Hechos 16:22 - Kaxinawá Bíblia (BR)

²² hanushũ yurã kaiã mapubaunabũri haska nĩkai sinatai habũri hatu txiteaibũ hatukiri haskaibuwẽ taeshũ hatũ shanẽ ibu pewanikabũ hau hatũ tari pekatã hi siriwẽ hau hatu kuxa kuxa anũbũ hatu yunuabu

Kashinawa : Diosun Jesúswen taexun yuba bena yiniki

²² januxun yudan kaian mapubaunabundi jaska ninkai sinatai jabundi jatu chiteaibun jatukidi jaskaibuwen taexun jatun xanen ibu yununikabun jau jatun tadi pekatan ji sidiwen jau jatu kusha kusha anunbun jatu yunuabu

Hechos 16:22 Referencias Cruzadas

Mateus 10:17

Mã ẽ kakapekiri hatu yusĩawẽ taeshũ ikũwãbumã matu kupinũ, iwanã, hatũ mae shanẽ ibu anu matu iyushãkanikiki. Ha inũ, hatũ itxati hiwe anushũ ekiri mã hatu yusĩaĩbu betsabũ matu kuxa kuxa ashãkanikiki. Uĩrashãkãwẽ.

Mateus 27:26

hanushũ Pilatõs hatu daewakĩ Barrabás hatu tashnimashũtã Jesus hatu kuxa kuxa amatã hau hiki mastatanũbũ hawẽ soldadobu yunua

Lucas 12:11

Haska inũ, matuki sinatakĩ hau matu kupinũbũ hatũ itxati hiwe anu kasmai shanẽ ibu betsa anu kasmai matu iyushũ hatũ shanẽ ibubu anu matu nitxiãbu: “Harakiri yuishãpa?” iki dateyamashãkãwẽ.

Hechos 16:37

hakia Paulo kaĩtã shanẽ ibũ tsumabu yuikĩ: —Nuku dabe Romano documento nũ hayabiakẽ txanima nuku hawa yuka pewama e iskaũ huni dasibibũ berubi nuku kuxa kuxa matu amatã nuku bitxixinabuki. Ikis natiãri huneri nuku kaĩmakatsis ikanimẽkaĩ? Haskamaki, hau habũ ibubis nuku kaĩmai benũbũ hatu yuitãkãwẽ— hatu wa

Hechos 17:5

hakia judeu shanẽ ibu betsabu habũ ikũwãkatsi ikama Paulo inũ Silasĩ hatu binuaiwẽ taeshũ hatuki sinatakĩ huni txakabu txikixbu hatu itxawatã hatu pei inãtã yura dasibibubetã hau hatu itimaska wabaĩ Paulo inũ Silas atxishũ mae shanẽ ibubu hau inãnũbũ hatu yunuabu haskai berukubaĩkĩ hatu mesewakĩ datebaĩkĩ dasibi itimaskakaĩ Jasomẽ hiwe anu ha hunibũ Paulo inũ Silas benakeakebaini ha hiwe anu hikitã

Hechos 18:12

hanua ha mai pakea Acaia anu hatũ Romano shanẽ ibu Gáliõ hatu shanẽ ibushunaya judeu shanẽ ibubũ Paulo ha akĩ txitenũ ishũ atxishũ hanushũ Gáliõ tsaushũ hatu unãti wamis anu Paulo iyushũ

Hechos 5:40

—Peki— iake iaketã Jesusũ kuxipayabu hatu ana kenashũ itxakawakĩ hi siriwẽ hatu kuxa kuxa ama bestitã ana hau Jesuskiri hatu yusĩyamashanũbũ ha akĩ hatu nemahaira bestitã hatu nitxĩkĩ heneabu

2 Coríntios 6:5

Eska tibi nuku wabu meirã, nuku unãbumã nuku kuxa kuxa akinã, nuku bitxikinã, nukuki shukubirã hãtxa txakabuirã, daya kuxipa meirã, usha tenekĩ buni tenetã nũ Deus dayashũkũkaĩmiski.

1 Tesalonicenses 2:2

Ha inũ, matu anu nũ hikiriamakẽ Filipos anushũ nuku itxakawakĩ nuku nuitapawaimabu mã unãriaii. Nuku bika tenemabiaibũ Deusũ nuku kuxipa wakubaina hawẽ kakape nũ matu yusĩkubainimaki.

Hebreus 11:36

Ha inũ, betsabũ Deusũ hãtxa ikũwãmisbu nuitapawakĩ hatu kashewakĩ betsabu kuxa kuxa akĩ betsabu mane dispiwẽ neshatã hatu bitximapaunibukiaki.

1 Pedro 2:24

Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.