Hechos 18:3 - Kaxinawá Bíblia (BR)

³ Ha Áqüila hawẽ aĩbetanã, habias daya Paulõ amisri akĩ tari hiwe wamisbukẽ haskawẽ taea hatube dayanũ ika hatu anu baxikuima Paulo hiwea

Kashinawa : Diosun Jesúswen taexun yuba bena yiniki

³ Ja Áquila jawen ainbetanan, jabias daya Pablon amisdi akin tadi jiwe wamisbuken jaskawen taea jatube dayanun ika jatu anu bashikuima Pablo jiwea

Hechos 18:3 Referencias Cruzadas

2 Reis 6:2

Ana hiwe bena ewapa wakĩ hashpa duakabi wanũ ika Hene Jordão keshakea nuku tibitũ hi bestitxai txaipa nũ meshtei kai mĩ nuku yunutirumẽ?— akabu Eliseũ hatu yunukĩ: —Butãkãwẽ— hatu waya

1 Coríntios 4:12

Haska tenebiai nukũ mekenẽ dayai nũ heneismaki, babuamarã. Nuku yupukĩ shuũ abiaibũ nukũ hatu kemakinã, pewẽ besti nũ hatukiri shuũ amiski. Nuku itxakawakĩ bika tenemabiaibũ nũ hawa yuiama tenemiski.

1 Coríntios 9:14

Haska habũ amis keska wakĩ tsuabũra Jesuskiri kakape yusĩkubaĩmisbũ habũ hatũ piti inũ tari inũ pei mã hatu inãkubaĩtirubu nukũ Shanẽ Ibũ habias hawẽ tsumabu hatu yununiki, hau betsaburi habiawẽri hiwekubaĩshanũbunã. Haska keska xinãkubaĩkãwẽ.

1 Coríntios 9:15

Na haska tibi yunuti hayabiakẽ ha xinãkĩ ẽ matu hawa ea aismaki. Haska inũ, kene matu bumakĩ: “Matũ hawara ea inãkãwẽ”, ẽ matu wakĩ yukamaki. Haska ẽ matu yuiai keska wakĩ ekiri xinã txakakĩ: “Paulo pakakĩ taewanãkãwẽ”, iwanã, xinãyamashãkãwẽ. Mã ea pakaisma keska besti ikubaĩkãwẽ. Ẽ matu yusĩayã mã ea hawa inaĩsma benimahairai ẽ keaiĩ. Ẽ haskakũkainairã, ẽ abuhairariaii. Matu berabĩwãkatsi ikama ẽ hawaira mawakatsis ikaii. Eskaki, matu yuinũ nĩkakãwẽ.

1 Coríntios 9:18

Matũ mã ea haska waismakẽ tsuã ea pakama Deusũ daya ẽ akubainaya haska ẽ matu yusĩmis Jesusũ kuxipaya betsabu pakakĩ yusĩnã betsabu pakariakĩ mã ea pakaismakẽ hawẽ benimawatiwẽ Deusũ ea manakumiski, ea xinã txãkãwãkinã.

2 Coríntios 11:7

Matu anu kayamashũ Deusũ kakape datã akĩ matu yusĩkĩ ẽ hawara hayamabia pei inũ mabu matu yukakĩ ẽ matu txakabu wayamamẽ? Ẽ matu haska wama iyamaki.

2 Coríntios 11:9

Hanua matu anu yusĩ hiweyui kashũ ẽ hawa hayamabia matu daketapa wakatsi ikama ẽ xinãyã nukũ betsabu Macedônia anushũ haska ẽ hayama ẽ binũ hatũ pei ea bumayamabuki. Mã ma ea haska wayamawẽ taea matu anu ana ẽ kakenã, mã ea ayama keska besti ea wakubaĩshãkãwẽ.

2 Coríntios 12:13

Ha inũ, haska ikũwaĩbu maniabu dasibi duawakĩ ẽ yusĩmis maturi ashũkubaĩkĩ hatũ pei ẽ bibiamis matuna ẽ matu yukama ikimaki. Matũ pei mã ea inãkatsi ikama xinãkĩ matu bikawakatsi ikama matũ merabewati yukama ẽ kaneimamẽkaĩ. Matube hiweshũ matũ hamapai merabewati biama matũ huĩti ẽ nixmawaimamẽkaĩ. Ẽ haskakĩ kaneimakẽ ẽ txakabu ea hakimakãwẽ.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

1 Tesalonicenses 4:11

Hakia haska nũ matu yusĩkĩ nũ matu uĩmatanima mã nuitapaibukiri xinãma txikixama ea iki daketapama matũ mekenẽ dayakũkaĩkĩ matũ hamapai bikubaĩkĩ unãnuma hiwekĩ hatu yuãmayamakãwẽ, mã haskaibu ikũwãbumã matukiri pe uĩkĩ hawa txakabuuma hau xinãnũbunã.