Hechos 14:1 - Kaxinawá Bíblia (BR)

¹ Icônio anu Paulo inũ Barnabé buxiã hanu judeubu itxamisbu anu hatube hikitã Jesus mekenã bestikiri shabakabi haska nĩkaisbuma hatu pe yusĩkĩ meshtãmaibũ judeubu itxapabu inũ judeubuma itxapabũri nĩkakĩ ikũwaĩbũ

Kashinawa : Diosun Jesúswen taexun yuba bena yiniki

¹ Iconio anu Pablo inun Bernabé bushian janu judiobu ichamisbu anu jatube jikitan Jesús mekenan bestikidi xabakabi jaska ninkaisbuma jatu pe yusinkin mextanmaibun judiobu ichapabu inun judiobuma ichapabundi ninkakin ikunwainbun

Hechos 14:1 Referencias Cruzadas

João 12:20

judeububetã nawabu shuku betsa Gregobũ Deus kẽwaĩ hatube besi nawai Jerusalém anu bexiãbu

João 7:35

haskai nĩkai judeu shanẽ ibubu yuinamei yuka iki: —Hani ka nũ betxiama itiru txani ikimẽkaĩ, harã? Nukunabu nawabube txai hiwebaunabu anu kashanũ ika xinaĩ ikimẽkaĩtsa? Gregonawabũ Deus unãbumanu yusĩtanũ ika ikimẽkaĩ?

Hechos 11:21

Hanua habu Deusũ Yushĩ Pepatũ hatu kuxipa waya hatũ yusĩawẽ taeshũ Gregobu itxapabũ hatũ xinã sheni henetã hiwea bena nukũ Shanẽ Ibu Jesuskiri ikũwãnibukiaki.

Hechos 13:43

hanushũ judeubu itxapabu inũ nawabũ judeubũ beya txibãmis itxapabũri Jesuskiri kakape hãtxa ikũwãkĩ Paulo inũ Barnabé nĩkakubainaibu txĩtuãma hau pepawẽ Deus benimawakubaĩshanũbũ hatu yusĩnibukiaki.

Hechos 13:46

hanua Paulo inũ Barnabé hawa dateama dasibibũ nĩkaibũ judeu shanẽ ibubu haskaibu hatu kemakĩ: —Deusũ kakape hawẽ bakekiri mã judeubu dukũ nũ matu yusĩ taewanũ Deusũ nuku yunukĩ nitxĩbiaimakẽ nũ matu yusĩaĩ nukũ yusĩa danãkĩ hawẽ pepai hiweibi hiweti mã bikakatsi ikabumaki. Mã haskaya matu henebaĩ nawabu judeubuma anu nũ hatu yusĩ kaii.

Hechos 13:5

mae betsa Salamina bai butuatũ keti itã hanu hikixĩshũ hanu judeubu itxamisbu tibi anushũ Deusũ Messias Cristo mekenãkiri hatu yusĩ taewatã hatu yusĩkubauni

Hechos 13:51

hatu haska wabu Paulo inũ Barnabẽ hau hawa unãma habiaskasi hiwekubaĩshanũbũ hatu unãti wakĩ Antioquia anuabuki hatũ bitxi tae pekatã hatuki mai mixpu tabaini mae betsa hawẽ kena Icônio anu bunibukiaki.

Hechos 14:19

ha hatu haska waibũ judeubu Antioquia anua inũ Icônio anuabu beshũ Paulo inũ Barnabékiri txani txakakĩ yurabu parãkĩ hatu xinã betsa wamatã hatu itimaska wamabaũkĩ Paulo besti betxishũ mãkãwẽ tsaka tsaka akabu Paulo di ikaya: “Ma mawaki”, ishũ txaka urẽmisbu anu sharabaĩ urẽtanabu dakakẽ

Hechos 14:2

hanushũ ha judeu betsabũ hatũ hãtxa danãkĩ nawabuki txani txakakĩ Jesus ikũwaĩbuki xinã txakakĩ hatukiri txakabu yuibaunaibũ

Hechos 14:21

harishũri Deusũ hãtxa hawẽ bakekiri kakape hatu yusĩa hanushũ Derbe anushũ hatũ hãtxa abukĩ itxapabũ nĩkakĩ ikũwaĩbũ haria txĩtũkirani Listra inũ, Icônio inũ, Antioquia anu bekubirãkĩ

Hechos 16:1

hanua Paulo inũ Silas kakũkaĩkĩ Derbe inũ Listra ha mae dabe anu yusĩ Listra anua Jesus ikũwaĩ betsa hawẽ kena Timóteoki nukunibukiaki. Hawẽ ewa judeu aĩbũ Jesus ikũwãyã hawẽ epa Gregonawã Jesus ikũwãmakẽ

Hechos 16:2

hanua ikũwaĩbu Listra inũ Icônio anushũ Timóteõ Jesus ikũwaĩ pe hiwekũkaĩmiskiri txaniaibũ

Hechos 17:12

haska wakĩ judeu itxapabu inũ Gregonawabu hunibu inũ aĩbuaibu pepabu hatukiri pe xinãmisbũri habũ Jesus ikũwaĩbũ

Hechos 17:17

haskawẽ taea judeubu inũ Gregonawa bestibu habũ Deus kẽwãmisbu hatũ itxati hiwe anua shaba tibi hikitã Deusũ Messias Jesuskiri hatube yuinamei hãtxakũkaini inũ mae hemaĩtĩ ewapa anushũri dasibi maniabu habiaskasri Jesuskiri hatu yui hatube hãtxanameriakũkainaya

Hechos 17:4

hanushũ judeubu hatiritũ inũ Gregonawabũ Deus kẽwãmisbu itxapabu inũ aĩbuaibu pepa hakiri pe xinãmisbu mirimabũri Jesus ikũwãkĩ Paulo inũ Silaski dasiaibũ

Hechos 18:4

hanua sábado huĩrukũti tibitiã hanu judeu itxamisbu hiwe anushũ Jesuskiri hatu yusĩkĩ hatu tapĩmakĩ ikũwãmai judeubu inũ Gregonawabube Paulo hãtxanamekũkainaya

Hechos 18:8

hanu judeu itxamisbu hiwe hatũ mekea shanẽ ibu hawẽ kena Crispõ habube hiweabubetãs nukũ Shanẽ Ibu ikũwanibuki. Ha dikabi Corinto anushũ itxapabũri Paulõ hãtxa kakape yuiai nĩkatã Jesus ikũwãriaibũ hau hatu naximanũbũ ikũwaĩ betsabu Paulõ yunua hatu naximanibuki.

Hechos 19:10

ano dabe nitxiãyã ha mai pakea Ásia anu hiweabu dasibi judeubu inũ judeubumã Shanẽ Ibu Jesus mekenãkiri yusĩaĩ nĩkakubaĩnaibũ

Hechos 19:17

Éfeso anuabu dasibi judeubu inũ judeubumã nĩkatã datehairakĩ Shanẽ Ibu Jesusũ kena kuxipa unaĩ itsakĩ: “Nũ hamẽ datãkeaketirumaki”, ikĩ Jesusũ kena pawanibukiaki.

Hechos 19:8

Hanushũ ushe dabe inũ besti nitxĩ hanu judeubu itxamisbu hiwe anu hikitãtani dateama shabakabi hatube hãtxanamekĩ hawẽ Messias Jesus nukũ mekenãwẽ taea Deus shanẽ ibushanaikiri Paulõ hatu ikũwãmakatsis ikũkaĩnaya

Hechos 2:47

Deus kẽwaĩbũ dasibibũ hatukiri pe xinãkubainaibũ shaba tibi betsabũ Jesus ikũwaĩ yurã kaiã itxai hatuki dasiaibu Deusũ hawenabu hatu wakĩ kenakubainikiaki, habu hiwei mekekatsi ikaiburã.

Hechos 20:21

Haska inũ, Deuskiri txakabumisbũ hau xinã betsa watã nukũ Shanẽ Ibu Jesus inũ Deuskiri xinã betsa watã mã ikũwanũbũ judeubu inũ judeubuma ẽ matu yusĩhairaniki.

Hechos 21:28

hãtxa kuxipawẽ hatu yuikĩ: —Israelbuũ, nuku merabewai bekãwẽ. Na huninã, mae tibi anushũ yurabu hatu yusĩ txakakĩ nukukiri inũ, Moisés yusĩnikiri inũ, na nukũ Templokiri hau xinã betsa wanũbũ hatu yuikubaũmiski. Ha dikabi nukũ Templo anu Gregobu hatu iweshũ nukũ Templo meribi ma hatu atimapa wamaikiki— ikinã,

Hechos 9:20

Hanu hatube hiweyushũ hanu judeubu itxamisbu betsa betsapa anushũ Saulõ hatu yusĩ taewakubaũkĩ: —Jesusrã, Deusũ bake kayabiki— akĩ hatu yuikubainaya

Romanos 1:16

Tsuabũra Deusũ kakape nĩkatã ikũwaĩbu Deusũ habũ txakabu buakĩ ana xinãma hawẽ kuxipa paewẽ hawenabu hatu wamisshũ mekepakeshanikiki. Haskawẽ taea ha dukũ judeu hatiribũ ikũwãkĩ taewanibuki. Hanushũ ha katxu judeubuma betsabũri ikũwãriakanikiki. Haskakẽ Deusũ kakape Jesus Cristokiri yuikĩ datã akĩ hawa hawẽ dakeama ẽ hatu yusĩkubainaii.

Romanos 10:12

judeubu inũ judeubumarã, tsuabũra Messias ikũwaĩ nukũ txakabu hatũ nuku buashũkĩ betsa tibiwẽ nuku ashuĩsmaki. Habias Shanẽ Ibu Deusũ hatũ dasibi meke keyua inãnanã txakaisma kẽwãkĩ mã ea akubainaibu hawa yauxiama matu duawakĩ inãkubaĩmiski.

Gálatas 2:3

Haska ẽ hãtxa danãma inũ betsarã, Tito Gregonawabiakẽ uĩbiakĩ hau hawẽ hina kubitxi meshtenũbũ hawa nuku yunuama irianibuki.

Gálatas 3:28

Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ.

Colosenses 3:11

Mã ma haskarã, tsuabũra Cristo ikũwaĩbu hawenabukiri eska xinaĩ mã hãtxatirubumaki, Gregonawaburã, judeuburã, habũ judeubũ beya txibãkĩ habũ hina kubitxi meshtemisburã, habũ judeubũ beya txibaĩsbumarã, nawa shukuabu tibirã, pubẽburã, habũ habu dayashũmisburã, tsuã tsumamarã. Nũ haska betsa betsapabubia haska xinaĩ hatukiri hãtxayamakubainãkãwẽ. Cristorã, dasibikirã, dasibibũ shanẽ ibui keyuaki.

2 Timóteo 3:11

haska Antioquia anushũ inũ, Icônio anushũ inũ, Listra anushũ ea itxakawakĩ ea bika tenemakubirãyamabu mĩ unaĩ keskakĩ miari bika tenemaibu mĩ teneai ea keskakĩ mĩ mekubainaii. Ea haska tibi wabiaibũ nukũ Shanẽ Ibuã ea hatu mepamakubaĩyamaki.