Hechos 14:15 - Kaxinawá Bíblia (BR)

¹⁵ —Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Kashinawa : Diosun Jesúswen taexun yuba bena yiniki

¹⁵ —Junibuun, ¿jawakin man nuku jaska wai? Nuku jaska wayamakanwen. Nukudan, matu keskadi nun jabias juniki. Ja yushin dabe man kenwanmistun matu jawa waxuntidumaki. Jaskawen taexun man kenwanmis jenetan Dios jiweatun nai inun, mai jidabi inun, ianenwan dasibi inun, janu jiweabu dasibi damiwani matun shinan betsa watan man kenwankubainxanunbun jakidi jawen bakekidi kakape matu yusintanun ika nun jushianki.

Hechos 14:15 Referencias Cruzadas

Gênesis 1:1

Deusũ nai inũ mai dami wakĩ eska wakĩ taewanikiaki.

Gênesis 41:16

José kemakĩ: —Peki, haska mĩ ea yuiairã. Emebi ẽ unãmatirumaki. Hakia mĩ nukũ shanẽ ibuhaira ẽ mia yuinũ ẽ mekenika Deus kushipa dasibi binuatũ ea unãma ẽ miki txanitiruki, ewẽ taeshũ hau mia merabewanunã. Mĩ haskara uĩ namashini ikimẽkaĩ ea yuiwe— aka

2 Reis 19:16

Senhor Deusuũ, ea uĩkĩ ea nĩkawe. Mĩ beru bepeshetã hawẽ hãtxa kene uĩwẽ. Mĩ mia Deus hiweaki mikiri hãtxa txakabukĩ mia danãkĩ kenea dasibi eanu Senaqueribẽ hatu bemashuki. Uĩwẽ.

2 Reis 19:4

Assíria shanẽ ibuhairatũ hawẽ tsuma Rabsaqué yunushina nukũ mekenika Deus hiweaki hãtxa txakabui shetxakai hawẽ detenamenika shanẽ ibu hãtxai mĩ mekenika Senhor Deusũ nĩkashumẽkaĩ”, ishũ, “Ẽ shinaiĩ. Hawẽ hãtxa nĩkashĩshũ Senhor Deus mĩ mekenikatũ hau ibubis hatu kupishanũwẽ. Nuku eskarabes nũ hiweyuabu Assíria nawabũ nuku atxiriama hau nuku merabewashanũ Senhor Deus dayuikĩ nuku yukashũwẽ, akĩ ea yuishũtãkãwẽ”, atã hatu yunua

Salmos 115:15

Senhor Deusũ nai dami wani inũ mai dami wanitunã, hau matu duawakĩ pepawakubainũwẽ!

Salmos 33:6

Senhor Deusũ hawẽ hãtxa bestiwẽ yunukĩ nai damiwaniki. Habias hawẽ hãtxawẽri shũ akĩ bari inũ ushe inũ bishi damiwaniki.

Isaías 45:18

Nai dami wanika Senhor Deusũnã, mai dami wakĩ tashnimaniki. Haska watã mestẽwaniki. Hatũ mai dami watanã, hau shaka bestiyamanũ yurabu dami wariatã hiwemakĩ yuikĩ: “Ea besti ẽ Senhor Deuski, betsa hayamarã.

Isaías 45:20

Senhor Deusũ ana yuikĩ: “Matu habu teshewayamabu hanira mã hiwebaunabuũ, dasibi ea anu itxai bekãwẽ. Hatira hawa unãbumã hatũ hi dami yushĩ iatã shuku dakabaini habe hãtxakĩ hawa hatu meketã piskumatirumabia hamẽ yukai hãtxawãmisbuki.

Isaías 46:7

Ma hatu meneshunabu bikĩ iawãshũ hanu tsaũti washina anu tsaũmisbuki, haska waimabu anua hawa shekei maetirumarã. Hunibũ hui kushipawẽ hatũ yushĩ dami merabewati hawara yuka txakayamabiabu hawa hatu kematiruma inũ bika teneaibu hawa hatu piskumatirumaki.

Daniel 6:26

Hanira ẽ hatu yunubaũmis anushũ Danielĩ mekenika Deus hawa danãma hau haki mesekĩ unãkubaĩshanũbũ matu dasibi ẽ hãtxa ẽ matu yunuaii. Danielĩ mekenika Deus hiweaki, ikibi ikarã. Shanẽ ibukũkainai tsuã keyukĩ yamawatirumaki, hawẽ kushipa hawa keyutirumarã.

Amós 2:4

Hanushũ Senhor Deusũ hawenabu Judákiri yuikĩ: “Judá enabũ mai pakea anu hiweabũ txakabu betsa betsapa akubainibuwẽ taeshũ hakimama hatu kupikĩ ẽ heneama ishanaii. Ẽ yunuti hãtxa inũ ẽ nemati hãtxa nĩkakĩ txibãkatsi ikabuma ea ẽ Senhor Deusũ ẽ yusĩti hãtxa danãkĩ habias yushibubu dami hatũ ibubũ kẽwãpaunibu na habias yushibubu kẽwãriakubainaibuwẽ taeshũ Judá enabũ mai pakea anu mae tibi kuabaũkĩ maewã Jerusalém anu shanẽ ibubũ hiwe hawẽrua betsa betsapa tibi txiwẽ ẽ hatu yamawamashanaii”, itã,

Jonas 2:8

Tsuabũra yushibu dami kẽwãkubaĩkĩ mia txibãkĩ henebaĩmisbuki.

Mateus 16:16

Simão Pedrõ kemakĩ: —Miarã, Epa Deus hiweatũ bake mĩ nukũ mekenika Messias Cristoki— aka

João 7:18

Hamẽ huni betsa ibubis hatu kẽwãmakatsi ikirã, yusĩnã pepai hawẽruamisbuki. Hakia hatũ ea yununi ẽ matu kẽwãmakatsis ikaiwẽ taea txakabuuma pepa besti yui ẽ txani txakamaki. Haskawẽ taeshũ tsuã ha yusĩakiri ekiri metutirubumaki.

Hechos 10:26

hanushũ Pedrõ nemakĩ metsũtã benikĩ yuikĩ: —Eki haskama beniriwe. Ẽ hawamaki. Mia keska ẽ huni bestiki— atã

Hechos 13:32

Na habias kaka pepa bexĩshũ nũ matu yuiairã, Deusũ nukũ shenipabu yubanirã,

Hechos 14:21

harishũri Deusũ hãtxa hawẽ bakekiri kakape hatu yusĩa hanushũ Derbe anushũ hatũ hãtxa abukĩ itxapabũ nĩkakĩ ikũwaĩbũ haria txĩtũkirani Listra inũ, Icônio inũ, Antioquia anu bekubirãkĩ

Hechos 14:7

harishũri Deusũ hãtxa kakape hawẽ bake Jesuskiri hatu yusĩriaibũ

Hechos 16:30

hanushũ kaĩmatã hatu yukakĩ: —Shanẽ ibubuũ, hanu kupiaitiã ẽ Deus daewakatsis ikaii. Haskapa, hau ea mekeshanunã?— hatu wa

Hechos 27:10

—Hunibuũ, haska ẽ xinaĩ matu yuinũ nĩkakãwẽ. Eã ẽ uĩaĩnã, nĩkamas nũ kaya niwe mesehaira bekĩ nuku shashu bitxia matũ shekiwã inũ nukũ mabu dasibi shashuyabi benui keyutiruki. Nukuri hasai nukũ hiwea nũ benuriatiruki. Buyamayunãkãwẽ— hatu wa

Hechos 27:21

natiã datekĩ hawa piabuma ikubainaibũ hanua Paulo hatu naxui ika benikaũ hatu yuikĩ: —Hunibuũ, ẽ hãtxa nĩkatã Creta anu mã baxikuxianã, bika txakabu mã meama ikeanaii.

Hechos 27:25

Hunibuũ, ana punu nukama benimakãwẽ. Eãnã, ẽ Deus ikũwãyã haska ea yubashu ashanai ẽ ha xinaiĩ, nũ haskai kai hawẽ nai tsumã ea yuishurã.

Hechos 4:24

haska hatu wakãshukiri nĩkatã dasibibũ Deus kẽwãkĩ yukakĩ: —Nukũ Epa Deusuũ, nai inũ, mai inũ iãnẽwã, inũ dasibi hanu hiweabu mĩ damiwani nũ unaiĩ.

Hechos 7:26

Hanua mexukiri betsatiã Moisés ana kashũ hawenabu Israelbu dabe ana detenameaibuki nukutã daewakĩ hatu nemanũ ikaĩ hatu yuikĩ: “Matu dabe mã huni betsamaki. Haskai mã detenamei ikanai?” hatu wa

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.

Efésios 4:17

Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

1 Timóteo 3:15

Ẽ yane katiruma xinãkinã, haskai Deus hiweatũ enabũ txanima hãtxa Jesus Cristokiri hatũ matu tsuma unãkĩ txanima hãtxa besti xinaĩ hawẽ nemakanaĩ haskai hiwei hau mekei penũbũ haskakiri mĩ hatu yusĩnũ bebũkiri ẽ mia kene bumaii.

Hebreus 3:12

Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.

Santiago 5:17

Ha inũ, nukũ shenipabu Elias nuku keskakiri ana xinãnãkãwẽ. Bika tenei Deusbe nũ haibunameai keskai txĩtuãma Eliasri hiwekũkainikiaki. Hakia hawenabũ Deus txibãbumawẽ taeshũ Eliasĩ Deus yukakĩ yuikĩ: “Enabu mĩ kuxipa uĩmakĩ ana ui hatu inãyamayukubaĩwẽ”, akĩ yukakĩ ui nesewaima bari dabe inũ besti namakis ui ana imama inikiaki.

Josué 3:10

hatu yuikĩ: “Uĩkãwẽ. Mai hirabi hatũ dami wani hawẽ ibu hatube yubakani hãtxa aruni bau matu bebũ bebũkiri Hene Jordãokiri pukui bukanikiki. Ha bau iabaini bui Hene Jordão anu Deusbe matu hãtxashunikabu pukutanaibũ hene dami hamebi pashkai ha hene manãkiria kushibirani niti ika pes daka uĩkĩ Senhor Deus hiwea matube nia kakũkainai mã uĩshanaii. Hanushũ hatũ matu merabewakĩ Canaã nawabu inũ, Heteu nawabu inũ, Heveu nawabu inũ, Ferezeu nawabu inũ, Girgaseu nawabu inũ, Amorreu nawabu inũ, Jebuseu nawabu matũ berubi nitxĩkĩ hatũ mae tibi matu mebĩshũkĩ matu ibuwamashanai mã uĩshanaii. Haskakẽ mã shukua tibi anua huni bestitxai tibi katukãwẽ, 12 huni kushipaburã. Ebe buaibu daya betsa ẽ hatu yunushanaii”, hatu wa

Apocalipse 14:7

hui kuxipawẽ yuikĩ: “Deusũ nai inũ mai inũ iãnẽwã inũ ũpash txatxa tibi damiwanitũ yura dasibi unãti watã na habiatiã hatu kupikĩ taewaikiki. Haskakẽ menã haki dãti itã Deuski datekĩ kẽwãrikãwẽ”, ikainaya

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Apocalipse 19:19

Hanushũ ana ẽ uĩayã yuinaka mese atimapahaira inũ, shanẽ ibubu mai hirabi anua inũ, hatũ soldadobu itxa ha cavalo hushupaki katsaumea hawẽ soldadobuya hatube detenamẽnũ ika itxa maniabũ

Apocalipse 22:9

ea nemakĩ yuikĩ: “Haskayamawe. Mia keska eari ẽ Deusũ tsumaki. Mĩ betsabu Deusũ hãtxa yuishunikabu betsa inũ dasibibũ na hãtxa kenekĩ mĩ una wai habũ txibãshanaibu keska eari ẽ hatu keskaki. Deus besti kẽwãwẽ”, ea watã

Apocalipse 4:11

“Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.

1 Samuel 12:21

Ana yushibu dami hawẽ parananaĩbu hiwea hayama txibãkĩ kẽwãyamakubaĩshãkãwẽ. Hiwea hayabumawẽ taeshũ hatũ matu mekekĩ merabewatirubumaki.

1 Samuel 17:26

nĩkatã hari mapuabu Davĩ hatu yukakĩ: —Ha Filisteu nawã matu kashe wakubainai tsuara habe detenamekĩ tenãkĩ yamawakenã, ha huni detenamenika Saulũ hawa inãshanai yuishinamẽ? Deus hiweatũ detenamenikabu kashe wakĩ bika tenemakubainai tsua ikimẽkaĩ, hawa Deus ikũwãmarã— ikaya

1 Samuel 17:36

Haskakĩ leão inũ urso detekĩ ẽ amis keska ha huni Filisteu nawa Deusuma ẽ habiaskari watirumamẽ? ha Deus hiweatũ detenamenikabu hatu mesewakubainairã.