Hechos 13:29 - Kaxinawá Bíblia (BR)

²⁹ Pilatõs hawẽ soldadobu yunua haska bebũkiri hakiri kenenibu keska wakĩ cruzki mastashũ tenãbu hanushũ hawẽ yura butetã bushũ maiwanibuki.

Kashinawa : Diosun Jesúswen taexun yuba bena yiniki

²⁹ Pilaton jawen soldadobu yunua jaska bebunkidi jakidi kenenibu keska wakin cruzki mastaxun tenanbu januxun jawen yuda butetan buxun maiwanibuki.

Hechos 13:29 Referencias Cruzadas

Marcos 15:42

Hanua ma bari kaya habiatiãri judeubu sábadotiã huĩrukũkatsi bebũkiri piti pewamisbukẽ

Lucas 23:50

Hanua ma bari kaya habiatiãri judeubu huĩrukũkatsi bebũkiri piti pewakĩ dasibi menea bari hikiaya ana dayatirubumawẽ taea hanu Judéia anua José hawẽ mae Arimatéia anua ewai yumeni, huni pepa inũ duapatũ Deus shanẽ ibushanaitiã manakĩ judeu shanẽ ibubiakĩ hau Jesus tenãnũbũ shanẽ ibu betsabube Sinédrio hatube ha yubakama ixiã José Romano shanẽ ibu Pilatos anu kashũ Jesus maiwatanũ ishũ hawẽ yura yukai kashũ yuka yunua ma huĩrukũti kemaiwẽ taea hawaira kashũ cruz anua hawẽ haibubetã Jesusũ yura hatu butemashũ tari txaipa hushupawẽ dayabutã bushũ maiwati mixki tãpe bena kini waimabu anu hanu yura betsa datãriabuma anu Josẽ hawẽ haibuaibubetã Jesusũ yura datãtã mixki ewapawẽ bepubainaibũ

Lucas 24:44

yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,

João 19:28

Jesusũ haska nuku yuitã dasibi hawẽ Epa Deusbe yubakani keyuai unaĩ Deusũ hãtxa anu haska hakiri keneni menei Jesusũ hui kuxipawẽ yuikĩ: —Ma ũpash manui ẽ tetsusinaki— ikai

João 19:30

tsu akĩ keyutã hui kuxipawẽ Jesusũ yuikĩ: —Dasibi ẽ ma keyuaki— itã bekua tiniã mawakĩ hawẽ Yushĩ ibu anu nitxĩniki.

Hechos 13:27

Huĩrukũti sábado tibitiã hanu itxamisbu anushũ Deusũ hãtxa yuishunikabũ kenenibu hatu yuimisbu inũ habuã hatu yuibiamisbũ hawa tapiãma Jerusalém anuabu inũ hatũ shanẽ ibubũ xinãkĩ hawa unãma Jesus hau tenãnũbũ, iwanã, danãnibuki, haska hawẽ hãtxa yuishunikabũ bebũkiri yuini keska wakĩ menekinã.

Hechos 2:23

Haska yubakani Deusũ ha huniwẽ abainai xinãma haska wai beshtenũ, iwanã, matũ hawẽ bake danãkĩ haki yubakatã hatu atximatã tenãmanũ, iwanã, huni txakabu mã hatu mastamaimaki.

Hechos 26:22

Haskakẽ Deusũ ea merabewaya hawa xinã betsa wama shanẽ ibubu inũ shanẽ ibuma hatuki txani Moisés inũ Deusũ hãtxa yuishunika betsabũ haska bebũkiri kenenibu ishanai

Hechos 4:28

Haska dasibi bebũkiri mĩ hakiri yubakani hau haska wai bunũbũ mĩ yuinirã, txanima haska keskarã, habunã, ma akimabuki.

Hechos 5:30

ana hãtxa txitxibaĩkĩ yuikĩ: —Jesus cruzki mã hatu mastamashũ hatu tenãmabia ha habias Deus nukũ shenipabũ kẽwãpaunibu habiatũri tenãbu nuku bestẽwãshuĩmaki.

1 Coríntios 15:4

Ha inũ, Jesus mawa maiwabu shaba dabe inũ besti kaya Deusũ bestẽwanikiaki, haska bebũkiri Deusũ hãtxa yuishunikabũ hakiri kenenibu keskariairã.