Hechos 13:5 - Kaxinawá Bíblia (BR)

⁵ mae betsa Salamina bai butuatũ keti itã hanu hikixĩshũ hanu judeubu itxamisbu tibi anushũ Deusũ Messias Cristo mekenãkiri hatu yusĩ taewatã hatu yusĩkubauni

Kashinawa : Diosun Jesúswen taexun yuba bena yiniki

⁵ mae betsa Salamina bai butuatun keti itan janu jikishinxun janu judiobu ichamisbu tibi anuxun Diosun Mesías Cristo mekenankidi jatu yusin taewatan jatu yusinkubauni

Hechos 13:5 Referencias Cruzadas

1 Reis 19:21

Elias henebaini Eliseu kashũ ina awa bene dabe katushũ tesẽrabetã hawẽ bitxi dashpeshũ hawẽ nami inũ hawẽ shau meshte meshte atã awa hi tekishkũmisbu betsa karu washũ hawẽ nami bawashũ hatu shunubaĩkĩ unãti wamakĩ hawenabu pima keyutã dayakĩ tapinũ ika Eliseũ Elias txibãbainikiaki, hawẽ dayaruirã.

1 Reis 19:3

nĩkatã haki datehairai hawẽ hiwea mekei hawẽ dayaru iyui Judá enabũ mai pakea sulkiri txaihaira Berseba anu kai hikishũ hawẽ dayaru bashibaini

Êxodo 24:13

shanẽ ibu beshmasbu Moisĩ yunukĩ: —Nũ kaya nenushũ ea manayushãkãwẽ, hatiãra ẽ txĩtuainã. Ẽ betsa Arão inũ ẽ txai Hur matube ẽ bashiyubainairã, tsuabura txakabui ha ikaibu ea shanẽ ibushũyukĩ Arão inũ Hurĩ hau hatu pewanũbũ ha dabe anu hatu iyushãkãwẽ— hatu watã hawẽ merabewanika Josué iyui Deusũ mati nai kuĩwẽ atximakẽ namakis anu mapekea

Mateus 20:26

Hakia matubunã, haska xinãyamakubaĩkãwẽ. Matu anua tsuara shanẽ ibukatsis ikinã, hau dasibi matu merabewakĩ duawakubainũbũwẽ.

Hechos 12:12

haska xinãbaini João Marcõs ewa Mariã hiwe anu ikũwaĩ mirimabu itxashũ Deus hakiri yukashunaibu anu Pedro kashũ

Hechos 12:25

hanua Antioquia anua ha pei hatu itxawashũtã bushũ Jerusalém anu Jesus ikũwaĩbu mekenikabu hatu inãtã harishũri hatubetã Jesuskiri hatu yusĩkubaĩkĩ keyutã txĩtũkirãkĩ João Marcos Antioquia anu iwei Barnabé inũ Saulo bunibukiaki.

Hechos 13:14

hanua Perge mae anu niti ikama bui mai pakea betsa Pisídia kapukebaini mae ewapa betsa Antioquia anu hikixinabũ hanua huĩrukũti sábadotiã hanu judeubu itxamisbu anu hikia hatube tsauwabũ

Hechos 13:46

hanua Paulo inũ Barnabé hawa dateama dasibibũ nĩkaibũ judeu shanẽ ibubu haskaibu hatu kemakĩ: —Deusũ kakape hawẽ bakekiri mã judeubu dukũ nũ matu yusĩ taewanũ Deusũ nuku yunukĩ nitxĩbiaimakẽ nũ matu yusĩaĩ nukũ yusĩa danãkĩ hawẽ pepai hiweibi hiweti mã bikakatsi ikabumaki. Mã haskaya matu henebaĩ nawabu judeubuma anu nũ hatu yusĩ kaii.

Hechos 14:1

Icônio anu Paulo inũ Barnabé buxiã hanu judeubu itxamisbu anu hatube hikitã Jesus mekenã bestikiri shabakabi haska nĩkaisbuma hatu pe yusĩkĩ meshtãmaibũ judeubu itxapabu inũ judeubuma itxapabũri nĩkakĩ ikũwaĩbũ

Hechos 15:37

Barnabẽ kemakĩ: —Kakinã, João Marcos nũ ana iyutirumẽ?— aka

Hechos 17:17

haskawẽ taea judeubu inũ Gregonawa bestibu habũ Deus kẽwãmisbu hatũ itxati hiwe anua shaba tibi hikitã Deusũ Messias Jesuskiri hatube yuinamei hãtxakũkaini inũ mae hemaĩtĩ ewapa anushũri dasibi maniabu habiaskasri Jesuskiri hatu yui hatube hãtxanameriakũkainaya

Hechos 18:4

hanua sábado huĩrukũti tibitiã hanu judeu itxamisbu hiwe anushũ Jesuskiri hatu yusĩkĩ hatu tapĩmakĩ ikũwãmai judeubu inũ Gregonawabube Paulo hãtxanamekũkainaya

Hechos 19:22

hanua hau bebũkiri Macedônia anu bunũbũ hawẽ merabewanika dabe Timóteo inũ Erasto yunutã ana usha eskarabesi Paulo Ásia mai pakea anu baxikuyuaya

Hechos 19:29

haskaibu yurã kaiãnẽ nĩkatã Efeso mae hirabi anua dasibi itimaskai berukuakeakebaũkĩ Macedônia anua Paulobe beimabu Gaio inũ Aristarco atxibaĩkĩ hanu dasibi itxa tsaumisbu anu hatu sharabaĩkĩ iyuabu

Hechos 19:8

Hanushũ ushe dabe inũ besti nitxĩ hanu judeubu itxamisbu hiwe anu hikitãtani dateama shabakabi hatube hãtxanamekĩ hawẽ Messias Jesus nukũ mekenãwẽ taea Deus shanẽ ibushanaikiri Paulõ hatu ikũwãmakatsis ikũkaĩnaya

Hechos 9:20

Hanu hatube hiweyushũ hanu judeubu itxamisbu betsa betsapa anushũ Saulõ hatu yusĩ taewakubaũkĩ: —Jesusrã, Deusũ bake kayabiki— akĩ hatu yuikubainaya

Colosenses 4:10

Haska inũ, Aristarco ebe bitximabũ hawẽ hãtxa matu bumariakĩ yuikĩ: “Deusũ hau matu duawakubainũwẽ”, matu waikiki. Barnabẽ txai Marcõs habiaskari hawẽ hãtxa matu bumariaikiki. Marcoskiri ẽ matu yuimaki. Hatiãra matukiri bakĩ matu yusĩ kaya ikĩ pewatã duawashãkãwẽ.

2 Timóteo 4:11

Lucas besti nenu ebe hiweaki. Hukĩ Marcos benakĩ betxitã iweshãwẽ, mibetã nenushũ ea merabewatirukirã.