Hechos 18:21 - Kaxinawá Bíblia (BR)

²¹ Paulõ hatu yuikĩ: —Jerusalém anu hatube besiyutanũ ika ẽ kayuaii. Hakia Deusũ ea ana yunua matuki ẽ ana bayutiruki— iwanã, hatu yuibaini niwe shashu ewapawẽ Éfeso anua Paulo inakaini

Kashinawa : Diosun Jesúswen taexun yuba bena yiniki

²¹ Pablon jatu yuikin: —Jerusalén anu jatube besiyutanun ika en kayuaii. Jakia Diosun ea ana yunua matuki en ana bayutiduki— iwanan, jatu yuibaini niwe xaxu ewapawen Éfeso anua Pablo inakaini

Hechos 18:21 Referencias Cruzadas

Mateus 26:39

hanua kai txaima ka beuwa maiki beti ishũ Deus yukakĩ: —Ẽ Epa Deusuũ, hamapai dasibi mĩ atiru ẽ unaiĩ. Hau ea tenãyamanũbũ mĩ hatu nematirubia haska ẽ xinaĩwẽ akama mĩ xinã bestiwẽ ea ashãwẽ— atã

Lucas 9:61

hanushũ betsãri Jesus yuikĩ: —Yusĩnaã, eãri ẽ mia txibãkatsi ha dukũ ẽ hiweanua enabuki txaniyutãpa?— aka

Hechos 15:29

Yushĩ dami betsa kẽwãkĩ nami inãmisbu ana piyamakubaĩshãkãwẽ. Ha inũ, yuinaka teneshabu piyamariashãkãwẽ. Ha inũ, yuinaka himi ayamariashãkãwẽ. Ha inũ, aĩyãkinã, haska Moisés nuku nemani ha txibãriakubaĩshãkãwẽ. Haska besti mã mekearã, hawa txakabuma mã pe besti hiweshãkanaii. Hau Deusũ matu pe mekekubainũwẽ”, hatu washũtã

Hechos 18:19

Éfeso mae ewapanu keti itã habianu Áqüila inũ Priscila baxibaini hanu judeubu itxamisbu hiwe anu Paulo ha mesti kashũ Jesuskiri yusĩ hatube hãtxanameaya

Hechos 18:20

habũ ea akĩ: —Habianu baxikushũ nuku yusĩyuwe— akĩ yukabu nĩkatã hanu niti ikatsi ikama hatu nematã

Hechos 18:24

ha haskaitiã judeu betsa, mae ewapa Alexandria Egito mai pakea anua kaĩni, hawẽ kena Apolo Éfeso anu huxĩshũ Deusũ hãtxa kenenibu unãhairakĩ shabakabi hãtxa pepa hawẽruawẽ hatu yusĩ pewakĩ

Hechos 19:1

Apolõ Corinto anushũ hatu yusĩayã hanua Paulori mati matipa anu kapukei Ásia mai pakea anu kakũkaĩni Éfeso anu hikitã ikũwaĩbuki nukushũ

Hechos 19:17

Éfeso anuabu dasibi judeubu inũ judeubumã nĩkatã datehairakĩ Shanẽ Ibu Jesusũ kena kuxipa unaĩ itsakĩ: “Nũ hamẽ datãkeaketirumaki”, ikĩ Jesusũ kena pawanibukiaki.

Hechos 19:21

Hanushũ Paulõ xinãkĩ yuikĩ: —Macedônia inũ Acaia mai pakea anu kashũ ikũwaĩbu ana uĩkubaũtani Jerusalém anu ana ẽ kashanaii. Hari kashũ hatu uĩtani Roma anuaburi Deusũ ea yunuaiwẽ taea ẽ hatu uĩ kakatsis iriaii— itã

Hechos 20:16

Jerusalém anu Pentecostes shekiwã bimi betsa ha dukũ kanimistiã judeubu besi nawamisbutiã hatube besinũ ika hĩ hĩ ikĩ Ásia anu usha itxapai ana baxikukatsi ikamawẽ taea Éfeso anu Paulo kama Mileto anu niti ishũ hatu manakĩ

Hechos 21:14

haska washũ hawẽ xinã betsa wamatima hau haskaratanũ nema henetã yuikĩ: —Nukũ Shanẽ Ibũ xinãnẽ iwe— nũ wa

Hechos 21:29

haska yuirã, ha dukũ Éfeso anua judeubuma Gregonawa hawẽ kena Trófimobe Paulo Jerusalém bai tanabiranai uĩxĩshũ ha huni Templo anu iyua dabanẽ marias xinãkĩ kaneirã.

Romanos 1:10

Haska inũ, matuki ẽ bakatsi ikai hau Deusũ hawẽ xinãnẽ ea beshpawashũshanũ hanu matuki ea bamakatsis ikĩ ea yunushanai Deusbe hãtxakĩ matukiri ẽ ea akubainaii.

Romanos 15:32

Haska Deusũ ea yunuaya matu anu kai hikitã hanua benimai ẽ huĩrukũyushanũ haskakiri Deus ea yukariashũshãkãwẽ.

1 Coríntios 15:32

Nũ ana besteãma ishanaya ẽ hamẽ hiweawẽ taea Éfeso anua pubẽhairabube hatube ha iki ẽ xinãnẽ besti ẽ hawa maemama ini mã xinaĩ? Txanima mawabu nũ ana besteãma ishanayarã, haska yurabũ ikũwãbuma hãtxai: “Beyus bestikĩ pinãkãwẽ, vinho anãkãwẽ, mexukiri mawatã nũ hawa piama ana beyusama ishanairã”, ikaibũ nũ habiaskari xinãriakeanaii.

1 Coríntios 16:8

Ha Pentecostes habiatiãri ikũwaĩbu itxabuki Yushĩ Pepa hatuki butuni besiaibutiã ushe junho keyuaya nenu Éfeso anu ẽ habianu baxikushũ hatu uĩyuaii.

1 Coríntios 4:19

Hamẽ nukũ Shanẽ Ibũ ea yunua matu anu hikitã ibubis keaĩbu unãkĩ hatũ hãtxa danãkĩ hatũ kuxipa ẽ unãshanaii, haska mã hãtxa unaĩ ikimẽkainã.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Efésios 1:1

Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ tsuabura Éfeso mae ewapa anuabu Deusũ hawenabu meribi matu wani mã habũ ikũwaĩ Jesus Cristobe ketashamei mã haki dasia xinãkĩ ẽ hãtxa ẽ matu bumai uĩrakãwẽ.

Hebreus 6:3

Hakia ikũwaĩ haska tibiwẽ nũ ewakĩ nũ anũbũ Deusũ nuku merabewaya haskai Jesuski nũ txiti ipakenũbũ ana matu yuinũ nĩkakãwẽ.

Santiago 4:15

Hakia eskakĩ mã xinã pewatiruki, matu yusĩnũ nĩkakãwẽ. Tsuãra xinãkĩ yuikĩ: “Nukũ Shanẽ Ibũ ea mekeshũ hiwemayuaya hawara haska ea xinãmai ẽ atiruki. Ea xinãmamakẽ ẽ atirumaki”, ikĩ pe mã xinãkubaĩtirubuki.

1 Pedro 3:17

Hamẽ mã txakabuwaya matu kupiaibu matũ txakabuwẽ taea tenekãwẽ. Hakia Jesus ikũwãkĩ hawara pepa mã abiaya hawẽ taeshũ matu itxakawaibu Deusũ hatu nemama mã yumainã, txakabumaki.

Apocalipse 1:11

tsuãra ea yuikĩ: “Hawara ẽ mia uĩmai unaki keneshũ Ásia mai pakea anu ha sete yusĩnanaĩ itxamisbu tibi anu bumashãwẽ, Éfeso anu inũ, Esmirna anu inũ, Pérgamo anu inũ, Tiatira anu inũ, Sardes anu inũ, Filadélfia anu inũ, Laodicéia anurã”, ea waya

Apocalipse 2:1

ana Jesusũ ea yuikĩ: “Ha mae anu hatũ Deusũ hãtxa yuishunika Éfeso anua itxamisbu mekea na hãtxa ẽ mia yuiai keneshũriwe: ‘Ha sete bixi ẽ mekẽ yusiuri ẽ tsuma inũ haki bĩ tsaũti sete ouro mane txãkã daka namakis anu ẽ nimistũ na hãtxa ẽ matu yuiai nĩkairakãwẽ.