Hechos 15:18 - Kaxinawá Bíblia (BR)

¹⁸ Haska bebũkirihaira ẽ Yavé Deus hãtxakĩ hatu yubairã, txanima ẽ hatu ashunũbariaii’, ikai nĩkatã nuku keneshuniki— iwanã

Kashinawa : Diosun Jesúswen taexun yuba bena yiniki

¹⁸ Jaska bebunkidijaida en Yavé Dios janchakin jatu yubaidan, chanima en jatu axununbadiaii’, ikai ninkatan nuku kenexuniki— iwanan

Hechos 15:18 Referencias Cruzadas

Isaías 44:7

Tsuã ẽ akai keska atiru hayamẽ? Ha haska haya hãtxakĩ hau ea tapĩmanũwẽ. Dami wakĩ taewani inũ u unu iki kai inũ ma hawara tashni kema bebũkiri yuikinã, tsua txanikĩ yuitirumẽ? Haskarã, tsua hayamaki. Eã besti ẽ atiruki.

Isaías 45:21

Mã haratura dami yushĩbe hãtxakĩ yukakatsi ikairã, haska matu ashũtirumẽkaĩ, betsa tibi meakeakei habe hãtxakĩ unãti wakĩ unãkãwẽ. Na haska tibi inũbariairã, bebũkirihairarã, tsuã yui txaninimẽ? Ea besti ẽ ikama inimẽ, Senhor Deusrã? Deus kayabi betsa ea keska hayamaki. Deus kushipahaira maemakĩ mekekĩ binumanika tsua ea keska hayamaki.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Hechos 17:26

Xinãkãwẽ, eskakirã. Na mai hirabi anu nũ hanu hiwebaũshanũbũ Deusũ huni bestitxai dukũ Adão dami watã hawẽ taeshũ dasibi nawa betsa betsapa pawanikiaki. Na nenu mai anu hatiãra inũ hanira nũ hiweshanũbũ ma hanu tibi nuku mae pewashuni anu nũ ikabuki, na habia mae anu nũ hiweaburã,

Efésios 1:11

Haska wanũbarikatsi Deusũ bebũkiri Cristowẽ nũ judeubu dukũ nuku katuniki, haska Deusũ hamebi xinaĩ keskawẽ nuku duawaya nũ hawenabu ipakeshanũbunã.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Efésios 3:9

Deus dasibi damiwanitũ hawẽ xinã meribi bari itxapa hunenitũ ẽ matu dasibi unãmanũ haska shabakabi wakatsis ikĩ Deusũ matu anu ea yununiki.

2 Tesalonicenses 2:13

Ẽ betsabu inũ ẽ puibuũ, Deus matuwẽ nuikĩ matu abukĩ bebũkirihaira matu katuniwẽ taeshũ txanima hawẽ pashati mã bishanai hawẽ Yushĩ Pepatũ matu merabewai kai ma matukiri pewanikẽ txanima mã ikũwãyã haskawẽ taeshũ matu meribi waniki. Mã haskakẽ Deus nũ matukiri pe kẽwãshũkubainaii.

1 Pedro 1:20

Ha inũ, nai inũ mai damiwakĩ taewariama Messias Cristo yununũbarikatsi Deus bebũkiri yubakanikẽ hanu ma bari hawẽ heneaitiã ma kemaya matu merabewanũ ika Jesus tashninikiaki.

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Apocalipse 17:8

Yuinaka mese atimapahaira mĩ uĩshurã, bebũkiri hiwebiani natiã ana hiwea hayamabia haskabia ana hawẽ henei Deus kupimakĩ keyumayui kini keyatapa shãkĩhaira anua mapekei tashnia Deusũ yamawashanikiki. Haskakiranai mai damiwaitiã tsuabura Deusbe hiwekuĩshanaibu unaki Deusũ habũ kena netãma ini yuinaka mese atimapahaira mawabiani ana ũ unuatiã hiwea mapekea habũ uĩkĩ yui: ‘Habaa! Hawamẽ?’ ishãkanikiki.