Hechos 20:7 - Kaxinawá Bíblia (BR)

⁷ Habianuari domingo mexu merã haska nuku yunubaini Jesus nuku mawashuni xinãmati misi tũkeshũ pikatsi ikũwaĩbubes nũ itxa mexukiri kanũ ishũ Paulõ nuku yusĩ yamenapũ hãtxa heneriamakẽ

Kashinawa : Diosun Jesúswen taexun yuba bena yiniki

⁷ Jabianuadi domingo meshu medan jaska nuku yunubaini Jesús nuku mawaxuni shinanmati misi tunkexun pikatsi ikunwainbubes nun icha meshukidi kanun ixun Pablon nuku yusin yamenapun jancha jenediamaken

Hechos 20:7 Referencias Cruzadas

Neemias 8:3

ũpash biti beputi shui hemaĩtĩ dapi shaba ewapa anushũ yurã kaiã itxabu hatu bebũ hushũ penamahaira kene yuitiashũ yuikubaĩkĩ bari mananãbi hau heneshanũ tapu keyatapa ashiãbu anu Esdras nia ha dapi hawẽ yusiuri Matitias inũ, Sema, inũ, Anaías inũ, Urias inũ, Hilquias inũ, Maaséias mapuabu hanua betsabu hawẽ yusmauri Pedaías inũ, Misael inũ, Malquias inũ, Hasum inũ, Hasbadana inũ, Zacarias inũ, Mesulão mapuriabũ Esdras hau uĩkĩ nĩka pewanũbũ manaũri nishũ dasibibu hatu bebũ Moisĩ keneni una bepẽshũ hatu yuikĩ haska wai uĩkĩ nĩka pehairawai dasibibu beni keyuabũ

Marcos 16:9

Penayahaira domingotiã Jesus bestẽkaini hatuki nukutanũ ika kai ha dukũ Maria Madalena ha sete yushĩ txakabu haya kaĩmayamaki nukua

Lucas 22:19

Páscoa piti hawẽ henekĩ hatu pima keyutã hanushũ xinãmati bena wakĩ misi betsa bishũ Deus kẽwãtã namakis tũketã hatu inãkĩ yuikĩ: —Na misirã, ẽ matu mawashũshanai xinãti ẽ yura keskaki. Ea xinãbetanã mã pishanai ikis pikĩ taewakãwẽ— hatu wa

Lucas 24:35

hanushũ haska Jesus unãriamabia bai tanabaĩkĩ Jesusũ ha dabe hatube kakĩ yusĩshu yuitã hanushũ misi tũkeshũ hatu inaĩ anu atimas shabakabi uĩbirã hatu yuiaibũ

João 20:1

Hanua Jesus mawaxina ana besteni matu yuinũ nĩkakãwẽ. Huĩrukũtitiã Jesusũ yura mixki tãpe merã dakakẽ usha dabea penai taei penariama mexukẽ domingotiã taeaya Jesus maiwakĩ hanaxinabu anua hatube Maria Madalena kakĩ tãpe bepemana uĩtã Jesusũ yura hayama uĩbirani

João 20:19

habias domingo mexu merã Tomé nukubemakẽ hiwe merã itxatã judeu shanẽ ibubuki datekĩ beputi nũ beshekĩ keyukẽ Jesus hikikaĩ damituxitã nuku naxui ika nishũ nuku hãtxa wakĩ: —Haska mã unãnumamẽ? Ma ẽ huai dateyamakãwẽ— nuku watã

João 20:26

ana oito dia kaya Tomébe itxashũ ana nũ shui bepukĩ keyukẽ Jesus ana hikitã nuku bebũ damia naxui ika nishũ yuikĩ: —Haska mã unãnumamẽ? Ana ẽ huai ewẽ dateyamakãwẽ— iwanã,

Hechos 16:10

nĩkatã bestẽshũ ha namapã uĩshu nuku yuiaya Macedônia anushũ Jesuskiri kakape nũ hatu yusĩ kanũ Deusũ nuku yunuai unãtã nukũ mabu pewaxĩtã

Hechos 2:42

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

Hechos 2:46

Hanua shaba tibi Templo hemaĩtĩ anushũ kuxipa yukakĩ hiwe anushũri itxashũ hawa txĩtuãma xinã txãkãbetanã hatubetã pikĩ Jesus hatu mawashunima xinãmati misi pikĩ

Hechos 20:11

Paulo ana nukube inakaĩ Jesus nuku mawashuni xinãmati misi tũkeshũ nuku pimatã ana nuku yusĩ nukube hãtxaxini ma shabaya hãtxa menetã nũ kaya

Hechos 20:31

Haskawẽ taeshũ ano dabe inũ besti matube hiweyushũ mã kaneai tibi ẽ matu meshtamakubaĩkĩ matu yusĩkubaĩkĩ bariri inũ mexu merã matuya kashabetanã ẽ matu haska wani hakimayamakãwẽ. Eskatianã, hanũ ibubis beru mestẽwãrikãwẽ.

Hechos 20:5

hatiri bebũkiri pukeshũ mae betsa Trôade anushũ nuku manaibũ

Hechos 20:9

hiwe keyatapa tapa dabe inũ besti uĩti shui anu berunã hawẽ kena Êutico tsaushũ Paulõ yusĩ txaipawai nĩkai usha tenei hanua ushatxakayama manaũria kawani tĩ ikaya beninũ ika hawaira butukirã ma mawa betxiabu

Hechos 28:23

hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

1 Coríntios 10:16

Nukũ betsabube itxatã hatubetã meribi uva bimi hene watã akĩ Cristo nuku mawashuni xinãmatirã, xinãkĩ nũ amiski, Deus kẽwãkinã. Ha inũ, misi tũke tũke ashũ nuku mawashũkĩ Cristo hawẽ yura nuku inãkuĩni ha misi hawẽ xinãmati nũ piriamiski.

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

1 Coríntios 16:2

Matu anu ẽ kariama ea manama domingo tibi matũ dayawẽ mã pei biai itxapa mã biaitũ pei itxapa aruaya eskarabes mã biaitũ pei eskarabes arukĩ ea manakãwẽ. Mã ma itxawaxĩkẽ

2 Timóteo 4:2

Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.

Apocalipse 1:10

nukũ Shanẽ Ibu hanu bestẽni shaba domingo betsatiã Deus ẽ yushĩki nukushũ ea betsa wa ẽ nĩkaya ẽ petxiurishũ hui kuxipahaira trombeta mimawati keskawẽ