Hechos 16:16 - Kaxinawá Bíblia (BR)

¹⁶ Hanua shaba betsatiã hanu Deusbe hãtxamisbu anu ana Deusbe hãtxanũ ika nũ kaya txipax yushinĩ bebũkiri unãmamiskẽ ha txipax huni betsabũ tsumapã hatu unãshũkĩ hawẽ tsumabu pei mirima hatu bishũmiskẽ txaima haki nukutã nũ daĩbainaya

Kashinawa : Diosun Jesúswen taexun yuba bena yiniki

¹⁶ Janua xaba betsatian janu Diosbe janchamisbu anu ana Diosbe janchanun ika nun kaya chipash yushinin bebunkidi unanmamisken ja chipash juni betsabun tsumapan jatu unanxunkin jawen tsumabu pei midima jatu bixunmisken chaima jaki nukutan nun dainbainaya

Hechos 16:16 Referencias Cruzadas

Isaías 8:19

Hakia huni betsabũ matu yuikĩ: “Mawabũ yushĩbe hãtxamisbu yukakãwẽ. Ha huni mukayabu hatũ yushĩbe hãtxai shei ikawẽ tsuã nĩkatirumawẽ hãtxamisbuki. Yurabu hatũ yushibube hãtxakinã, mawabũ unanepa hãtxa yukatimamẽ, hiweabunã,

Hechos 16:13

hanu judeubu itxamisbu hiwe hayamakẽ sábado huĩrukũtitiã mae anua kaĩkaini hene keshashũ Deus kẽwãkĩ hanushũ Deus kuxipa yukamisbu anu kai aĩbus itxamisbuki nukutuxitã hatube tsaushũ Deusũ Katua Jesus mekenãkiri nũ hatu yusĩkĩ taewaibũ

Hechos 16:18

shaba tibi hawẽtxaĩs bestikima nukukiri yui hãtxakũkainaya Paulõ haska nĩkai ma bika teneshũ dabeketã ha txipaxki yushĩ hikini yuikĩ: —Jesus Cristõ kuxipawẽ ẽ mia yunuai ha txipax anua kaĩriwe— aka haska was ha yushinĩ hawaira henebainaya

Hechos 16:19

ana ha txipax yushĩyãkĩ pei ana hatu bishũtiruma hawẽ tsumabũ ana hawawẽ haskatima unãtã Paulo inũ Silaski sinatakĩ atxibaĩkĩ hatũ mae namakis hemaĩtĩ anu hatũ shanẽ ibubu bebũ iyukĩ sharabaĩ

Gálatas 5:20

Haska inũ, yushĩ txakabu kẽwãkĩ hawẽ kuxipawẽ daunãnãkinã, yurabu hãtxaibu hatu nemakinã, kũyã ikirã, hawenabuwẽ nuiamarã, hawara betsa hayawẽ taeshũ hatu binũkatsis ikĩ danãkinã, yura betsabuki hawaira sinatakinã, hatuki ha ikĩ hatu sa akĩ keyukinã, ibubis hawara pepa bikĩ xinã betsa betsapa wai hiweabuki.

1 Timóteo 6:10

Pei inũ maburã, hatũ kemuti pae txakabũ hatu atxia hanu hayaki. Haska mabu inũ peiwẽ kemui Jesus Cristo ikũwaĩbu bestibu has besti dayanũ ika haska abuai hatũ xinã pe henetã ana Jesus Cristo ikũwaĩ xinãma ma hakimawẽ taea hanua hakiri hawẽ txakabu betsa betsapa tashnibirãkĩ hatu nuitapawamiski.

2 Timóteo 3:8

Huni mukaya dabe Janes inũ Jambresĩ Moisés hãtxa beshtenũ ika inibu keskakĩ habu parananaĩbũ txanima hãtxari nemanũ ika ha hunibu hatũ xinã pema inũ ikũ kayabi wama hamakiri kanekanikiki.

2 Pedro 2:3

Habunã, matũ pei itxapa binũ ishũ txani hãtxa yusĩkĩ matu parãkĩ itxakawashãkanikiki. Haskanũbariaibu ma bebũkiri Deusũ hatu kupini hawa betsa waismawẽ taeshũ tsuã Deus hatu daewashũtirumawẽ taeshũ Deusũ hatu kupikatsi manayuikiki.

1 Samuel 28:3

Ma Samuel mawakẽ hawẽ nui Israelĩ enabu mae tibi anua kashanũ ika beshiã haya kashakubaini maĩtã ha mae Ramá anu hanua kaini anu maiwashinabũ yushibube hãtxakĩ haskashanai bebũkiri unanikabu inũ tsuara mawa hawẽ yushĩbe hãtxamisbu hawẽ maiwã pakea hirabi anua Saulũ hatu ha akĩ nitxĩmakẽ

1 Samuel 28:7

haska wa haskatima Saulũ hawẽ shanẽ ibu beshmasbu yunukĩ yuikĩ: —Hari kashũ ẽ yukai kanũ haniara aĩbu mawabũ yushĩbe hãtxamismẽkaĩ, ea benashũbaũtãkãwẽ— hatu wa hawẽ shanẽ ibu beshmasbũ Saul kemakĩ yuikĩ: —En-Dor anu mawabube hãtxamis aĩbu hiweaki— akabu