Hechos 18:12 - Kaxinawá Bíblia (BR)

¹² hanua ha mai pakea Acaia anu hatũ Romano shanẽ ibu Gáliõ hatu shanẽ ibushunaya judeu shanẽ ibubũ Paulo ha akĩ txitenũ ishũ atxishũ hanushũ Gáliõ tsaushũ hatu unãti wamis anu Paulo iyushũ

Kashinawa : Diosun Jesúswen taexun yuba bena yiniki

¹² janua ja mai pakea Acaya anu jatun romano xanen ibu Galión jatu xanen ibuxunaya judio xanen ibubun Pablo ja akin chitenun ixun achixun januxun Galión tsauxun jatu unanti wamis anu Pablo iyuxun

Hechos 18:12 Referencias Cruzadas

Mateus 27:19

hanu Pilatos governador tsauti anu tsauriakẽ hawẽ aĩnẽ hãtxa bumakĩ yuikĩ: —Jesuswẽ taea ẽ nama txakaxinaii. Haskawẽ taeshũ ha huni pepa hawa hatubetãs hakiri txakabu yuikĩ hawa yunuyamawe— aka hushũ hawẽ tsumapã yuishũbiaya

João 19:13

hanu Páscoa mexukiri ishanaitiã ma bari mananãbi kaya haskaibu Pilatõs nĩkatã Jesus tashnimabirã mixki buyakĩ kerã wanibu hawẽ kena Hebreu hãtxawẽ kenakĩ Gabatá hanushũ yunuti anu tsaushũ kashe hãtxawẽ judeu shanẽ ibubũ hatu yuikĩ: —Narã, matũ shanẽ ibu kayabiki— hatu wa

Hechos 13:12

Haskai uĩtã inũ Jesuskiri yusĩaĩ pepa ma hatu nĩkatã: “Habaa!”, ikĩ Romano shanẽ ibu Sérgio Paulõ Shanẽ Ibu Jesus ikũwãnikiaki.

Hechos 13:50

Paulo inũ Barnabẽ hãtxa judeu shanẽ ibubũ danãkĩ hau hatu nitxĩnũbũ, iwanã, aĩbuaibu pepa inũ huni shanẽ ibubu hatunabubetã txani txakakĩ hatu sinatamatã hanushũ Paulo inũ Barnabé hatũ mai pakea anua hatu putamaibũ

Hechos 13:7

hanu Romano shanẽ ibu Sérgio Paulobe ha huni mukaya ha dayashũmis hiwekẽ ha shanẽ ibu unãnepa xinã pepayatũ Barnabé inũ Saulokiri kakaibu nĩkatã Deusũ kakape Jesuskiri hãtxa nĩkakatsis ikĩ hau hatu ishũtanũbũ yunua hatu iweabu beshũ

Hechos 13:8

hanushũ hatu yuikĩ taewaibũ Romano shanẽ ibũ Jesus ikũwaĩ nemanũ ika huni mukayatũ Barnabé inũ Saulokiri hãtxai daketapakĩ hatu ha akaya

Hechos 14:19

ha hatu haska waibũ judeubu Antioquia anua inũ Icônio anuabu beshũ Paulo inũ Barnabékiri txani txakakĩ yurabu parãkĩ hatu xinã betsa wamatã hatu itimaska wamabaũkĩ Paulo besti betxishũ mãkãwẽ tsaka tsaka akabu Paulo di ikaya: “Ma mawaki”, ishũ txaka urẽmisbu anu sharabaĩ urẽtanabu dakakẽ

Hechos 14:2

hanushũ ha judeu betsabũ hatũ hãtxa danãkĩ nawabuki txani txakakĩ Jesus ikũwaĩbuki xinã txakakĩ hatukiri txakabu yuibaunaibũ

Hechos 17:13

hatu haska wamaya Beréia anushũ Deusũ Messias kakapekiri Paulõ hatu yusĩaĩ judeubu Tessalônica anuabũ nĩkakĩ unãtã hawairabirani beshũ Paulokiri txani txakabaũkĩ Beréia anu hiweabu hatu xinã betsa wamakĩ yurabu hatu itimaska wai berukubaunaibũ

Hechos 17:5

hakia judeu shanẽ ibu betsabu habũ ikũwãkatsi ikama Paulo inũ Silasĩ hatu binuaiwẽ taeshũ hatuki sinatakĩ huni txakabu txikixbu hatu itxawatã hatu pei inãtã yura dasibibubetã hau hatu itimaska wabaĩ Paulo inũ Silas atxishũ mae shanẽ ibubu hau inãnũbũ hatu yunuabu haskai berukubaĩkĩ hatu mesewakĩ datebaĩkĩ dasibi itimaskakaĩ Jasomẽ hiwe anu ha hunibũ Paulo inũ Silas benakeakebaini ha hiwe anu hikitã

Hechos 18:11

hanu Corinto anu niti ikimashũ hanushũ ano bestitxai ana betsa namakis nitxĩ Paulõ Deusũ Messias Jesuskiri hatu yusĩkubainaya

Hechos 18:27

hanua mai pakea betsa Acaia anu hawẽ mae ewapa Corinto anu Apolo kanũ ika pukekatsis ikaya habianushũri ikũwaĩbũ hau Apolo hatu anu hikiai i pewatã hau Apolo merabewashanũbũ Efeso anushũ ikũwaĩbũ keneshũ haya yunuabu niwe shashu ewapawẽ pukekaini Corinto anu hikixina hanushũ habũ Jesus ikũwaĩbu hatu merabehairawanikiaki, Deusũ hatu duawaiwẽ taeshunã.

Hechos 19:21

Hanushũ Paulõ xinãkĩ yuikĩ: —Macedônia inũ Acaia mai pakea anu kashũ ikũwaĩbu ana uĩkubaũtani Jerusalém anu ana ẽ kashanaii. Hari kashũ hatu uĩtani Roma anuaburi Deusũ ea yunuaiwẽ taea ẽ hatu uĩ kakatsis iriaii— itã

Hechos 25:10

Paulõ kemakĩ: —Haskamaki. Huni betsa tibi miã mĩ unãti wanũ Romano shanẽ ibuhaira Césarn mĩ habiaska watanũ mia yunuimaki. Haskakẽ na habiatiã mĩ ea unãti watiruki. Haskakẽ enabu judeubu ẽ hawa txakabuwama iyama ẽ mia tapĩmashuki.

Romanos 15:26

eska hatu washũxinabu ẽ hatu bushuainã. Habubetã nũ Jesus ikũwaĩbu Macedônia mai pakea anushũ inũ Acaia mai pakea anushũ hatu merabewakatsis ikĩ hatukiri yubakatã hatũ pei itxawatã Jesus Cristo ikũwaĩbu nuitapaibu Jerusalém anuabu inãkĩ habũ ea yunuxinabu ẽ hatu bushũyukatsis ikaii.

Romanos 16:5

Ha inũ, habetã Jesus txibaĩ hatũ hiwe anu itxamisburi habiaskari ẽ hãtxa ea hatu yuishũriashãkãwẽ. Ha dikabi Ásia mai pakea anushũ ha dukũ Cristo ẽ ikũwãmani ẽ haibuhaira Epêneto ẽ hãtxa ea yuishũriashãkãwẽ.

1 Coríntios 16:15

Ẽ betsabu inũ ẽ puibuũ, Acaia mai pakea anushũ Estéfanas inũ habe hiweabũ habu dukũtũ Jesus ikũwãkĩ taewanibũ ikũwaĩbu dasibiwẽ nuikĩ hatu merabewakubaĩmisbu mã unaiĩ.

2 Coríntios 1:1

Ẽ Paulo Jesus Cristõ kuxipayawakĩ Deusũ hawẽ xinãnẽ ea katunikẽ nukubetã ikũwaĩ nukũ betsa Timóteobetã ẽ Paulõ ẽ ana matu kene bumaii. Deusunabu Corinto mae ewapa anushũ mã ikũwaĩbu inũ dasibi nukubetã Jesus txibaĩbu Acaia mai pakea anu manibaunabu ẽ matu kene bumai uĩrashãkãwẽ, haska mã unãnumamẽkainã.

2 Coríntios 11:10

Matu merabewakatsi iki matuwẽ nuikĩ matũ pei ẽ bisma yuikĩ hãtxa txanima besti ẽ yuiai Cristõ unãyã hawara ẽ yusĩmis ẽ hawẽ keaĩ Acaia mai pakea anu maniabu tsuabũra ẽ hãtxa nematirubuma ishãkanikiki.

2 Coríntios 11:26

Haska inũ, Jesusũ kakapekiri yusĩ nũ kakũkaunai haska tibi mese ẽ binukubaĩmis matu ana yuinũ nĩkakãwẽ. Ẽ hene pukei kaya hawaira bai mata bekĩ ea shashu narabea inũ maĩ pukei nua maeshbaĩ hasai ẽ mawakeãkũkainiki. Ha inũ, maĩ ẽ kaya yumetsubũri ea mesewatã ẽ hamapai ea bianibuki. Ha inũ, enabu inũ enabumã ea itxakawakĩ ea date date akubaĩyamabuki. Ha inũ, mae ewapa tibi anushũ inũ hanu hiweabumanushũ hunibũ ea itxakawanũbũ yuinaka pianãbũ ea pikeãyamaki. Ha inũ, iãnẽwanu niwe shashuwẽ ẽ kaya niwẽwã mese bekĩ ea datekubaĩyamaki. Ha inũ, nukubetã ikũwaĩbu habũ ikũwãtxakaibũ ea bikawakĩ ekiri txanitxakubaĩyamabuki.

1 Tesalonicenses 2:14

Hamẽ betsarã, Jesuswẽ taea ẽ betsabu inũ ẽ puibuũ, Judéia anushũ judeubũ hawenabũ Jesus ikũwaĩbu hatu itxakawabu Deusũ bake Jesus Cristo ikũwaĩ yumanibu keskai habiaskari wakĩ matunabũri matu itxakawabu maturi mã nuitapaimabuki.

Santiago 2:6

Matubunã, xinãkãwẽ, habuwẽ datekĩ mã haska hatukiri xinaĩnã. Ha yura mabuwãyãbu mã duawairã, habunã, matu itxakawamisbuki. Ha inũ, habiabũri matu atxishũ sharabaĩkĩ shanẽ ibubu matu inãmisbuki.