Hechos 18:23 - Kaxinawá Bíblia (BR)

²³ hatuki dasixina semana eskarabes ikũwaĩbube hiwetã ana hawẽri tashnikaini kakũkaũkĩ ikũwaĩbu mai pakea dabe Galácia inũ Frígia mae tibi anuabu hatu xinã txãkãwãkubaĩkĩ hatu yusĩakeakeaya

Kashinawa : Diosun Jesúswen taexun yuba bena yiniki

²³ jatuki dasishina semana eskadabes ikunwainbube jiwetan ana jawendi taxnikaini kakunkaunkin ikunwainbu mai pakea dabe Galacia inun Frigia mae tibi anuabu jatu shinan chankanwankubainkin jatu yusian akeakeaya

Hechos 18:23 Referencias Cruzadas

Esdras 1:6

hanua habu hatu dapi Babilônia anu nawabu hiwebaunabu habu dayai buaibu hatu merabewakatsis ikĩ hawa yaushiama hatũ mabu betsa betsapa inũ, hatũ prata pei heshe inũ, hatũ ouro pei heshe inũ, mabu pepa sharabu inũ, mabu pepa karuhaira inũ, hatũ inabu hatu inãbirãbiranabu

Lucas 22:32

Habiaskabiakẽ ea txibaĩ hau mĩ huĩti babuyamanũ eãri Epa Deus ma ẽ mia yukashũxinaki. Mia haska wa kanebiatã ana ea txibã taewakĩ ikũwaĩ betsabu hau txĩtũyamanũbũ hatu kuxipa wakĩ merabewakubaĩshãwẽ— aka

Lucas 22:43

ha haskaitiã nai anua Deusũ nai tsuma tashnitã merabewakĩ kuxipa watuxiaya

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Hechos 15:32

Jesusũ kuxipayakĩ Judas inũ Silasĩ Deusũ hãtxa pe hatu meshtamamiswẽ taeshũ ikũwaĩbu hatu merabewakĩ hatu benimawaya ikũwaĩbũ habũ hãtxa abuhairaibũ

Hechos 15:41

Síria inũ Cilícia mai pakea kapukekubaĩkĩ Jesus ikũwaĩbu itxati hiwe tibi anushũ hatu yusĩkĩ hatu benimawakubauni kai

Hechos 16:40

bitxiti hiwe anua tashnibaini bui Lídiã hiwetã hikia bayukĩ hanushũ ikũwaĩbu hatu xinã txãkãwãtã Paulo inũ Silas buaibũ Timóteo hatube kaya hakia ea Lucas habianu ẽ baxikuyuniki.

Hechos 16:6

mai pakea betsa Ásia anu Paulo inũ, Silas inũ, Timóteo Jesuskiri hatu yusĩ hari bunũ ikaibũ Deusũ Yushĩ Pepatũ hatu nemaya mai pakea dabe Frígia inũ Galácia anuabu hatu yusĩ kapukebauni

Hechos 19:1

Apolõ Corinto anushũ hatu yusĩayã hanua Paulori mati matipa anu kapukei Ásia mai pakea anu kakũkaĩni Éfeso anu hikitã ikũwaĩbuki nukushũ

Hechos 2:10

Frígia anuabu inũ, Panfília anubu inũ, Egito anuabu inũ, Líbia mai pakea Cirene dapi anuabu inũ, Roma anuabu inũ,

1 Coríntios 16:1

Yunuti betsa matu yuinũ nĩkakãwẽ. Jesus ikũwaĩbu Jerusalém anuabu nuitapakanikiaki. Nũ hatu merabewanũbũ haska ikũwaĩbu Galácia anuabu ẽ hatu yunuyama keska wakĩ ẽ maturi yuiai nĩkakãwẽ.

Gálatas 1:2

Na nenu hiweshũ dasibi nukũ betsabu Jesus ikũwaĩbubetã hari Galácia mai pakea mae tibi anu mã dasibi nukũ betsabu itxamisbu tibi anua ẽ matu kene bumai uĩkubaũshãkãwẽ.

Gálatas 1:9

Ha dukũ ẽ matu yuitani keska na habiatiã ana ẽ matu yuaii: “Tsuabũra yusĩa betsa, hawara mã ikũwãni keskama, habũ matu yusĩkĩ parãkĩ matu betsa wakĩ itxakawaiburã, Deusũ hatu yupukĩ hatu kupiti wani anũ hau meshanũbũwẽ”, iwanã, ẽ matu ana keneshunaii.

Gálatas 4:14

ẽ yura ẽ isĩ tenei atimapakĩ matu unãti wamabia mã ea hawa danãma Deusũ nai tsuma keska ea wai ewẽ benimai Jesus Cristo kayabi keska wakĩ mã ea duawaimaki.

1 Tesalonicenses 3:2

nukũ betsa Timóteo nukubetã Cristokiri kakape yusĩmis matu anu nũ nitxĩmaki, hau matu xinã txãkãwãkĩ hau matu ana kuxipa wai kanunã.

1 Tesalonicenses 4:18

Haskawẽ taea na yusĩa hãtxa nĩkai ana hawa dateama xinã txãkaĩ hatube benimanamerikubaĩkãwẽ.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.