Hechos 17:32 - Kaxinawá Bíblia (BR)

³² mawa ana bestẽtirubukiri nĩkatã betsabũ kashe waibũ hanushũ betsabũ kashe wama yuikĩ: —Nũ ma haska nĩkashuki. Betsatiã nũ ana mia nĩkatiruki— akaibũ

Kashinawa : Diosun Jesúswen taexun yuba bena yiniki

³² mawa ana bestentidubukidi ninkatan betsabun kaxe waibun januxun betsabun kaxe wama yuikin: —Nun ma jaska ninkaxuki. Betsatian nun ana mia ninkatiduki— akaibun

Hechos 17:32 Referencias Cruzadas

Gênesis 19:14

hanua Ló kaĩkaini ha hunibu hatu dais wakatsi ikĩ hatu yubaima i kashũ hatu yuikĩ: —Senhor Deusũ na mae samama yamawaikiaki, hatũ txakabuwẽ kupikinã. Bestẽtã nenua hawaira bukãwẽ— hatu wa hawẽ hãtxa ikũwãbuma hatu kashe wai dabanẽ ikaibũ

Lucas 14:18

dasibibu beparamekĩ ha dukũtũ yuikĩ: “Bai wakatsi huni betsã bai ẽ biãshuki. Ẽ ha uĩyui kai ẽ habetã piyuamaki, ea yuishũyutãwẽ”, ikaya

Lucas 22:63

habianushũri habũ Jesus atxibirã itxakawakĩ besu beputã kashe wakĩ kuxa kuxa akĩ yuikĩ: —Tsuã mia kuxaimẽkaĩ? Unãtã nuku yuiwe— akubaĩkĩ

Lucas 23:11

Jesusũ hawa ha yukaikiri hatube hãtxama kutashna nikẽ hawẽ soldadobubetã Herodesĩ Jesus itxakawakĩ kashe wakĩ betsa betsapa watã shanẽ ibu keska wakĩ tima tari hawẽrua sawematã hawawẽ haska watima ana hawẽri Herodesĩ Pilatos anu Jesus yunua iyuabu

Lucas 23:36

hi besha sapaki kenekĩ: “Narã, judeubũ shanẽ ibuhairaki”, akĩ kenea Jesus mamaki mastashũ soldadobũ txaima ha dapishũ kashe wakĩ vinho hene muka amapaikĩ yuikĩ: —Mĩ judeu shanẽ ibu kayabimẽkaĩ? Nuku unãmai mimebi pashai buturikaĩtãwẽ— ariaibũ

Hechos 13:41

‘Matunã, uĩrakãwẽ. Deusũ atimaska betsa betsapa akubainikiri matuki txanibiaibũ nĩkabiakĩ danaĩ Deuski kashei shetxakakĩ mã ikũwãkatsi ikamaki’, atã nuku keneshunibuki— hatu watã

Hechos 17:18

hanua huni betsa unãnepabu epicureubũ yuikĩ: “Tsuawẽ nuiama hawara mĩ abuai besti aki pe hiwekũkaĩtiki”, ikĩ xinãmisbu inũ huni betsa unãnepaburi estóicobũ yuikĩ: “Hawawẽ benimama, hawẽ yurawẽ nuiama pe hiwekũkaĩtiki”, ikĩ xinãmisbu Paulobe yuinamei kemanameriaibũ habu betsã txitekĩ yuikĩ: —Na txikix hãtxãwainã, harakiri hãtxai ikimẽkaĩ?— ikaya betsã yuikĩ: —Paulonã, eska yui ikikiaki. Deusũ Messias Jesuskiri inũ yurabu dasibi mawa ana bestẽshanaibukiri txanirã— ikaya haskakenã: —Mekenika yushĩ betsa betsapa nũ hawa unãriabumakiri hawẽ nuku benimawanũ ika ikiraka?— ikaibũ

Hechos 17:31

Huni betsa katushũ yurabu anu yununi mawa bestẽwãkĩ yurabu dasibi hawẽ kuxipa hatu uĩmaniki. Haskawẽ taeshũ ha shaba ma Deusũ katuni anu ha huni katuniwẽ taeshũ yura dasibi mai hirabi anu hiwebaunabu hatu unãti wakeakekĩ keyutã Deusũ hawa kaneama hatu kupishanikiki— hatu wa

Hechos 17:33

hanushũ Paulõ hatu henebaini kaya

Hechos 2:13

hakia huni betsabũ hawa xinãmari hatu kashe wakĩ ikaibukiri hatu yuikĩ: —Paẽa daki hãtxai ikanikika!— ikaibũ

Hechos 24:25

hiwea pepatikiri inũ ibubis pe meketikiri inũ dasibi txakabu Deusũ kupishanaikiri Paulõ hatu hãtxa wakĩ yusĩaĩ nĩkai datekĩ Félixsĩ nitxĩkĩ yuikĩ: —Kayuwe, xinãshũ ana ẽ daya hayamatiã ana mia nĩkakatsis ikĩ ẽ mia ana kenashanairã— atã

Hechos 25:19

hakia haska judeubũ hiwea beya kẽwãmisbu hatu maewamai inũ huni betsa Jesus mawabiani ana hiweaki, akĩ Paulõ hatu yuimis besti hakiri txiteaibu ẽ nĩkashinaki.

Hechos 26:8

—Haskakĩ mã ikũwãbumamẽ, matubunã, mawabu Deusũ ana hatu bestẽwãshanairã?— iwanã

1 Coríntios 15:12

Hamẽ betsarã, Cristo mawaxina Deusũ bestẽwanikiri nũ matu yusĩbiamiskẽ haskakĩ: “Mawabũ yura ana besteãma ishanikiki”, iwanã, hatiritũ xinãkĩ Corinto anushũ yuimisbumẽ? Mã haska xinaĩbu matu ana yusĩnũ nĩkairakãwẽ.

1 Coríntios 4:10

Nukurã, mã haskara nukukiri xinaĩ? Cristowẽ taea nũ tatĩmakenã, hakia maturã, Cristowẽ taea mã unãnepakiaki. Hamẽ nukurã, nũ babuki. Hakia maturã, mã kuxipakiaki. Nukurã, nuku itxakawakanikiki, nukuki meseamarã. Hakia maturã, matu kẽwaĩ matuki mesemisbukiaki.

Hebreus 11:36

Ha inũ, betsabũ Deusũ hãtxa ikũwãmisbu nuitapawakĩ hatu kashewakĩ betsabu kuxa kuxa akĩ betsabu mane dispiwẽ neshatã hatu bitximapaunibukiaki.

Hebreus 13:13

Haskakẽ Jesus anibu keska wakĩ nukuri nuitapa wakĩ dakewaibu ha bai Jesusũ nuku tatesshũbaini txibãkĩ judeubũ beya ana xinãma nuitapabiai dakeama ikubainãkãwẽ.