Hechos 27:1 - Kaxinawá Bíblia (BR)

¹ hanushũ Romano maiwã kesua Itália mae ewapa Roma anu shanẽ ibu dasibi binuatũ hau Paulo unãti wanũ hari nuku nitxĩkatsi xinãxĩshũ hau nuku iyunũ capitão Júlio soldado hawẽ shukua ewapa kena César Augustonarã, Paulo inũ habu bitximisbu betsabu hatu Festõ inãkĩ yunukĩ: —Roma anu iyukĩ hatu mekehairakubaĩtãkãwẽ— aka

Kashinawa : Diosun Jesúswen taexun yuba bena yiniki

¹ januxun romano maiwan kesua Italia maewan Roma anu xanen ibu dasibi binuatun jau Pablo unanti wanun jadi nuku nichinkatsi shinanshinxun jau nuku iyunun capitán Julio soldado jawen xukua ewapa kena César Augustonadan, Pablo inun jabu bichimisbu betsabu jatu Feston inankin yunukin: —Roma anu iyukin jatu mekejaidakubaintankanwen— aka

Hechos 27:1 Referencias Cruzadas

Gênesis 50:20

Hakia matunã, txakabu shinãkĩ mã ea itxakawaniki. Haskawẽ taeshũ Deusũ ha txakabu mae wakĩ matu pepawashuniki, natiã mã uiainã. Hati yurabu ewẽ taea mawama hiwekanimẽkainã.

Salmos 33:11

Hakia Deusũ hawẽ daya ewapa hawẽ hiwekaĩti hatu tashnimashunirã, hawa beshtekeama mestẽ ikibi ika ipashanikiki.

Provérbios 19:21

Huni yubakai ibubis hawẽ shinanẽ hãtxakĩ akatsis ibiai atirumaki. Hakia hawẽ shinã nemakĩ Senhor Deusũ haska shinaĩ hawena tashnimashũtiruki.

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Mateus 27:54

Hanua Romano capitão inũ habũ Jesus mekekĩ mai patxa sakui betsa betsai uĩ datehairakĩ yuikĩ: —Ikũ kayaki. Na hunirã, Deusũ bakeki— ikaibũ

Lucas 23:47

hanushũ Romano soldado capitão Jesus haskai uĩtã Deus kẽwãkĩ yuikĩ: —Ikũki. Na huni txakabumaki— akaya

Lucas 7:2

hanua habianuri Romano soldado shanẽ ibu capitãonẽ dayaru isĩ tenei mawakatsis ikai abuhairakĩ

Hechos 10:1

Cesaréia mae ewapanushũ Romano capitão hawẽ kena Cornélio inikiri mia yuinũ nĩkawe. Hawẽ 100 soldadobu shukuaya hatu kenamisburã, Italiana wamisbu

Hechos 10:22

habũ Pedro yuikĩ: —Nukũ shanẽ ibu capitão hawẽ kena Cornéliõ nuku yunuxina mia anu nũ hushuki. Huni duapa pepatũ Deus kẽwãriamiski. Haskawẽ taeshũ judeubu dasibibũ abukĩ hakiri pe xinãmisbuki. Hanushũ hau mĩ hãtxa nĩkashanũ Deusũ nai tsuma betsã yunua nĩkaxĩshũ hawẽ hiwe anu mĩ kanũ mia kenaikiki— akabu

Hechos 16:10

nĩkatã bestẽshũ ha namapã uĩshu nuku yuiaya Macedônia anushũ Jesuskiri kakape nũ hatu yusĩ kanũ Deusũ nuku yunuai unãtã nukũ mabu pewaxĩtã

Hechos 18:2

judeu betsa Ponto anua kaĩni hawẽ kena Áqüila inũ hawẽ aĩ Priscila dama duakabi Itália mae ewapa Roma anua hau judeubu kaĩbainũbũ Romano shanẽ ibuhaira Cláudiõ hatu kaĩma beimabu hanu Paulo hatuki bai ka hari ka hatuki nukunikiaki.

Hechos 19:21

Hanushũ Paulõ xinãkĩ yuikĩ: —Macedônia inũ Acaia mai pakea anu kashũ ikũwaĩbu ana uĩkubaũtani Jerusalém anu ana ẽ kashanaii. Hari kashũ hatu uĩtani Roma anuaburi Deusũ ea yunuaiwẽ taea ẽ hatu uĩ kakatsis iriaii— itã

Hechos 21:32

hawaira hawẽ soldadobu inũ soldado shanẽ ibu beshmasbu hatu itxawatã hatube kuxikaĩ ha yurã kaiã itxa itimaskaibu anu maputuxitã hatu uĩabũ Paulo kuxa kuxa akaibu hatu mepãmatuxitã

Hechos 22:26

haska wa capitãonẽ nĩkabaĩ hawẽ shanẽ ibu comandante anu ka haki txanikĩ yuikĩ: —Ha hunirã, Romano documentoyakiaki. Txanimamẽkaĩ, yukatãwẽ— aka

Hechos 23:11

ushaxini ana mexu betsatiã Paulo anu nukũ Shanẽ Ibu Jesus hushũ yuikĩ: —Pauloõ, dateama benimawe. Na Jerusalém anushũ ekiri ikũwãkĩ mĩ hatu yuixina keskari wakĩ Roma anushũ habiaskari ekiri hatu yuiritãshãwẽ— awani kakẽ

Hechos 23:17

Romano soldado shanẽ ibu beshmas capitão betsa kenashũ Paulõ yuikĩ: —Mĩ shanẽ ibu comandante hau hawara nĩkashukiri banabimanũ na berunã iyutãwẽ— aka

Hechos 24:23

hanua hawẽ haibuaibũ Paulo duawakĩ hau pimayushanũbũ hawa hatu nemama hau Paulo hawa wama mekeyunũbũ Romano capitão hatu yunuxĩshũ

Hechos 25:12

hanushũ unãnepa merabenãbube Festo hãtxatã Paulo yuikĩ: —Peki. Césarn hau mia unãti washanũ mĩ ea yukashuki. Hari ẽ mia yunushanaii— axiã hiweyukẽ

Hechos 25:25

Hakia haska hakiri yuibiaibũ eã ẽ nĩkaxinarã, haskawẽ dabanã ẽ tenãtiruma xinãtã ẽ haskara wayupanã hamebi ea yukakĩ: “Hau matũ shanẽ ibu kaya Césarn Roma anushũ hau ea unãti washanũ ea hari yunuwe”, ea waxina hari yunukatsi ẽ xinãxina ẽ yunushanaii.

Hechos 27:11

hanushũ hatũ shashu bumis inũ shashu ibu niti ikatsi ikama capitão Júliõ habu besti nĩkaniki, Paulõ hãtxa nĩkamarã.

Hechos 27:43

hakia Paulo hatu mekemakatsis ikĩ soldado capitão Júliõ hatu nematã nunanikabu habu dukũ hau pukubaĩ maxĩ mapekenũbũ hatu yunua

Hechos 27:6

hanua maei niwe shashu ewapa Itáliakiri kai Romano soldadobu capitão Júliõ benabaũkĩ betsa Alexandria anua kai betxitã ana hawẽ kakatsi haki inatã nũ kai

Hechos 28:1

Hanu dasibi hasama maxĩ nũ mapekei keyukẽ natukã hawẽ kena: “Maltaki”, ikĩ nuku yuiabu nũ nĩkaya

Hechos 28:16

ana kai mae ewapa Roma anu nũ hikia huni bitxinibu betsabu Romano shanẽ ibubũ hau hatu ana bitxinũbũ hatũ soldadobu yunutã hakia Paulo haska wama hau tari meribi hiwe betsa anu soldado bestitxai habe meneshekerabetã hau mekekubaĩshanũ yunuabu

Hebreus 13:24

Ha inũ, matu yusĩkĩ matu mekekubaĩmisbu inũ Deusunabu matubetã ikũwãmisbu dasibiri ẽ hãtxa ẽ matu bumaii. Ha inũ, Italia mai pakea anushũ ikũwãmisbũ hatũ hãtxa matu bumariakanikiki.