Hechos 15:3 - Kaxinawá Bíblia (BR)

³ nitxiãbu bui Fenícia mai pakea inũ Samaria mai pakeakiri bukĩ judeubumã haska hatũ xinã txakabu henetã Jesus txibãxinabukiri hatuki txanikubainaibũ mae tibi anushũ ikũwaĩbũ haska waxinabukiri habũ kaka nĩkai benimatxakayamakubainaibũ

Kashinawa : Diosun Jesúswen taexun yuba bena yiniki

³ nichianbu bui Fenicia mai pakea inun Samaria mai pakeakidi bukin judiobuman jaska jatun shinan chakabu jenetan Jesús chibanshinabukidi jatuki chanikubainaibun mae tibi anuxun ikunwainbun jaska washinabukidi jabun kaka ninkai benima chakayamakubainaibun

Hechos 15:3 Referencias Cruzadas

Lucas 15:32

Haskabiakẽ mĩ betsa mashku mawa keska ixiã ma ana hiwea keskaki. Uatiã benuxina ikis nũ ma betxiawẽ taea benimai nũ beyusi nawai pehairaii”— hatu watã

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

Hechos 13:48

hanushũ hatu haska wai nĩkatã judeubumã nĩkai xinã txãkaĩ benimakĩ yuikĩ: —Deusũ kakape pehairaki— ikaibu dasibi habu Deusũ katushũ hiwekuĩa hatu inãshanai habuã Jesus ikũwãnibukiaki.

Hechos 13:52

Hakia habũ Jesus ikũwaĩbu Antioquia anuabu Deusũ Yushĩ Pepatũ hatu merabewaya benimahairakubainibukiaki.

Hechos 14:27

keti itã mapekexinabũ hanushũri Jesus ikũwaĩbube itxashũ bukubauni haskatãxinabu inũ habu judeubumã hau habũri Jesus ikũwanũbũ natiã Deusũ hatu kenaya shabakabi haska hatu yusĩkubaũtãxinabu dasibi hatuki txanitã

Hechos 15:1

habiatiãri habũ Jesus ikũwaĩ judeubu betsa Moisés yusĩa txibãkĩ abuhairamisbu Judéia anua Antioquia anu buxĩshũ Jesus ikũwaĩbu habũri hatu yusĩkĩ: “Judeubumã tsuabũra mã nukubetã Jesus ikũwaĩburã, Moisés nuku yununi beya habũ hina kubitxi biabumarã, Deusũ hatu meketirumaki”, iki hatukiri hãtxaibũ

Hechos 15:12

hanua dasibibũ haska nĩkai pes nesei keyutã ana hawa yui hãtxabumakẽ hanushũ Barnabé inũ Paulo Deusũ hatu merabewaya judeubuma anushũ dami atimaska betsa betsapa hatu uĩmakubainimakiri hatu yuikĩ

Hechos 15:22

hanushũ Jesusũ kuxipayabu inũ mekenikabu inũ ikũwaĩ dasibibũ Tiagõ hãtxa nĩkakĩ abutã Antioquia anu Paulo inũ Barnabébe hau butanũbũ habubetã ikũwaĩbu anua huni dabe unãnepa Judas hawẽ kena betsa Barsabás inũ Silas katutã

Hechos 15:32

Jesusũ kuxipayakĩ Judas inũ Silasĩ Deusũ hãtxa pe hatu meshtamamiswẽ taeshũ ikũwaĩbu hatu merabewakĩ hatu benimawaya ikũwaĩbũ habũ hãtxa abuhairaibũ

Hechos 15:4

hanua Paulo inũ Barnabé inũ hatube buaibu Jerusalém anu hikiabu Jesusũ kuxipayabu inũ, mekenikabu inũ, dasibi Jesus ikũwaĩbu betsabũ hatu i pewatã hatube itxabu Deusũ hatu merabewaya judeubuma Jesuskiri hatu yusĩayã habũri ikũwãkubaĩxinabukiri Paulo inũ Barnabébe hatuki txaniaibũ

Hechos 17:15

hanua ikũwaĩ betsaburi Paulobe niwe shashuwẽ bui mae ewapa betsa Atenas anu txaihaira iyushũ nitxĩtanabu Paulõ hatu yuikĩ: —Silas inũ Timóteo hau hawairabirã hau eki nukuri benũbũ ea hatu yuishũtãkãwẽ— hatu wa txĩtũbainaibũ

Hechos 20:38

“Ana mã ea uĩyama ishanaii”, ikĩ hatu yuishuwẽ taea hawẽ nuitxakayamai ana benimama punu nukatã habiaskabia nitxĩnũ ika iãnẽwã kesha anu shashu anu Paulo iyuabũ

Hechos 21:5

hanua sete dia ma keyuaya: “Ẽ ma kaii”, nũ hatu wa nuku nitxĩnũ ika hatũ mae anua habũ ikũwaĩ hunibu inũ hatũ aĩbuaibu inũ hatũ bakebuya dasibibũ nuku txibãbirã iãnẽwã kesha anu bea maxĩ nukube dãti itã nukubetã Deus kuxipa yukatã

Hechos 28:15

Roma anushũ ikũwaĩbũ nũ huai bana nĩkatã bai putxinĩ nukuki nukukatsi beaibũ hanua inãnanãmisbu hawẽ kena Ápio anu nũ hatuki nukua nukube ana bui txĩtũbainaibũ mae betsa hawẽ kena Três Vendas anu ikũwaĩbu betsa beaibukiri nũ hatuki nukuria haibu itxapabu uĩ Paulo benimai xinã txãkãkĩ Deus kẽhairawaya

Hechos 8:14

hanushũ haska habũ Samaria anushũ Deusũ kakape Jesuskiri hãtxa ikũwãkĩ ma txibaĩbũ haska kakaibu Jerusalém anushũ nĩkatã Jesusũ kuxipayabũ hau Pedro inũ Joãonẽ hatu merabewatanũbũ hatu hari nitxiãbu buabũ

Romanos 15:24

samama ẽ matu uĩ kakatsis ikairã. Hari kairã, Espanha mai pakea anu kakatsi mã Roma anuabu hanu dukũ matube uĩnanaĩ benimatã habianua eskarabes matube merabenãtã hanua unuri ẽ kaya matũri matũ hawarawẽ mã ea merabewa Espanha anu ẽ katiru ẽ xinaiĩ.

1 Coríntios 16:11

Matubũ tsuãra danãma duawakĩ hamapai tibi bikatsis ikai merabewakĩ inãtã benimawakĩ unãnuma hau eanu hunũ nitxĩshãkãwẽ, nenushũ ikũwaĩ betsabubetã hatubetã ẽ manairã.

1 Coríntios 16:6

Matu anu kabia ẽ hĩ hĩ ikaĩkatsi ikamaki. Hamẽ nukũ Shanẽ Ibũ ea nemama ushe dabe kasmai ui debuaya matube hiwekatsi iki hawaira ẽ kakatsi ikamaki. Hanushũ ea duawakĩ ea merabewakĩ harakirira ẽ kaya mã ea nitxĩkĩ pewatirubuki.

2 Coríntios 1:16

Macedônia mai pakea anu hiweabu dukũ uĩatãbaini hanua matuki bakĩ matu benimawatã hanua txĩtũkirani hui matuki ana bakĩ ana ẽ matu benimawaya hanua Judéia mai pakea anu hiweabu anu ẽ kaya matũri mã ea merabewatiru xinaĩ: “Ẽ matuki bai kashanaii”, matu watã ẽ haska matu keneshunimaki.

Tito 3:13

Nukũ haibu Zenasĩ governo yunuti inũ hawẽ nemati unãhairai inũ yusĩnã Apolo mia anu kai hikixina hanua kaya hau bui nuitapayamanũbũ ana hatũ hamapai ikũwaĩbu hatu inãmakĩ hatu merabewamashãwẽ, hau haya butanũbunã.