Hechos 13:32 - Kaxinawá Bíblia (BR)

³² Na habias kaka pepa bexĩshũ nũ matu yuiairã, Deusũ nukũ shenipabu yubanirã,

Kashinawa : Diosun Jesúswen taexun yuba bena yiniki

³² Na jabias kaka pepa beshinxun nun matu yuiaidan, Diosun nukun xenipabu yubanidan,

Hechos 13:32 Referencias Cruzadas

Gênesis 12:3

Hanushũ tsuãra mia pepawaya ẽ haturi pepawashanaii. Hakia tsuãra mia txakabuwakĩ yupuwaya hatu kupikĩ ẽtseri ẽ hatu mia yupushũkubaĩshanaii, manakukinã. Ha inũ, miwẽ taeshũ nawa betsa betsapa mai hirabi anu shukua hiwebaunabu dasibi ẽ hatu pepawariashanaii”, aka

Gênesis 22:18

Ẽ mia yunushina mĩ ea ashũshuwẽ taeshũ minabu katushũ hatuwẽ nawa betsa betsapa mae hirabi anu ẽ hatu duawakubaĩshanaii”, akĩ Senhor Deusũ ea mia yuimashuki— aka

Isaías 11:1

Jessé enabu Assíria nawabũ hatu itxakawakinã, hi derakĩ hatu hawẽ buru keska besti wanibuki. Hakia ha hi buru anua ana takushanikiki. Hawẽ tatxa anua hawẽ tapũ betsa hukũmis keskai huni betsa ana kaĩshanikiki.

Isaías 40:9

Sião yuikĩ: Siãonã, mati keyatapa hawẽ henea mamaki mapeketã hui kushipawẽ sai ikĩ kaka pepa txaniti hatu banabimariwe. Jerusalémnẽ, hawa dateama mĩ hui tashnimakĩ kaka pepa Judá maewã tibi anu hiweabuki hatuki eska txaniriwe: “Na habia matu dapiki, matũ Deusrã!” hatu wakinã.

Isaías 41:27

Hakia ea Senhor Deusũnã, bebũkiri Sião anuabu hatuki txanikĩ ẽ hatu unãmaniki. Jerusalém anu ẽ hãtxa yuishunika ẽ yununiki, ha Israelĩ enabu hawaira txĩtũshanaibu hau hatu yuinunã.

Isaías 52:7

Tsuara mati matipa anu hukĩ txakabumakirãkĩ kakape yuinũ ika hui benimakiranai uiaĩbũ Deus anua pepa unanuma hiweti txani inũ haska txakabu anua tashnitirubu txanitã Sião yuikĩ: “Mĩ Deusrã, shanẽ ibuhairaki!” ashanikiki.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Jeremias 23:5

txanima Senhor Deusũ mestẽwãkĩ ana yuikĩ: “Ha shaba betsatiã shanẽ ibu hunũbarikiki, Davĩ baba betsa shanẽ ibuhaira ẽ washanaii, hawẽ mai pakea anua hawẽ yunuti kushipawẽ unanepakĩ hatu yunukĩ parananãma pepas wakubaĩshanikiki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Malaquias 3:1

Senhor Deus kushipa dasibi binu keyuatũ matu yuikĩ: “Ẽ hãtxa bunika ea bebũ ẽ nitxĩshanaii, hau hatũ ẽ hanu kashanai bebũkiri hau ea bai pewashũshanunã, ikĩ Senhor Deus ẽ matũ shanẽ ibu mã ea benakubaĩmisbu hanu eki nukuti Templo anu hawairakaĩ ẽ hikishanunã. Haska ẽ yubakani ẽ hãtxa matu bushuĩ ma kaikiki, ha uinũ ika mã ikubainaiburã”, ikaya

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Lucas 1:19

nai tsumã yuikĩ: —Earã, ẽ Gabrielki, nai tsuma shanẽ iburã. Deus dayashuni ẽ hãtxashũmiski. Ẽ mibe hãtxanũ na kakape Deusũ ea yunushuki.

Lucas 2:10

nai tsumã hatu yuikĩ: —Dateyamakãwẽ. Matunabu hawẽ benimai keyushanaibu ẽ matuki txanikĩ kaka pepa beshũshuki, nĩkakãwẽ.

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Hechos 13:23

Haska yubakanishũ Davĩ bababu anua betsã Israelbu dasibi hau hatu merabewakĩ hatũ txakabu buashũtã mekeshanũ— iwanã —yuini natiã Deusũ Jesus yunuyamaki.

Hechos 13:38

—Enabuũ, Moisés nuku keneshuniwẽ nukũ txakabu buakĩ nukũ xinã xarabu pewatirumaki. Hakia Jesuswẽ taeshũ Deusũ hau matũ txakabu matu buashũshanũ unãkĩ ha txibãkãwẽ. Hanushũ tsuabũra Jesus habũ ikũwaĩbu Deusũ hatũ txakabu buashũkĩ hatu pepawakĩ keyushanikiki.

Hechos 14:15

—Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Hechos 26:6

Haskawẽ taeshũ ẽ haskarakẽ daki ea unãti watã kupikatsi haska nukũ shenipabu Deusũ yubani ikũwãkĩ ẽ manai ea aki ikanikiki. Hanushũ mawabu ana hatu bestẽwaĩ kai Deusũ nukũ shenipabu yubani ẽ ikũwaĩwẽ taeshũ ea kupikatsis ikanikiki.

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Hechos 5:42

hatu yusĩkĩ hawa heneama Templo hemaĩtĩ anushũ inũ hiwe betsa betsapa anushũ shaba betsa tukuma Messias Jesus Cristokiri kaka pepakiri hatu tapĩmakubainibukiaki.

Romanos 1:2

Bebũkirihaira ha dukũ Deusũ hãtxa meribi kenenibu anu hawẽ bakewẽ yubakanikiri hawẽ hãtxa yuishunikabu Deusũ hatu kenemani nũ unaiĩ.

Romanos 10:15

Ha inũ, Deusũ hãtxa yusĩnãbu habu anu Deusũ hatu yunuama kakape Cristokiri hatu yusĩtirubumaki. Haskakẽ Deus yuishũkĩ hawẽ hãtxa yuishunikatũ haskakiri kenekĩ: “Deusũ kakape yusĩmisbu hikixĩshũ Deusũ kakape hatu yusĩaĩ nĩkai ha huxiãwẽ taea benimai xinã txãkãshãkanikiki”, iniki.

Romanos 4:13

Haska inũ, hawẽ yunuti inũ hawẽ nemati Deusũ Moisés kenemariama Deusũ hãtxa Abraãonẽ ikũwãkubainaya Deusũ Abraãokiri xinãkĩ: “Huni pepaki”, aniwẽ taea hatiritũ ha keskakĩ hawẽ bababũ Deusũ hãtxa ikũwãkubainaibu mai hirabi hatu ibu wamakĩ yunushanũ, iwanã, Deusũ Abraão hatukiri yubaniki.

Romanos 9:4

Enabu Israelburã, nukũ shenipabu anua Deusũ ana hatu ibu wakĩ hawẽ bakebu keska watã hatube hiwekĩ hawẽ kuxipa hatu uĩmai hawẽruai hatu bebunua txashahairakũkainikiaki. Hatu haska wakĩ Deusũ hawẽ yunuti inũ hawẽ nemati Moisés yusĩmakĩ hau itxashũ Deus kẽ kayabi wakubainũbũ hatu yusĩkĩ Messiaskiri hatu yubani haska manakakĩ hau txibãkubainũbũ betsa betsapakiri hatube Deus yubakakũkainikiaki.

Deuteronômio 18:15

Matũ mekenika Senhor Deusũ hawẽ hãtxa yuishunika betsa ea keska katutã matunabu anua matu tashnimashũshanikiki. Deusũ matu haska washunaya hawẽ hãtxa nĩkakubaĩshãkãwẽ.