Hechos 23:12 - Kaxinawá Bíblia (BR)

^12-13 hanua penaya judeubu itxapahaira 40 binua itxa Paulo tenãkatsi yubakai yuinamei: —Paulo tenãnũ ika tenãriama ana nũ hawa piama inũ nũ hawa nushuama ishanaii. Hakia ariama hawara nũ pikẽ Deusũ hau nuku kupishanũwẽ— iki haskakiri xinaĩ hãtxabaini

Kashinawa : Diosun Jesúswen taexun yuba bena yiniki

^12-13 janua penaya judiobu ichapajaida 40 binua icha Pablo tenankatsi yubakai yuinamei: —Pablo tenanun ika tenandiama ana nun jawa piama inun nun jawa nuxuama ixanaii. Jakia adiama jawada nun piken Diosun jau nuku kupixanunwen— iki jaskakidi shinain janchabaini

Hechos 23:12 Referencias Cruzadas

Gênesis 37:18

José hatuki kemariama José txai huai hawẽ betsabũ betxitã: —Haska watã nũ tenaĩ?— ika yubakatã

1 Reis 19:2

taeshũ Jezabelĩ nĩkatã hawẽ hãtxa bunika yunukĩ yuikĩ: “Eska Elias ea yuishũtãwẽ: ‘Miarã, mĩ huni Eliaski. Earã, ẽ aĩbu Jezabelki. Haska enabu Baalĩ hãtxa yuishunikabu dasibi mĩ tesẽ keyushu keska wakĩ meshukiri na habia baritiãri ẽ mia habiaskari wariama yushibubũ hau ea kupitxakayashanũbũwẽ!’ iwanã, ‘mia yuishuki’, akĩ ea yuishũtãwẽ”, aka kashũ hawẽ hãtxa Elias yuia,

Ester 2:22

tapĩtã haska wakĩ detekatsis ikaibukiri Mardoqueũ Ester yuia hawẽ bene Assuero anu kashũ habũ detenũ ika yubakaibu Mardoqueũ nĩkashu Esterĩ banabima

Mateus 26:4

haska washũ Jesus beparãtã tenãtima yubakaibu

Mateus 26:74

hanushũ Pedrõ hatu ana parãkĩ yuikĩ: —Ha huni mã yuiairã, ẽ ha unãmahairaki. Ẽ txani txakayarã, hau Deusũ ea kupinũwẽ— hatu waya hakimamari takara keuai

Mateus 27:25

ha yura dasibibũ yuikĩ: —Peki. Nuku inũ nukũ bakebũ nũ yunuaiwẽ besti hau mawanũwẽ— akabu

Hechos 23:14

bushũ Deusbe hawenabu hãtxashunika shanẽ ibubu inũ shanẽ ibu beshmasbu anu bushũ betsã hatu yuikĩ: —Nukubunã, Paulo tenãnũ ika nũ hakiri yubakashuki. Ariama ana nũ hawa pitiruma inũ nũ hawa nushutiruma nũ yubakashuki. Hakia tenãriama hawara nũ pikẽ Deusũ hau nuku kupishanũwẽ, iki 40 hunibu binua haskakiri xinaĩ nũ hãtxakãshuki.

Hechos 23:21

Hakia 40 hunibu binuatũ Paulo tenãkatsi yubakakãshũ huneshũ manakanikiaki. Tenãriama ana hawa piama inũ hawa nushuama iyukanikiaki. Tenãriama hawara piaibũ Deusũ hatu kupishanikiaki. Haskakãshu miã besti: “Peki”, mĩ hatu wanũ mia yukai bekanikiaki. Hatũ hãtxa ikũwãyamashãwẽ— aka

Hechos 23:30

Hakia tenãnũ ika haki yubakaibu nĩkatã ha huni hawaira mia anu ẽ yunua iyukanikiki. Miã mekeyuwe. Habu haki sinataibu judeubu bushũ hau harishũ txitenũbũ mia anu ẽ hatu yunuriashanaii, hau habũ txiteai miãri mĩ nĩkashanunã. Ẽ shanẽ ibu pepahaira Félixsĩ, hatiski, ẽ hãtxarã”, ashũ hatu bumaya

Hechos 25:3

—Haskai mĩ ma nenuki. Nuku pewashũkĩ Paulo miãri mĩ nuku unãti washũkatsi nenu Jerusalém anu hau itanũbũ mĩ hatu yunutirumẽ?— akabu, haskarã, eska Paulokiri yubakabaĩ bai tanabiranai nũ tenãnũbũ ika inibukiaki.

Hechos 9:23

usha itxapa hatu yusĩkubainaya judeu shanẽ ibubu Sauloki sinatakĩ detekatsis iki hakiri hãtxai yubakaxinabũ

Hechos 9:24

Saulõ nĩkatã unãyã hanu kaĩkainai atxinũ ika yubakaxinabu bariri inũ mexu merã ha mae ewapa mixki kenebaunibu hikiti shui anu manakakĩ kesheabũ

1 Coríntios 16:22

Tsuabũra nukũ Shanẽ Ibu abuamarã, hau Deusũ yupunũwẽ. Nukũ Shanẽ Ibu nũ manai hawaira hau ana menã hurinũwẽ.

2 Coríntios 11:26

Haska inũ, Jesusũ kakapekiri yusĩ nũ kakũkaunai haska tibi mese ẽ binukubaĩmis matu ana yuinũ nĩkakãwẽ. Ẽ hene pukei kaya hawaira bai mata bekĩ ea shashu narabea inũ maĩ pukei nua maeshbaĩ hasai ẽ mawakeãkũkainiki. Ha inũ, maĩ ẽ kaya yumetsubũri ea mesewatã ẽ hamapai ea bianibuki. Ha inũ, enabu inũ enabumã ea itxakawakĩ ea date date akubaĩyamabuki. Ha inũ, mae ewapa tibi anushũ inũ hanu hiweabumanushũ hunibũ ea itxakawanũbũ yuinaka pianãbũ ea pikeãyamaki. Ha inũ, iãnẽwanu niwe shashuwẽ ẽ kaya niwẽwã mese bekĩ ea datekubaĩyamaki. Ha inũ, nukubetã ikũwaĩbu habũ ikũwãtxakaibũ ea bikawakĩ ekiri txanitxakubaĩyamabuki.

Gálatas 3:13

Deusũ hawẽ yunuti inũ hawẽ nemati yunukinã, hawẽ yupukunãkatsi aniki. Hatũ nukũ txakabuwẽ nuku yupubiaya Cristõ nuku meshpamanũ ika nukũ txakabu kupiti bi nuku mawashuniki. Haskai kaikiri bebũkiri Moisés yuikĩ: “Tsuara hatũ txakabuwẽ taeshũ tenãkĩ hiki netãbu mawaya Deus hawẽ nuiama yupumiski”, iniki.

Josué 6:26

Jericó hatu kuamakĩ keyutã yupu hãtxawẽ Josué hatu yuikĩ: “Uĩrakãwẽ. Na maewã Jericó haratura shanẽ ibũ ana mae bena wakĩ beniai Senhor Deusũ yupushanikiki. Mishki kenebaũkĩ taewaya kupikĩ hawẽ huni bake iyua tenãshanikiki. Hanu hikiti shui bebuti waya hawẽ huni bake hawẽ henea tenãriashanikiki”, akĩ nemakĩ hatu unãmanikiaki.

Josué 7:1

Judá enabu betsa hawẽ epa Carmi inũ, hawẽ hutxi Zabdi inũ, hawẽ hutxĩ epa Zerárã, ha huni Acã hatũ hatu txakabuwakĩ mabu kuatibiakẽ hawẽ kemukĩ Josué yunutiki meseama mabu betsa hawẽrua hawena wanũ ishũ bishũ hune aruawẽ taeshũ dasibibũ akãshu keska shinaĩ Israelĩ enabuki Senhor Deus sinataya

Josué 7:15

Tsuãra atimapa wakĩ txakabuwakĩ mabu meribi bishiã katukĩ haratura ẽ mia unãmashanaii. Ẽ matube yubakabiashina ẽ hãtxa danãkĩ hawẽ dakewati washiãwẽ taeshũ ha huni tenãtã hawenabuya inũ hawẽ mabube kuashãkãwẽ— aka

1 Samuel 14:24

Saulũ Israelĩ enabu hatu yubakĩ nemakĩ yuikĩ: “Bari kariama eki sinataibu nũ hatu dete keyuriama Filisteu nawabu txibãbaĩkĩ detekubaĩkĩ tsuã taska piyamayushãkãwẽ. Tsuãra ea nĩkama bunikĩ mã piarã, txakabuhairashanikiki”, haska hatu wabiranawẽ taea ha shabatiã Israelĩ enabũ hawa piti betsa metsabumahairakẽ ma hĩ iki punu nukai babubiashũ