽ hene pukei kaya hawaira bai mata bekĩ ea shashu narabea inũ maĩ pukei nua maeshbaĩ hasai ẽ mawakeãkũkainiki. Ha inũ, maĩ ẽ kaya yumetsubũri ea mesewatã ẽ hamapai ea bianibuki. Ha inũ, enabu inũ enabumã ea itxakawakĩ ea date date akubaĩyamabuki. Ha inũ, mae ewapa tibi anushũ inũ hanu hiweabumanushũ hunibũ ea itxakawanũbũ yuinaka pianãbũ ea pikeãyamaki. Ha inũ, iãnẽwanu niwe shashuwẽ ẽ kaya niwẽwã mese bekĩ ea datekubaĩyamaki. Ha inũ, nukubetã ikũwaĩbu habũ ikũwãtxakaibũ ea bikawakĩ ekiri txanitxakubaĩyamabuki.