Hechos 27:24 - Kaxinawá Bíblia (BR)

²⁴ ea yuikĩ: “Pauloõ, dateyamawe. Romano shanẽ ibuhaira César mĩ uĩ kanũ Deusũ mia merabewakĩ ha dasibi shashũ mibe buaibu miwẽ taeshũ hatu tenãma ẽ hatu pasha washanaii”, akĩ ea yuishuki.

Kashinawa : Diosun Jesúswen taexun yuba bena yiniki

²⁴ ea yuikin: —Pabloon, dateyamawe. Romano xanen ibujaida min uin kanun Diosun mia medabewakin ja dasibi xaxun mibe buaibu miwen taexun jatu tenanma en jatu paxa waxanaii— akin ea yuixuki.

Hechos 27:24 Referencias Cruzadas

Gênesis 12:2

Miwẽ taeshũ minabus pawakĩ nawa shukua betsa itxapa kushipa wakĩ ẽ tari hatu hiwemashanaii. Pepawakĩ duawakĩ ẽ mia merabewapakeshanaii, mĩ kena hatu unãma akeakekinã. Miãri mĩ hatu pepawariashanaii.

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Gênesis 19:29

Hanushũ ha maewã dabe inũ hawẽ napãpa menukĩ yamawariama Abraãokiri shinaĩ hawẽ nuikĩ Deusũ Ló hawẽ kupiti txakabuwẽ kupiama pashawashunikiaki, ha mae anuarã.

Gênesis 30:27

nĩkatã Labão kemakĩ nemakĩ: —Miwẽ taeshũ Senhor Deusũ ea duawai ẽ uĩmiski. Mĩ ea betxipaikĩ ea ana dayashũkĩ haska mĩ ea yukai keska ẽ mia pakakĩ ashũshanaii— aka

Gênesis 39:23

Senhor Deusũ José merabewakĩ hamapai José haska wakĩ pepawakubaĩwẽ taea bitxiti hiwe shanẽ ibu hawẽ dayawẽ ana hawẽ nuiama haki txiti ikũkainikiaki.

Gênesis 39:5

Hanushũ José haska yunuimawẽ taeshũ Senhor Deusũ Potifar duawakĩ dasibi hawẽ hiwe anua inũ hawẽ bai anua pepawakĩ merabewakubainaya

Gênesis 46:3

hanushũ Deusũ yuikĩ: —Earã, ẽ Deuski, mĩ epa Isaque mekenika Deusrã. Mĩ Egitokiri kairã, dateama katãwẽ. Harishũ minabu ẽ mia hatu pa washũshanaii, mirimahaira hatu wakinã.

1 Reis 17:13

Eliasĩ kemakĩ yuikĩ: —Dateama ẽ hãtxa nĩkawe. “Israelbũ Deusũ ma nuku pewashinaki. Mai anu Senhor Deusũ ui ana imariamakẽ mĩ shekiwã duru shumu merã inũ mĩ piti sheni shumu betsa merã mĩ hayarã, netsuama ikũkaĩshanikiki.” Haskawẽ taeshũ dateama ea bawashũtãwẽ. Ha dukũ mĩ haya misi hatiuma washũ ea beshũwẽ. Haska watã txipu mina inũ mĩ bakena misi betsa mĩ bawatiruki— aka

2 Reis 6:16

Eliseũ yuikĩ: —Nukũ merabenanikatunarã, hatuna binuaki, habutimarã. Hawa dateyamawe— iwanã,

Daniel 2:24

Deus kẽwãkĩ keyutã haska Babilônia anua unanepabu dasibi tenãkãwẽ, akĩ shanẽ ibuhairatũ Arioque yunushina anu ana uĩ kashũ Danielĩ Arioque yuikĩ: —Unanepabu nuku hatu tenãmayamawe. Haska namashina inũ haska ishanai shabakabi ẽ yuitiruki. Shanẽ ibuhaira bebũ ea iyuwe— aka

Miquéias 5:7

Yura shukuabu betsa betsapa mirima anu Jacó enabu hatube hiwebaunaburã, eskashãkanikiki. Ha haskaiburã, basnũ Senhor Deusũ yunumis inũ, basi anu ui ikai tsuã haskai hawẽ shinanẽ nematiruma keskai Jacó enabu keyukubaini eskarabes tesheshãkanikiki.

Mateus 10:18

Hakia ẽ kakape ikũwãkĩ mã ea txibaĩbuwẽ taeshũ tsuabũra matu atxishũ shanẽ ibu kuxipabu anu matu iyuabu ẽ yusĩakiri shanẽ ibu betsa betsapaki inũ judeubuma nawa betsabuki ekiri mã txaniriashanaii.

Mateus 10:28

Ha inũ, tsuabũra matũ yura besti tenãtirubuwẽ dateyamashãkãwẽ, tenãshũ matu ana itxakawapaketirubumakirã. Haki besti mesei mã datekubainũbũ matu yuinũ nĩkakãwẽ. Tsuãra matũ yushĩ tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Ikũkĩ ẽ matu yuiai ha bestiki datei mesekubaĩshãkãwẽ.

João 11:9

nuku yuikĩ: —Shaba tibirã, 12 hora hayaki. Bariri shabatiã tsuara kai uĩ pewabaini tsua huti itirumaki, na ẽ mai anu shaba txasha hayawẽ taearã.

Hechos 19:21

Hanushũ Paulõ xinãkĩ yuikĩ: —Macedônia inũ Acaia mai pakea anu kashũ ikũwaĩbu ana uĩkubaũtani Jerusalém anu ana ẽ kashanaii. Hari kashũ hatu uĩtani Roma anuaburi Deusũ ea yunuaiwẽ taea ẽ hatu uĩ kakatsis iriaii— itã

Hechos 23:11

ushaxini ana mexu betsatiã Paulo anu nukũ Shanẽ Ibu Jesus hushũ yuikĩ: —Pauloõ, dateama benimawe. Na Jerusalém anushũ ekiri ikũwãkĩ mĩ hatu yuixina keskari wakĩ Roma anushũ habiaskari ekiri hatu yuiritãshãwẽ— awani kakẽ

Hechos 25:11

Ẽ hawara txakabuwayamawẽ taeshũ hau ea tenãnũbũ ẽ hatu hawa nemama ikeanaii. Hakia mia paraĩbũ hau ea tenãnũbũ mĩ shanẽ ibũ hãtxa kanekĩ mĩ ea hatu yunutirumaki. Haskawẽ taeshũ maiwã kesua shanẽ ibuhaira Césarn hau ea unãti washanũ Roma anu ea yunushãwẽ— aka

Hechos 27:31

hakia haskaibukiri unãkĩ capitão Júlio inũ soldadobu Paulõ hatu yuikĩ: —Habũ shashu ibu dayashũmisbu habu besti pashaibunã, maturã, mã haskatã pashatirubumaki. Hatu nemakãwẽ— hatu wa

Hechos 27:37

ha shashuwẽ nukubu nũ buaiburã, 276 yura nũ iniki.

Hechos 27:42

huni bitxiyamabu nunai hau pashai hunebaĩyamanũbũ yubakatã soldadobũ hatu detekatsis ikaibũ

Hechos 27:44

nuna unãbumari ha katxu shashu nabe inũ shashu tuash ikaiwẽ hau bunũbũ dasibi nuku yunua haskai dasibi nũ nunubaini maxi metsatã nũ mapekebirãbirani keyuniki, pashai tsua hasamarã.

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Filemom 1:22

Ha inũ, Deusbe hãtxakĩ mã ea yukashunaiwẽ taeshũ Deusũ hawawama hau hatu ea nitxĩmashanũ ikũwãkĩ ẽ manaii, dateamarã. Haska inũ, matu uĩ ka hanu ẽ iki kashanai anu ẽ ushati ea pewashũshãwẽ.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.

Apocalipse 1:17

Haska uĩ hawẽ tae namã mawa keskai tsistikaĩ ẽ tĩ ika daka hawẽ mekẽ yusiuri ea mekĩ yuikĩ: “Dateyamawe. Earã, ea dukũ ẽ hiweni inũ ẽ hawẽ henea debesekeaki.