Hechos 15:28 - Kaxinawá Bíblia (BR)

²⁸ Hakia haska mã judeubumãri Jesus ikũwaĩ unãnuma mã hiwenũbũ Deusũ Yushĩ Pepatũ nuku xinãmaya ana nukũ beyakiri hawa betsa matu yunuama na besti nũ matu nemai nĩkakãwẽ, mã judeubube berabinãrabeyamanũbunã.

Kashinawa : Diosun Jesúswen taexun yuba bena yiniki

²⁸ Jakia jaska man judiobumandi Jesús ikunwain unanuma man jiwenunbun Diosun Yushin Pepatun nuku shinanmaya ana nukun beyakidi jawa betsa matu yunuama na besti nun matu nemai ninkakanwen, man judiobube bedabinandabeyamanunbunan.

Hechos 15:28 Referencias Cruzadas

Mateus 11:30

Hanua ebe hi tekishkũrabea keskashũ hawara bikahaira ana tenehairama ebe merabenaĩ nũ shãkapa aka wabaĩtirubuki— hatu anikiaki.

Mateus 23:4

Haskawẽ taeshũ habunã, shãkamahaira matu iama keska wakĩ yusĩa tsuã txibãtiruma matu yusĩbiakĩ habias yusĩa habũri txibãtirubumaki, haska matu yusĩaĩbu keska hiwekĩ matu uĩmamarã.

João 16:13

Hakia txipu Yushĩ Txanima Unãmanika hushũ txanima dasibi matu yusĩkĩ meshtãmashanikiki. Hawẽ xinãnẽ hãtxama hakia ekiri dasibi nĩkatã hawara ishanairi matu shabakabi unãmashanikiki.

Hechos 15:19

—Haskawẽ taeshũ nũ xinãnũbũ matu yuinũ nĩkakãwẽ. Judeubumã hatũ xinã txakabu henetã Jesus ikũwãkĩ Deus txibaĩbu haska nũ judeubu nukũ beya txibaĩ nũ hiwemis yunukĩ hatu bikawayamanãkãwẽ.

Hechos 15:25

Haskawẽ taeshũ nukũ nũ matu merabewanũ ishũ habias xinã itxawatã nukubũ nũ xinã pekẽ hau habũri haskakiri matu merabewashanũbũ ishũ nuku anuari huni dabe katutã nukũ haibu Barnabé inũ Paulobe nũ habube nitxiaiĩ.

Hechos 15:8

Ha Romano shanẽ ibu Cornéliõ hiwe anushũ ẽ hatu yusĩayã habũ Jesus ikũwaĩbu Deusũ dasibi nukũ xinã unãmistũ ha judeubumari hawenabu wakĩ ikũwãmakĩ nuku keskari wakĩ kuxipa wakĩ hawẽ Yushĩ Pepa hatu inãkĩ hatu atximayamaki.

Hechos 16:4

Hanua bukubaĩkĩ judeubu inũ judeubumã Jesus ikũwaĩbu mae tibi anua hau hatũ beyakiri yusĩ bikanameyamakubainũbũ Jesusũ kuxipayabu inũ mekenikabu Jerusalém anushũ hatu nemakĩ keneshunimabu hatu yusĩ txanikubainaibũ

Hechos 5:32

Na haskarã, Deusũ haska waima nukũ besti nũ unaiĩ. Ha dikabi Deusũ Yushĩ Pepatũ unãriaikiki, haska habũ nũ txibaĩbu Deusũ nuku inaĩmarã— hatu wabu

1 Coríntios 14:37

Haskakẽ tsuabũra xinãkĩ: “Deusũ Yushĩ Pepa haya hawẽ hãtxa ẽ shabakabi yuishũtiruki”, iwanã, ẽ kene uĩkĩ: “Nukũ Shanẽ Ibũ Paulo nuku yusĩmaniwẽ taea yusĩa pepaki”, iwanã, unãshãkanikiki.

1 Coríntios 7:25

Hamẽ betsarã, beneyariabumakiri mã ea yukaima haskakiri nukũ Shanẽ Ibũ ea yunuamabia ewẽ dabanã ikĩ ea duawa hawẽ kuxipawẽ yununikai ẽ txĩtuãmawẽ taeshũ matukiri haska ẽ xinaĩ matu yusĩnũ nĩkairakãwẽ.

1 Coríntios 7:40

Hamẽ aĩbu hawẽ bene mawakẽ ana bene betsa bikatsi ikama ikũwã besti benimai hiwetiruki. Haska Deusũ Yushĩ Pepatũ ea xinãmaya haska xinãkĩ ẽ matu yusĩaiĩ.

1 Tesalonicenses 4:8

Hanushũ tsuabũra na yusĩa danãkĩ hunĩ yusĩa danãma hakia Deusũ hawẽ Yushĩ Pepa matu inãmis danãkanikiki.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

Apocalipse 2:24

Hamẽ Tiatira anushũ ha aĩbũ yusĩa danãkĩ Satanásã xinã hunea hawẽ kuxipawẽ dayanũ ishũ hatiribũ mã unãkatsi ikabumarã, mã pekẽ matukiri ẽ ana hãtxa hayamaki.