Hechos 18:6 - Kaxinawá Bíblia (BR)

⁶ nĩkatã judeu itxapabũ ikũwãkatsi ikama danaĩ habi aki haki shetxakai ha ibaunaibũ Paulõ hatu henebaĩkatsis ikĩ Deusũ hãtxa danaĩ hau habiaskasi hiwenũbũ habu unãti wakĩ hawẽ tari anua mai kuru datakakĩ hatu yuikĩ: —Deusũ Messiaskiri ẽ matu yusĩa nĩkama matũmebi ibubis matũ txakabuwẽ mã benu kayabiaii. Haskawẽ taeshũ ea akama matu besti Deusũ kupishanikiki. Haskakẽ judeubu ana yusĩama natiã unuri judeubuma besti ẽ yusĩkubainaii— hatu watã

Kashinawa : Diosun Jesúswen taexun yuba bena yiniki

⁶ ninkatan judio ichapabun ikunwankatsi ikama danain jabi aki jaki xechakai ja ibaunaibun Pablon jatu jenebainkatsis ikin Diosun jancha danain jau jabiaskasi jiwenunbun jabu unanti wakin jawen tadi anua mai kudu datakakin jatu yuikin: —Diosun Mesíaskidi en matu yusian ninkama matumebi ibubis matun chakabuwen man benu kayabiaii. Jaskawen taexun ea akama matu besti Diosun kupixanikiki. Jaskaken judiobu ana yusianma natian unudi judiobuma besti en yusinkubainaii— jatu watan

Hechos 18:6 Referencias Cruzadas

Ezequiel 18:13

pei inãyutã ana hawena wakĩ binumakĩ itxapa watã yukamisburã, haskaburã, hiwetirubumaki. Hawara dasibi ẽ betxipaiama akubainaiwẽ taeshũ shanẽ ibubũ hau kupikĩ tenãshanũbũwẽ, tsuã hawa hatu nemamarã. Ibubis ha huni hatũ shinã txakabuwẽ taea mawashãkanikiki, ẽ hatu kupimarã.

Mateus 10:14

Ha inũ, hanishũra matu danãkĩ nĩkakatsi ikabumakẽ hatu unãti wakĩ hanua kaĩbaĩkĩ matũ tae anua mai kuru hatuki tabaĩshãkãwẽ, hau habiaskasi hiwenũbunã, hawa unãmarã.

Mateus 21:41

habũri Jesus yuikĩ: —Bai ibu hushũ ha dayakapa txakabubu hawa hatuwẽ nuiama hawenabubetã hatu tenãtã hanushũ dayakapa betsabu yunukĩ hau habũ ẽ bimi dabukũ ea inãshanũbũ, iwanã, yunutiruki— akabu

Mateus 21:43

Haska keneni keska wakĩ matũ shenipabu Deusũ katubianishũ mã hawenabubiatũ xinãma mã danãnãyã hanushũ yura betsabũri nĩkakatsi ikaibu Deusũ katutã hatu habe shanẽ ibumashanikiki.

Mateus 22:10

bui bai tanabaini hatuki nukuaibu tibi hatu yuikubaĩkĩ txakabubu inũ pepabu hatu kenatã hatube itxai hiwe teke shaka betsa anu hunĩ kaiã teshke ikabũ

Mateus 27:25

ha yura dasibibũ yuikĩ: —Peki. Nuku inũ nukũ bakebũ nũ yunuaiwẽ besti hau mawanũwẽ— akabu

Mateus 8:11

Eãnã, ikũ ẽ matu yuiaii. Deus shanẽ ibukĩ mai hirabi anua bari huaikiria inũ bari hikiaikiria ikũwaĩbu dasibibu hatu itxawatã duawakĩ Abraão inũ Isaque inũ Jacóbetã hatu pimashanikiki.

Lucas 22:65

betsa betsapa yuikĩ itxakawaxĩkĩ

Lucas 9:5

Haska inũ, hanishũra matu danãkĩ nĩkakatsi ikabumakẽ Deus hatuki sinatai unãti wakĩ hanua kaĩbaĩkĩ matũ tae anua mai kuru hatuki tabaĩshãkãwẽ, hau habiaskasi maninũbunã, hawa unãmarã— hatu wa

Hechos 13:51

hatu haska wabu Paulo inũ Barnabẽ hau hawa unãma habiaskasi hiwekubaĩshanũbũ hatu unãti wakĩ Antioquia anuabuki hatũ bitxi tae pekatã hatuki mai mixpu tabaini mae betsa hawẽ kena Icônio anu bunibukiaki.

Hechos 26:11

Hatu haska wakinã, hawa betsa tukama hanu itxamisbu hiwe tibi anushũ Jesus ikũwaĩbu hau henenũbũ hatu itxakawatxakayamakĩ beshtehairakatsis iki ẽ hatuki bene bene ikĩ hawa hatu henekatsi ikama judeubumã mae anuri pashaibu habiaria hatuki sinatahairakĩ hatu atxinũ, iwanã, ẽ hatu katxibãkubainiki.

Hechos 26:20

Harishũ Damasco anushũ dukũ kakape hatu yusĩ taewatã txipu Jerusalém anushũ yusĩriatã Judéia mai pakea hirabi anuabu judeubu inũ judeubuma ẽ hatu yusĩkĩ: “Xinã betsa wakãwẽ”, ẽ hatu wa tsuãra xinã betsa watã Deusũ bake ikũwãkĩ hatũmebi hatũ hiwea bena hayakĩ uĩkubainimabuki, ẽ hatu unãmakubainarã.

Hechos 28:28

Haskakẽ nukunabu nĩkabumakẽ natiã unuri Deusũ judeubuma hatu mekekatsis ikai hau habũ nĩkanũbũ hanuri bushũ hatu yusĩshãkanikiki, hawa niti ikamarã. Haskanikiri matũri xinãkãwẽ— hatu wa

Romanos 3:29

Ha inũ, nukũ mekenika Deusrã, judeubuna bestimẽ? Haskawẽ taea yura dasibi shukua betsa betsapa hiwebaunabu hatu mekeismamẽ? Haskamaki. Txanima dasibi Jesus ikũwaĩbu nuku mekemiski, judeubu inũ hãtxa betsa betsapa tibiyarã. Nukũ mekenika Deus bestitxai hayaki.

1 Timóteo 5:22

Ha dikabi hau tsuãra Deusũ daya ashunũ katukatsis ikinã, hĩ hĩ, iwanã, uĩriama mamepishũ hawaira Deus yukashũyamawe. Hakia hawẽ txakabu unãriama kanekĩ mĩ hawaira katukẽ: “Hawẽ txakaburã, unãma ikimẽkaĩ?”, iwanã, mikiri xinãtirubuki. Haska huni betsã txakabu mĩ pewashũtirumarã, mimebi mekekĩ uĩrakubaĩwẽ.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

1 Pedro 4:14

Ha inũ, mã Cristokiri yusĩkubainaibuwẽ taeshũ haska abuama tsuabura matuki sinatai ha ikaibuwẽ taea mã ma Deusũ pepa haya hawẽ benimakubaĩkãwẽ, Deusũ Yushĩ Pepatũ matu merãshũ matu henebainama hawẽ kuxipa matu uĩmakubainikikirã.

1 Pedro 4:4

Hakia natiã ana ha haskaibube ana hatube ketashametã mã ana hatube betsa betsapai kemutapamakẽ mã hatube ikĩ hatu uĩmapauni habu matuki ẽ hẽ ikĩ matu yuãmisbuki.