Hechos 21:27 - Kaxinawá Bíblia (BR)

²⁷ ma sete shaba keyui kaya Templo hemaĩtĩ anu Paulo nikaunai Ásia mai pakea anua judeubu bexĩshũ betxitã yurabu hatu itimaska wanũ ishũ pubẽkaĩ Paulo atxitã

Kashinawa : Diosun Jesúswen taexun yuba bena yiniki

²⁷ ma 7 xaba keyui kaya Templo jemaintin anu Pablo nikaunai Asia mai pakea anua judiobu beshinxun bechitan yudabu jatu itimaska wanun ixun pubenkain Pablo achitan

Hechos 21:27 Referencias Cruzadas

1 Reis 21:25

Acabe haskanikiri matu yuinũ ea nĩkakãwẽ. Acabe shanẽ ibukĩ shanẽ ibu tibi haska iriabuma hawẽ aĩ Jezabelĩ shinã txibãkĩ Senhor Deus sinatamakĩ txakabuwakubainikiaki.

Lucas 21:12

Hakia na dasibi eskashanai iriamakẽ mã ea txibãkubainaibuwẽ taeshũ matu itxakawakĩ matu atxitã itxati hiwe anu matu yunuabu hanushũ bitxiti hiwe anu matu bitxitã shanẽ ibu betsa betsapa anu matu iyuabu habũ betsabu matu ekiri yuimashãkanikiki, mã ea txibaĩbuwẽ taeshunã.

Hechos 13:50

Paulo inũ Barnabẽ hãtxa judeu shanẽ ibubũ danãkĩ hau hatu nitxĩnũbũ, iwanã, aĩbuaibu pepa inũ huni shanẽ ibubu hatunabubetã txani txakakĩ hatu sinatamatã hanushũ Paulo inũ Barnabé hatũ mai pakea anua hatu putamaibũ

Hechos 14:19

ha hatu haska waibũ judeubu Antioquia anua inũ Icônio anuabu beshũ Paulo inũ Barnabékiri txani txakakĩ yurabu parãkĩ hatu xinã betsa wamatã hatu itimaska wamabaũkĩ Paulo besti betxishũ mãkãwẽ tsaka tsaka akabu Paulo di ikaya: “Ma mawaki”, ishũ txaka urẽmisbu anu sharabaĩ urẽtanabu dakakẽ

Hechos 14:2

hanushũ ha judeu betsabũ hatũ hãtxa danãkĩ nawabuki txani txakakĩ Jesus ikũwaĩbuki xinã txakakĩ hatukiri txakabu yuibaunaibũ

Hechos 14:5

hanua nawabu inũ judeubu mae shanẽ ibubube hatube yubakatã nuitapawakĩ itxakawakĩ mãkãwẽ hatu tsakanũ ikaibu

Hechos 16:6

mai pakea betsa Ásia anu Paulo inũ, Silas inũ, Timóteo Jesuskiri hatu yusĩ hari bunũ ikaibũ Deusũ Yushĩ Pepatũ hatu nemaya mai pakea dabe Frígia inũ Galácia anuabu hatu yusĩ kapukebauni

Hechos 17:13

hatu haska wamaya Beréia anushũ Deusũ Messias kakapekiri Paulõ hatu yusĩaĩ judeubu Tessalônica anuabũ nĩkakĩ unãtã hawairabirani beshũ Paulokiri txani txakabaũkĩ Beréia anu hiweabu hatu xinã betsa wamakĩ yurabu hatu itimaska wai berukubaunaibũ

Hechos 18:12

hanua ha mai pakea Acaia anu hatũ Romano shanẽ ibu Gáliõ hatu shanẽ ibushunaya judeu shanẽ ibubũ Paulo ha akĩ txitenũ ishũ atxishũ hanushũ Gáliõ tsaushũ hatu unãti wamis anu Paulo iyushũ

Hechos 2:9

Na nũ nukuburã, Partos anuabu inũ, Média anubu inũ, Elão anuabu inũ, Mesopotâmia anuabu inũ, Judéia anuabu inũ, Capadócia anuabu inũ, Ponto anuabu inũ, mai pakea Ásia anuabu inũ,

Hechos 20:19

Earã, matu anushũ ẽ xinãnẽ xinaĩ txikixi hawa keãma ẽ Shanẽ Ibu Jesusũ ea yununi duawai nĩkabumabiakẽ matuya kashai beũ hene habakĩ judeubũ ea itxakawabiabu matu anushũ bikahaira tenei ẽ Jesus dayashũkũkaĩyamaki.

Hechos 24:11

Deus kẽwãtanũ ika ma 12 dia Jerusalém anu ẽ hikixinaki, haska txanima miari yuka ikĩ mĩ unãtiruki.

Hechos 24:18

Hanushũ nukukiri Deus pepa xinãmatã Templo hemaĩtĩ anushũ txashuwã ẽ inãkuĩayã eki hawa huni itxabuma inũ tsua itimaskabumakẽ Ásia anua judeu betsabu eki nukushũ ea habũ itimaska wakĩ taewaxinabuki.

Hechos 26:21

Ẽ hatu haska wamiswẽ taeshũ Templo anushũ judeubũ ea atxishũ ea tenãnũ ika iyamabuki.

Hechos 4:3

hatu atxishũ ma bari kaya bitxiti hiwe anu hatu bitxitã: “Mexukiri besti hatu yukatiki”, ibainaibũ

Hechos 5:18

Templo mekenikabu hatu yunua atxitã hatũ mae meketi hiwe merã hatu bitxiabũ

Hechos 6:12

hatu haska wabu bushũ huni itxapabu yuikĩ mae shanẽ ibubu inũ Deusũ hãtxa kenenibu yusĩnanãmisbuki txani txakakĩ habu hatu sinatamabũ yurã kaiã ha iki berukui itimaskabaĩkĩ hanushũ Estêvão atxitãshũ shanẽ ibubu dasibi Sinédrio anu iyushũ

Hechos 6:9

hanua itxati hiwe hawẽ kena “Escravo Tsumawanibu Ana Tsumauma” hanu betsabu itxamisbu inũ, huni betsari mae Cirene anuabu inũ, mae ewapa Alexandria anuabu inũ, Cilícia mai pakea anuabu inũ, mai pakea Ásia anuabu habu Estêvãobe ha iki yuinameaya

2 Coríntios 11:26

Haska inũ, Jesusũ kakapekiri yusĩ nũ kakũkaunai haska tibi mese ẽ binukubaĩmis matu ana yuinũ nĩkakãwẽ. Ẽ hene pukei kaya hawaira bai mata bekĩ ea shashu narabea inũ maĩ pukei nua maeshbaĩ hasai ẽ mawakeãkũkainiki. Ha inũ, maĩ ẽ kaya yumetsubũri ea mesewatã ẽ hamapai ea bianibuki. Ha inũ, enabu inũ enabumã ea itxakawakĩ ea date date akubaĩyamabuki. Ha inũ, mae ewapa tibi anushũ inũ hanu hiweabumanushũ hunibũ ea itxakawanũbũ yuinaka pianãbũ ea pikeãyamaki. Ha inũ, iãnẽwanu niwe shashuwẽ ẽ kaya niwẽwã mese bekĩ ea datekubaĩyamaki. Ha inũ, nukubetã ikũwaĩbu habũ ikũwãtxakaibũ ea bikawakĩ ekiri txanitxakubaĩyamabuki.