Hechos 23:10 - Kaxinawá Bíblia (BR)

¹⁰ pubẽhairai kemanamei hãtxa berukuaibuwẽ taeshũ Paulo yauxikĩ niniakeakekĩ pashka pashka akana ika datekĩ Romano soldado comandantẽ hau i benũbũ hawẽ soldadobu yunua itxabu anua Paulo iyushũ hawẽ meketi hiwe kuxipa anu soldadobũ ana bitxiabũ

Kashinawa : Diosun Jesúswen taexun yuba bena yiniki

¹⁰ pubenjaidai kemanamei jancha bedukuaibuwen taexun Pablo yaushikin ninia akeakekin paxka paxka akana ika datekin romano soldado comandanten jau i benunbun jawen soldadobu yunua ichabu anua Pablo iyuxun jawen meketi jiwe kushipa anu soldadobun ana bichiabun

Hechos 23:10 Referencias Cruzadas

Miquéias 3:3

Enabu hatu itxakawakĩ mã hatu pasha pia keska wamiski. Betsabu hatu atxishũ hawẽ bitxi dashpetã hatũ shau tseka tseka ashũ kẽtiki bawanũ, iwanã, hawẽ nami meshte meshte akĩ enabu hiweabu hatu piai keska wakĩ mã hatu itxakawakubaĩmisbuki.

Hechos 21:37

hanushũ soldadobu hanu mekei hiwemisbu mixki hiwe anu Paulo bitxi buaibũ Gregõ hãtxawẽ Paulõ Romano shanẽ ibu yukakĩ: —Eska ẽ mibe hãtxatirumẽ?— aka shanẽ ibũ kemakĩ yuikĩ: —Aa, mĩ Gregõ hãtxayaraka?

Hechos 22:24

haskarawẽ taea dasibibu haki sinataibu unãkatsis ikĩ Romano shanẽ ibu comandantẽ soldadobu yunukĩ: —Nukũ meketi hiwe uke merã mistuyukãwẽ. Harishũ haskai haki sinatai biski ikanimẽkaĩ hau nuku yuinũ bitxi kuxatiwẽ kuxa kuxa akĩ txanimakãwẽ— hatu wa

Hechos 23:16

Paulõ puĩ huni bakẽ haskaibu nĩkabaini hawaira kaĩ soldadobũ meketi hiwe anu kashũ haska yubakakãshu Paulo yuia

Hechos 23:27

Ha huni hawẽ kena Paulo haki sinatakĩ judeubũ atxipakebaũ tenãpanãbũ Romano documento hayakẽ tapĩtã hatu nemanũ ika ẽ soldadobube kashũ ẽ hatu mepãmaxinaki.

Hechos 23:28

Hanua haskai haki sinatakĩ ha akanimẽkaĩ tapĩnũ ishũ dasibi judeu shanẽ ibubu Sinédrio itxabu anu iyushũ

Hechos 23:32

haria hatuki pena soldadobu mexukiri maĩ bexiãbu ana Jerusalém anu txĩtũbiranaibũ hatiri soldadobu cavalowẽ buxiãbũ Paulo habũ iyukubaini

Hechos 24:7

soldado comandante Lísias hawẽ soldadobube kashũ hawẽ kuxipawẽ taeshũ nuku mebĩxĩshũ

2 Coríntios 11:26

Haska inũ, Jesusũ kakapekiri yusĩ nũ kakũkaunai haska tibi mese ẽ binukubaĩmis matu ana yuinũ nĩkakãwẽ. Ẽ hene pukei kaya hawaira bai mata bekĩ ea shashu narabea inũ maĩ pukei nua maeshbaĩ hasai ẽ mawakeãkũkainiki. Ha inũ, maĩ ẽ kaya yumetsubũri ea mesewatã ẽ hamapai ea bianibuki. Ha inũ, enabu inũ enabumã ea itxakawakĩ ea date date akubaĩyamabuki. Ha inũ, mae ewapa tibi anushũ inũ hanu hiweabumanushũ hunibũ ea itxakawanũbũ yuinaka pianãbũ ea pikeãyamaki. Ha inũ, iãnẽwanu niwe shashuwẽ ẽ kaya niwẽwã mese bekĩ ea datekubaĩyamaki. Ha inũ, nukubetã ikũwaĩbu habũ ikũwãtxakaibũ ea bikawakĩ ekiri txanitxakubaĩyamabuki.

Santiago 1:19

Ẽ betsabu inũ ẽ puibuũ, ẽ matuwẽ nuiaikirirã, eskaki, xinaĩrakãwẽ. Hawara Deusũ matu dasibi yusĩkatsis ikai menã hawaira nĩka peirawakubaĩkãwẽ. Hakia hawara yuii mã hãtxakatsis ikai unãshubira hatu yuikãwẽ, hawa hatuki sinatamarã.

Santiago 3:14

Hakia matubu betsa unãnepakatsis ibiai yura betsabu tibi hawara haya mĩ mia haskatiruma xinaĩ matũ huĩtinĩ pubẽkĩ hatu pashkanũ ika shanẽ ibunũ ikĩ haska Deusũ abumis txanima mã hayamabia haska bestiwẽ mã kẽkubaĩkanaii.