Hechos 21:20 - Kaxinawá Bíblia (BR)

²⁰ nĩkabaikĩ hanushũ Deus kẽwãtã habu betsã Paulo yuikĩ: —Nukũ betsaã, mia yuinũ nĩkawe. Nukunabu judeubu mirimabũ Jesus ma ikũwãbiakĩ hawẽ nemati inũ hawẽ yunuti Moisés nukũ shenipabu yusĩni meke pewashũ henekatsi ikama txibãpakemisbũ

Kashinawa : Diosun Jesúswen taexun yuba bena yiniki

²⁰ ninkabaikin januxun Dios kenwantan jabu betsan Pablo yuikin: —Nukun betsaan, mia yuinun ninkawe. Nukunabu judiobu midimabun Jesús ma ikunwanbiakin jawen nemati inun jawen yunuti Moisin nukun xenipabu yusini meke pewaxun jenekatsi ikama chibanpakemisbun

Hechos 21:20 Referencias Cruzadas

Salmos 22:23

Dasibibũ mã Senhor Deus duawamisbuũ, matũ huiwẽ kẽwãkãwẽ. Dasibi Jacó enabuũ, Senhor Deus pepawakĩ ewapawakãwẽ. Dasibi Israelĩ enabuũ, Senhor Deuski mesekĩ kẽwãkãwẽ.

Salmos 22:27

Senhor Deusrã, ha nukũ shanẽ ibu kayabiki. Mae pakea tibi hatu shanẽ ibushũmiski. Haskawẽ taeshũ mai hirabi anu hiwebaunabu yura betsa betsapa shukuabũ Senhor Deus shinãtã ha bebũ dãti ishũ hau kẽwaĩ beshanũbũwẽ.

Mateus 9:8

mapubaũshũ uĩ datekĩ yuikĩ: —Habaa! tsuã haska waismaki. Hakia Deus pepahairatũ na huni ma kayawashuki— iwanã, uĩkĩ Deus kẽwanibukiaki.

Lucas 12:1

Hanushũ Jesus haska waibũ ana mirimahaira haki itxabu hani ni peshũ nĩkatirubumabia nĩkaibũ Jesusũ haki txiti ikabus dukũ yusĩ taewakĩ yuikĩ: —Fariseubu yusĩnanaĩ beparamemisbu misi shasha wati keskabuki. Hatũ yusĩa matuki hikitã matu kanematiruki. Hatũ yusĩa uĩrakãwẽ.

Lucas 15:32

Haskabiakẽ mĩ betsa mashku mawa keska ixiã ma ana hiwea keskaki. Uatiã benuxina ikis nũ ma betxiawẽ taea benimai nũ beyusi nawai pehairaii”— hatu watã

João 12:24

Ikũ ẽ matu yuiaii. Heshe mai merã banama hawa bimitirumaki. Hakia mai uke merã bana hawẽ nami txapui dami hukuĩ yumetã bimihairamiski. Earã, ẽ haska keskayuaii.

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 15:1

habiatiãri habũ Jesus ikũwaĩ judeubu betsa Moisés yusĩa txibãkĩ abuhairamisbu Judéia anua Antioquia anu buxĩshũ Jesus ikũwaĩbu habũri hatu yusĩkĩ: “Judeubumã tsuabũra mã nukubetã Jesus ikũwaĩburã, Moisés nuku yununi beya habũ hina kubitxi biabumarã, Deusũ hatu meketirumaki”, iki hatukiri hãtxaibũ

Hechos 15:24

Haskakẽ nenuari nukunabu nũ hatu yunuamabia buimashũ hatũ beyakiri matu yusĩkĩ matu itimaska waibu nũ nĩkaxinaki.

Hechos 15:5

hatu haska yuiaibũ judeu shuku betsa fariseubũ Moisés hãtxa txibãhairabiamisbũ ma hatiribũ Jesus ikũwãkĩ txibaĩbu betsa benikawã hatu yuikĩ: —Mã haskakiri hatu yuiairã, nawabu Jesus mã hatu ikũwãmaiburã, haska Deusũ Abraão yununi keska hau hatũ hina kubitxi binũbũ hatu yunukãwẽ. Ha inũ, Moisés nukũ shenipabu yununi beya hau txibãrianũbũ hatu yunuriakubaĩkãwẽ— hatu wa

Hechos 2:41

hanushũ ha shabatiã hawẽ hãtxa nĩkakĩ ikũwãkĩ xinã betsa waibu 3.000 yurabu naximabu hati ana hatubetã ikũwaĩ hatuki dasinibukiaki.

Hechos 22:3

—Earã, ẽ judeuriki. Mai pakea betsa Cilícia anu mae ewapa Tarso anua ẽ kaĩbiani na Jerusalém anu ea iwenishũ na habianushũ ea yumewanibuki. Haska Deusũ hãtxa Moisés nukũ shenipabu yusĩni Gamalielĩ ea yusĩ pehairawakubainai tapĩnishũ ẽ Deus dayashũkatsis ikũkainaii, na habiatiã mã Deus dayashunai keskariairã.

Hechos 4:21

haska shushawaxinabuwẽ taeshũ yurã kaiãnẽ Deus kẽwaĩbu shanẽ ibubũ uĩkĩ habuwẽ datekĩ hawa txakabuwama ixiãbu haska washũ hatu kupitima hãtxa kuxipa bestiwẽ ana hatu nematã nitxĩnibukiaki.

Hechos 4:4

ha haskaibutiã itxapabũ habũ Pedrõ hãtxa nĩkakĩ kaka pewẽ taeshũ Jesus ikũwãkĩ taewaibu hatu tanakĩ aĩbu tanama hunibu besti 5.000 tananibukiaki.

Hechos 6:7

Hanushũ Deusũ hãtxa Jesuskiri kakape hatu yusĩpakekubainaibũ hatũ hãtxa nĩkakĩ Jerusalém anushũ ikũwaĩ itxai pakubainaibũ ha haskaibũ habiatiãri Deusbe hawenabu hãtxashunika itxapabũri Jesus ikũwãrianibukiaki.

Romanos 10:2

Israelbũ Deus duawakĩ dayashũkatsi imisbuwẽ taeshũ ẽ hatu kẽwãtiruki. Hakia haskai pepabiai hawẽ hãtxa kayabi unãkĩ txibãma kanemisbu eã ẽ unaiĩ.

Gálatas 1:14

Earã, tsua haskamabiakẽ ẽ shenipabũ beya txibãhairakĩ huni ewai unãnepakĩ betsabu ea keskabu ẽ hatu binuhairakubainiki.

Gálatas 1:24

ewẽ taeshũ Deus kẽwãkubainibukiaki.

2 Tesalonicenses 1:10

Haskakẽ hawara nukũ Shanẽ Ibukiri nũ matu yusĩ txanitanima mã ikũwaĩwẽ taeshũ hatiãra nukũ Shanẽ Ibu hanu huaitiã dasibi mai hirabi anushũ nũ ikũwãbaunaibũ txanima uĩtã duawakĩ nũ kẽwãshãkanaii.