Hechos 22:1 - Kaxinawá Bíblia (BR)

¹ —Ẽ betsabu inũ ẽ epabuũ, haska ẽ txakabuma ekiri matu yuinũ ea nĩkakãwẽ— hatu wa

Kashinawa : Diosun Jesúswen taexun yuba bena yiniki

¹ —En betsabu inun en epabuun, jaska en chakabuma ekidi matu yuinun ea ninkakanwen— jatu wa

Hechos 22:1 Referencias Cruzadas

Lucas 12:11

Haska inũ, matuki sinatakĩ hau matu kupinũbũ hatũ itxati hiwe anu kasmai shanẽ ibu betsa anu kasmai matu iyushũ hatũ shanẽ ibubu anu matu nitxiãbu: “Harakiri yuishãpa?” iki dateyamashãkãwẽ.

Lucas 21:14

Mã haskaibu eã matu merabewakĩ hãtxa pe yuiti xara ẽ matu inã hawẽ unãnepakĩ ha matuki sinataibũ nĩkakĩ hawa ekiri txakabu yuiama inũ matu nematirubuma ishãkanikiki. Haskakẽ hawa dateama “Harakiri yuishãpa?” ikĩ bebũkiri xinãyamashãkãwẽ.

Hechos 13:26

Abraãonẽ bababũ enabu inũ dasibi nawabu mã Deusũ kuxipaki datemisbuũ, nukũ txakabuwẽ taeshũ hau Deusũ nuku kupiyamashanũ hawẽ bakekiri kakape nukunaki. Matu yuinũ nĩkakãwẽ.

Hechos 19:33

hakia haratutũra itxabu hau judeubukiri hawa txakabu hayama hau hatu unãmakĩ daewanũ judeu shanẽ ibu betsa Alexandre itxabu anua yunukĩ shutubaĩ hatu bebũ nitxiãbu hau pesnũbũ hawẽ mekẽ hatu sanãshuna

Hechos 23:1

Sinédrio itxabu dasibi shabakabi beiskĩ Paulõ hatu yuikĩ: —Ẽ betsabuũ, matu yuinũ nĩkakãwẽ. Ẽ hawa Deuski txakabu nima natiã Deuski dateama unãnuma ẽ hiweaki, Deusũ ea unãyanã— hatu waya

Hechos 23:6

shanẽ ibubu itxabu Sinédrio anu hatiri saduceubu inũ hatiri fariseubu Paulõ unãkĩ hui kuxipawẽ hatu yuikĩ: —Ẽ betsabuũ, earã, ẽ fariseuki. Ẽ epa inũ ẽ shenipabu fariseubu irianibuki. Mawa ana hiweshanaibu ikũwãkĩ ẽ manaya ea unãti wakĩ mã daka ea danaĩ ikai— hatu wa

Hechos 24:10

hanushũ Paulõri hau hatu hãtxa wanũ shanẽ ibu Félixsĩ yunukĩ teweshuna hanushũ Paulõ shanẽ ibu Félix yuikĩ: —Bari itxapa shanẽ ibukĩ enabu mĩ pe hatu mekekubaĩmis unaĩ benimakĩ haska ẽ hawa txakabuwaisma hamẽ ea txiteaibu hatũ hãtxa nemakĩ ẽ mia tapĩmai nĩkawe.

Hechos 25:16

hakia eã hatu kemakĩ: “Nũ Romanobunã, nukũ yunua kuxipawenã, e iskaũ detenũbũ nũ haska beyamaki. Hakia hau detenũbũ yunukinã, ha haki kayai haratura txakabu ha dabe unãti warabetã nũ hatu nematiruki, ha ikaiburã”, akĩ ẽ hatu waxina

Hechos 25:8

hanushũ hãtseri Paulõ hawa txakabuwama ikimakiri unãmakĩ Festo yuikĩ: —Ẽ hawa txakabu hayamakiri ena mia yuinũ nĩkawe. Deusũ nukũ shenipabu yusĩni txibãkĩ ẽ kaneama inũ, Jerusalém anushũ Templo ẽ hawa txakabuwama inũ, Romano shanẽ ibuhaira Césarki ẽ hawa hakiri txakabu yuismariki— ikaya

Hechos 26:24

Paulõ haska hawẽ hiweakiri yuiai nĩkai Romano shanẽ ibu Festo e itã unãshubima yuikĩ: —Pauloõ, mĩ patapaki. Kene itxapa unaĩ mĩ unaĩsmapakũkainaii— aka

Hechos 28:17

hikixina usha dabe inũ besti binukainaya Roma anu judeu shanẽ ibubu hiweabu hau habe itxai benũbũ Paulõ hatu kena bea ma itxabu hatu yuikĩ: —Enabuũ, ekiri matu yuinũ nĩkakãwẽ. Nukunabuki inũ nukũ shenipabũ beya ẽ hawa wama kayabiakẽ Jerusalém anushũ ea atxishũ Romanobũ hau ea bitxinũbũ ea hatu mexui akimabu

Hechos 7:2

nĩkaibũ Estêvãonẽ hatũ yukai kemakĩ: —Ẽ shanẽ ibubu inũ enabuũ, matu yuinũ nĩkakãwẽ. Mesopotâmia mai pakea anu nukũ shenipabu Abraão Harã mae ewapanu kariama bebũkiri nukũ Epa Deus kuxipa pepatũ yubakĩ unãmakĩ hanu hiweshanai anu

1 Coríntios 9:3

“Haskakĩ Paulõ nukũ merabe bismamẽ?” iki ekiri hãtxaibu eska ẽ hatuki txanimis matu yuinũ nĩkakãwẽ.

2 Coríntios 12:19

Na eska ẽ matu yuiairã, hawara nũ matubetã kaneima ẽ ibubis nemakanaĩ ikimẽkaĩ? Haska ekiri mã xinã txakatirubumaki, ẽ matu haska waismabiakenã. Hakia nuku hãtxairã, Deusũ nuku unãti wakubainaya Cristoki dasitã nũ hawenabũ matu merabewakatsis ikĩ matuwẽ nuikĩ hawara inũ haskara Deusũ nuku amakatsis ikai shabakabi matu ashũkĩ dasibi nũ matu uĩmamiski. Haskakẽ ẽ betsabu inũ ẽ puibuũ, hawara nũ matu yuiai txibãkĩ matũ hiwea pewatã Cristoki txiti itã kuxipai ewarikubaĩkãwẽ.

2 Coríntios 7:11

Hakia maturã, matũ txakabu haska Deusũ matu unãmaiwẽ matũ huĩti nixmabiatã pepanũ, iwanã, ẽ yusĩa txibaĩ ẽ haska abuai ea uĩmai eki mesekĩ ha hunĩ txakabukĩ matu txakabuwaima haska waima ẽ matu xinãma matu datei haki sinatatã pewai hawa kuxi dakewakĩ mã nemaimaki. Haska ẽ matu waima ha huni pewai mã hawa hawẽ txakabu ana habe hayama nũ unaiĩ.

Filipenses 1:17

Hakia hatiritũ akinã, anikabia kẽkĩ mestẽwãtã akama pepabiakĩ ea binunũ ishũ habũ haska wakĩ ea ana bika tenemakubaĩkanikiki.

Filipenses 1:7

Txanima eã ẽ matukiri pe xinaĩnã, matuwẽ nuikĩ ẽ matu abuhairaii. Maturi dasibi mã ewẽ nuiaya Deusũ matuwẽ ea duawaikiki. Natiã ea bitximabu keska nia shanẽ ibubu bebũ hawa hatũ yunutikiri ẽ hãtxaisma eska besti yui ẽ txakabuisma pekiri hãtxai Deusũ kakape Jesus Cristokiri hatu unãmakĩ hakiri shabakabi ẽ txanikũkainaya mã ea merabewai ebetã teneai keskakubaĩkanaii.

2 Timóteo 4:16

Hamẽ betsarã, ha dukũ Roma shanẽ ibubu nĩkamakĩ judeubũ ea kũyã akaibũ ẽ txakabuma ẽ hatu yuiaya tsuã kerabewai ea hãtxashunama dakekĩ dasibi ẽ haibuaibũ ea henebainimabuki. Ea haska wabiabainimabũ hatũ txakabuwẽ taeshũ hau Deusũ hatu kupiyamashanũwẽ.

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,